Nehemia 3:15 - Mukanda Wa Zambi 1970

¹⁵ Shalume mwana wa Kolhoze, mukwa kuyula chifuchi cha Mizpa, yatungulula chikolo cha Shima, yasako yajilo, ni yikungo ya kukashila yajilo. Ku chitende cha Shela yatungulula Chipinji cha chipanga chize ku munda wa mwanangana ndoo ku unyinyino uze watala ku Limbo lia David.

MUKANDA USANDU WA ZAMBI 1975

¹⁵ Chikolo cha fuji lia meya yachilulika kuli Shalume mwana Kole-hoze, mukwa kuyula chifuchi cha Mizepa. Yachitunga ni kuchifuka ni kumika mapito jako, ni yikungo yako, ni njalo jako, ni chipanga-cha-mawe cha ku Chitende cha Shiloa hakamwihi ni munda wa mwanangana ndo ku ukandukilo uze wa kupalumukina ku chihunda cha David.

Nehemia 3:15 Iomraidhean Croise

2 Samuel 5:9

Muze haakumba lie limbo liakukoleka, David yatwama mo, ni yaliluka jina ngwenyi: “Limbo lia David.” Mba yalitohwesa sali ni sali kubutuka haze alumbikile mavu ku sali lia mulundu ku chivumbuko.

1 MIANANGANA 25:4

yaalokola chipanga cha limbo. Chibwe te tujita twa Babilonia kaanajikinyina limbo, hindu tujita twa Ayuda eswe yaachina ha ufuku. Yaabalikila mu chikolo cha hakachi ka yipanga yaali, hehi ni munda wa mwanangana, yaachina nikutalikisa ku chikulo cha Yordau.

2 Sango Ja Mianangana 32:30

Mwanangana Hezekia mwe washikilile shima lia Gihone, yabula jila mu mawe ni kutwala meya ndoo mu limbo lia Yerusaleme. Yayuka mu yuma yeswe yize alingile.

Nehemia 12:37

Ku chikolo cha Shima lia Meya, yaanyina ha ukandukilo wa ku Limbo lia David, yaahiana zuwo lia mwanangana David ndoo ni ku chikolo cha Meya ku chivumbuko cha limbo.

Nehemia 2:14

Mba ku sali lia chivumbuko lia limbo yinguya ku norde ndoo ku chikolo cha Shima ni ndoo ku chitende cha mwanangana. Alioze chimbulu hali yoze te ngunendela kamwene ko haze mabalikila.

Nehemia 2:17

Alioze mba yingwalweza ngwami: “Achinyongenu lamba libwa haha, mumu Yerusaleme hanabuzuka, ni yajilo yenyi hiyinaweme, tuyenu tutungulule chipanga cha Yerusaleme, kanda twivwa nawa sonyi.”

Nehemia 3:12

Shalume mwana wa Haloheshe, mukwa kuyula wa Chihanda chikwo cha chota cha Yerusaleme, yatunga Chipinji chize chasulile ko. (Ana jenyi a mapwo yaamukwasa.)

Nehemia 3:14

Malkija mwana wa Rekabe, mukwa kuyula chifuchi cha Bete Hakereme, yatungulula chikolo cha Pinga. Yaasako yajilo, ni yikungo ya kukashila yajilo.

Nehemia 3:19

Ezere mwana wa Jeshua, mukwa kuyula Mizpa, yatunga chize chasulile ko kulutwe lia zuwo lia yitwa ya jita, ndoo ku mbango ja che chipanga.

Nehemia 3:7

Melatia wa ku Gibeone, ni Jadone wa ku Meronote, ni malunga ja Gibeone ni Mizpa yaatunga Chipinji chize chasulile ko ndoo ku zuwo lia mukwa kuyula chifuchi cha ku chitokelo cha lwiji Ufrateze.

Nehemia 3:9

Refaya mwana wa Hure, mukwa kuyula wa Chihanda cha chota cha Yerusaleme, yatunga Chipinji chize chasulile ko.

Longeshi 2:6

Yingufula yitende ya meya ya kuyihinjila.

Izaya 8:6

“Atu wano haalituna meya waze anende hakehe a mu lwiji Shiloa ni kaanachikima ku meso ja mianangana Rezine ni Peka.

Jeremia 40:6

Yinguya ni kutwama ni Gedaliya mu limbo lia Mizpa, yingubwa mukachi ka masalila a mu chifuchi.

Luka 13:4

Hanji waze kumi ni nake afwile muze zuwo lisuku lia kutalila lia Silome liabuzukile hali ayo, nunanyongo ngwenu, ayo abwile yivulumunyi kuhiana akwa Yerusaleme eswe akwo, nyi?

Yoano 9:7

yamwamba ngwenyi: “Yako usane ku meso mu shima lia Silome.” (Kulumbunuka ngwo: “Hatumiwa.”) Kapuputa yaya, yasana ku meso, yahiluka ni kumona.

Akwa Kuyula 20:1

Hohene Aisraele eswe, chize ku Dane ku norde ndoo ku Bersheba ku sude, ni ku chifuchi cha Gileade ku chivumbuko, yeeza, yaakunguluka ngwe mutu umuwika kuli Mwene Zambi ku Mizpa.

Akwa Kuyula 20:3

Abenjamine yeevwa ngwo, Aisraele akwo eswe haakungulukila ku Mizpa. Aisraele yaahula ngwo: “Tulwezenu kama, we mulonga uno kuchi wabwile?”