Nehemia 3:1 - Mukanda Wa Zambi 1970

¹ Chipanga cha mawe cha Yerusaleme yaachitungulula ngwe chino. Mwata wa mahako Eliashibe ni mahako akwo yaatungulula chikolo cha Mapanga, yaachikunjika; yaasako yajilo. Yaakunjika chipanga ndoo ku zuwo lisuku lia kukoleka lia Kulakaji ni lia Hananele.

MUKANDA USANDU WA ZAMBI 1975

¹ Henaho sasendote mukwa lutwe Eliashipe yakatuka ni asasendote ni akwo; yatunga chikolo cha mapanga. Yachisela ku usandu; yamika mapito; ndo lume ku kaposhi ka Hamea yachisela ku usando ndo ku kaposhi ka Hanande.

Nehemia 3:1 Iomraidhean Croise

Nehemia 12:10

Yoshua yasema Joakime: Joakime yasema Eliashibe; Eliashibe yasema Joyada;

Nehemia 12:30

Mahako ni Alevi yaalibemesa, yaabemesa nawa atu, ni yikolo ni che chipanga cha mawe.

Nehemia 12:39

Katu kwenako yituhiana chikolo cha Efraime, ni cha Jeshana, ni cha Yishi, ni zuwo lisuku lia kukoleka lia Hananele, ni lia Kulakaji, ni ndoo ku chikolo cha Mapanga. Kwenda chetu yichisulila ku chikolo cha zuwo lia Zambi.

Nehemia 13:28

Umwe mwana wa Joyada, mujikulu wa Eliashibe, mwata wa mahako, yambata mwana wa Sambalate wa ku limbo lia Bete Horone, yingumuhanga liakulu.

Nehemia 13:4

Hako Eliashibe, yoze te wakuyula atu waze akusa yuma mu yibatulo ya mu zuwo lia Zambi, wabwile sepa lia Tobia.

Nehemia 3:20

Baruke mwana wa Zabai, yatunga chize chasulile ko, ndoo ku chikolo cha zuwo lia mwata wa mahako Eliashibe.

Nehemia 3:21

Meremote, mwana wa Uria mujikulu wa Hakoze, yatunga chize chasulile ko, ndoo ku songo lia zuwo lia Eliashibe.

Nehemia 3:32

Fuli ja oru ni akwa kulanjisa yaatunga Chipinji cha kusula, chize ku chibatulo cha ha mbango ndoo ku chikolo cha Mapanga.

Nehemia 6:1

Sambalate, ni Tobia, ni Gesheme, ni akwa kole jetu akwo yeevwa ngwo, hitwamanununa kutungulula chipanga cha mawe, nawa ngwo, kukwasalile chituwa nichimwe. Alioze kanda te luchisa yajilo.

Nehemia 7:1

Muze chipanga cha mawe hichahwa ni hitwasa yajilo yeswe, yitukunjika tufunga twa zuwo lia Zambi ni mbunga ya njimba ni Alevi ku milimo yo.

Miaso (Masamu) 30:1

Mwene Zambi ngunakufumanyisa mumu hiwangulamwina, kuwatayijile akwa kole jami kungukekuna.

Miaso (Masamu) 48:12

Atu ja Zambi, endangane mu Zione, nwalule mazuwo asuku akukoleka.

Yishima 3:6

Iwuluka Mwene Zambi mu yuma yeswe yize wakulinga, neye makulweza jila yoloka.

Yishima 3:9

Lemesa Mwene Zambi ni milambu ye, umulambule mbuto yitangu ya mu minda ye.

Jeremia 31:38

Mwene Zambi kanambe ngwenyi: “Tangwa kulineza lize atu maakatungulula Yerusaleme mweswe, chize ku zuwo lisuku liakukoleka lia Hananele ku chitokelo ndoo ku chikolo cha Ha Mbango.

Daniel 9:25

Sako chinyingi, unyingike kanawa: chize ku tangwa lize ambile lia kutungulula Yerusaleme, ndoo ni ku tangwa lize mukwa lutwe yoze atongwele Zambi makasoloka, miaka shimbiali yisuho shimbiali muyikabalika. Yerusaleme maakamutungulula, ni e majila jamo, ni ye yipanga ya kukoleka. Mba makalinduluka miaka shimbiali yisuho makumi asambano ni yaali, alioze maakabwa matangwa a lamba.

Zakaria 14:10

Chifuchi cheswe, chize ku Geba ku norde ndoo ku Rimone ku sude, mukukabwa chana. Alioze Yerusaleme makamuzundula helu lia chifuchi chize chamujingilika. Lie limbo mulikatanda chize ku chikolo cha Benjamine ndoo ku chikolo cha Ha Mbango kuze kwabwile chimwe chikolo chikwo hatangu, ni chize ku zuwo lisuku liakukoleka lia Hananele ni ndoo ku ukamino wa vinyu wa mwanangana.

Yoano 5:2

Mu limbo, hakamwihi ni chikolo cha Mapanga, chitende chili ko chikwete yisambwe yitano, chize akuvuluka mu hebreu ngwo, Betzata.

Shimbi 20:5

“Mba miata ja tujita maakahula malunga ngwo: ‘Kuli umwe lunga yoze unakatunga zuwo, alioze kanda achilikunjika kuli Zambi, nyi? Nyi kwali, ahiluke ku mahienyi. Mumu, nyi wafwa mu jita, hi mukwo weka makalikunjika.