Nehemia 2:5 - Mukanda Wa Zambi 1970

⁵ mba yingukumbulula mwanangana ngwami: “Vulie mwanangana! Nyi hinawana vumbi ku meso jenu, ngutayizenu kama nguye ku chifuchi cha Yuda, ku limbo kuze afunjile tushakulu twami, ngulitungulule.”

MUKANDA USANDU WA ZAMBI 1975

⁵ Yingwamba kuli mwanangana ngwami, Nyi chinanupemena mwanangana, ni yami kavumbi kenu hinawana vumbi kumeso jenu, ngunazange nungutume ku Yunda, ku chihunda cha mafuka ja tulamba twami, ngukachitunge.

Nehemia 2:5 Iomraidhean Croise

2 Samuel 14:22

Mwata Joabe yafulamana hashi ku meso ja mwanangana nikwamba ngwenyi: “Vulie mwanangana! Mwene Zambi anuwahise! Haliabwila hinanyingika ngwami, kuma nwakungwivwa kuwaha, mumu hinwalinga chize hinanwita.”

Ezra 5:17

“Haliabwila mwanangana, ni chinalite, ni yenu hengulenu mu mikanda ya sango ja mianangana a Babilone hanga numone nyi chamwenemwene mwanangana Siruse hanahane Shimbi ya kutungulula zuwo lino mu Yerusaleme, hanga nutulweze chize chili upale wenu ha chikuma chino.”

Nehemia 2:4

Mba mwanangana yanguhula ngwenyi: “Yika mba unazange?” Yingulemba kuli Zambi wa Mwilu,

Nehemia 2:6

Mwe mwanangana te kanatwama ni mwazovu wenyi, yatayiza liji liami. Mwanangana yanguhula ngwenyi: “Tangwa lika muuya, muukatwama ko matangwa angahi?” Yingumulweza.

Estere 1:19

Mwanangana, nyi nunamono ngwenu chinalite, hanenu Shimbi ngwenu, Vashti kanda aheta nawa ku meso ja mwanangana. Nuyisoneke mu mikanda ya Shimbi ja Persia ni Media, hanga kuyichi kwalumuka nichimwe. Mba amusalakane kuli yoze wamuhiana kubema.

Estere 5:8

“Vulie mwanangana wami, nyi nunapale, ngunazange yenu ni Hamane hamene nukabwa nawa ku chiteleka chami chikwo chize mungukanutelekela. Ha ola yize mba mungunulweza chize ngunazange.”

Estere 7:3

Neye yakumbulula ngwenyi: “Vulie mwanangana wami! Nyi hinwanguvwila kama vumbi ku meso jenu, ngunazange kubwa kama ni mwono, ngunazange nawa atu jami kubwa ni mwono.

Estere 8:5

“Vulie mwanangana wami! Nyi nunangunyongena, nawa nyi chinalite ni yenu, hanenu kama Shimbi ni kwalumuna mukanda uze asonekene Hamane, mwana wa Hamedata wa ku vungu lia Agage, akanongese Ayuda eswe mu wanangana wenu.

Yishima 3:4

Nyi wachilinga, Zambi ni atu maawahilila ni yena.

Daniel 9:25

Sako chinyingi, unyingike kanawa: chize ku tangwa lize ambile lia kutungulula Yerusaleme, ndoo ni ku tangwa lize mukwa lutwe yoze atongwele Zambi makasoloka, miaka shimbiali yisuho shimbiali muyikabalika. Yerusaleme maakamutungulula, ni e majila jamo, ni ye yipanga ya kukoleka. Mba makalinduluka miaka shimbiali yisuho makumi asambano ni yaali, alioze maakabwa matangwa a lamba.

Mateu 23:27

“Lamba lienu alongeshi a Shimbi ni Afariseu, yilembekese! Mumu kunwalifwa ngwe mafuka akutomesa ni pemba, waze akusoloka ngwe abema haze, alioze muchima kaanazala ni yifwaha ya afu ni luchisa mweswe.

Rute 2:13

Rute yakumbulula ngwenyi: “Aa mwata, uli mutu mubema. Hiwangulweza utu kuhiana. Maliji waze wahanjika kuli yami haanguwahisa. Wahanjika kuli yami ngwe nguli mukwa mulimo we, alioze kuma ka!”