Nehemia 2:8 - Mukanda Wa Zambi 1970

⁸ Yingumuhula nawa mukanda wa kuhana kuli Asafe, kafunga ka usaki wa wanangana, hanga angwehe mitondo mumu ha yajilo ya chipanga cha zuwo lia Zambi, ni chipanga cha limbo, ni zuwo lize te mungutwama. Mwanangana yangwaha yeswe yize namwichile, mumu Zambi wabwile hamwe ni yami.

MUKANDA USANDU WA ZAMBI 1975

⁸ ni mukanda kuli Asafwe, kalayi ka usaki wa mwanangana, akangwehe mitondo ya manguji ni mikambo ya yajilo ya mbonge yize yatwala ku zuwo, ni ya chipanga-cha-mawe cha chihunda, ni ya zuwo lize mungutwama yami. Mba mwanangana yangutayiza nikulita ni kwoko lipema lia Zambi yami hali yami.

Nehemia 2:8 Iomraidhean Croise

Ubutukilo 32:28

Mutu yoze ngwenyi: “Jina lie kulichi kubwa nawa Yakoba, mumu hiwalitachika ni Zambi ni atu, hiwakumba. Kashika maakuvuluka ngwo, Israele.”

Ezra 5:5

Alioze Zambi yabwa hamwe ni miata ja Ayuda, ni akwa kuyula ja Persia yaabatula ngwo, keechi kalinga nichimwe ndoo haasoneka mukanda kuli mwanangana Dariuse ni kutambula kumbululo.

Ezra 6:22

Matangwa shimbiali yaawahilila nikulinga chiwanyino cha Mbolo Yize Kuyishi Yitumbo. Yaawahilila kuhiana mumu te Mwene Zambi halumuna mbunge ya mwanangana wa Asuria hakutwala kuli ayo. Neye yaakwasa kutungulula zuwo lia Zambi, Zambi ya Aisraele.

Ezra 6:8

Ngunanwehe Shimbi hanga nwakwase kulitungulula. Fweto yo muyikatuka ku mushete wa milambu ya wanangana ya mu chifuchi ku chitokelo cha Ufrateze hanga milimo kuyichi kavumewa.

Ezra 7:6

Ezra te kali longeshi wa mana, yanyingika kanawa Shimbi jize Mwene Zambi, Zambi ya Aisraele ahanyine kuli kavumbi kenyi Mose. Mwanangana wa Persia yamwaha yuma yeswe yize echile, mumu Mwene Zambi, Zambi yenyi, wabwile hamwe nenyi. Ha mwaka wa muchishimbiali wa kuyula cha mwanangana Artasherke, Ezra yatuhuka mu chifuchi cha Babilone ni kuya ku limbo lia Yerusaleme hamwe ni mbunga ya Aisraele: mahako, ni Alevi, ni njimba ni tufunga twa zuwo lia Zambi, ni akwa milimo.

Nehemia 7:2

Yingusa malunga aali ayule limbo lia Yerusaleme: mwanakwetu Hanani ni Hanania, mwata wa tujita a lie limbo, te mukwa ululi, kakuvwila Zambi woma kuhiana atu akwo.

Yishima 21:1

Chili chashi kuli Mwene Zambi kuyula mbunge ya mwanangana, chili chashi kuli iye kusongwela yitwetwe ya meya.

Longeshi 2:5

ni ya yitemo, yingutumba mo mitondo ya mihuko yeka ni yeka.

Longeshi 2:6

Yingufula yitende ya meya ya kuyihinjila.

Izaya 66:14

Muze munukamona yuma yino munukawahilila; muyikanutakamisa ni kunuwahisa. Mba munukanyingika ngwenu, yami Mwene Zambi nakukwasa waze akungwononokena; nakusolola utenu wami kuli akwa kole jami.”

Daniel 1:9

Zambi yaha Ashpenaze manyonga abema haku twala kuli Daniel.

Yilinga 26:22

Alioze Zambi hanangukwase ndoo musono uno. Kashika, ngunamana hano ni kushindakenya kuli eswe, alelu ni alemu. Chichi kwambulula yuma yikwo shina yizeyene ambulwile akwa munanyi a Zambi ni Mose ngwo:

Yilinga 7:10

yamupuluia mu lamba lienyi heswe, yamupwisa mukwa vumbi kanda mukwa mana ku meso ja mwanangana wa Egiptu. Mwenawo yamupwisa mukwa kuyula wa Egiptu ni wa zuwo lienyi heswe.

2 Korintu 8:16

Tunasakwila Zambi yoze hanahane zango linji kuli Titu lia kunukwasa, ngwe yetu nawa tunazange kunukwasa.