Nehemia 2:4 - Mukanda Wa Zambi 1970

⁴ Mba mwanangana yanguhula ngwenyi: “Yika mba unazange?” Yingulemba kuli Zambi wa Mwilu,

MUKANDA USANDU WA ZAMBI 1975

⁴ Mba mwanangana yamba kuli yami ngwenyi, Yika unazange kwita? Kashika yingulemba kuli Zambi ya mwilu.

Nehemia 2:4 Iomraidhean Croise

2 Samuel 15:31

Muze umwe mutu halweza mwanangana ngwenyi, Ahitofele halichinga ni mbunga ya Absalome, mwe mwanangana yalemba ngwenyi: “Mwene Zambi, ngunaliumbu, alumuna manyonga ja Ahitofele abwe a uhepuke!”

1 Yitanga Ya Mianangana 3:5

Ha ufuku uze Mwene Zambi yamusolokela mu chilota, yamuhula ngwenyi: “Chika unazange ngukwehe.”

Nehemia 1:11

Haliabwila banjika kama kulemba chami ni cha tuvumbi twe akwo waze anazange kukulemesa. Musono nguwahise kama yami kavumbi ke, hanga mwanangana anguvwile kama keke.” Ha matangwa waze nabwile ni kutwalila mwanangana vinyu.

Nehemia 1:4

Muze hinevwa yize yeswe, yingutwama hashi ni kulila. Matangwa amwe yingunenganyana, chalile nichimwe, yingulemba Zambi ngwami:

Nehemia 1:5

“Mwene Zambi, Zambi ya mwilu! Yena uli munene, twakukuvwila woma. Yena wakufunga Usendo ni waze akukuzanga ni kulinga chize unapale.

Nehemia 2:20

Yingukumbulula ngwami: “Zambi wa Mwilu kumatuwahisa. Tuli tuvumbi twenyi, kumutubutula kutungulula. Alioze yenu kunushi chihinga hanji chiyulo nichimwe mu Yerusaleme.”

Nehemia 2:5

mba yingukumbulula mwanangana ngwami: “Vulie mwanangana! Nyi hinawana vumbi ku meso jenu, ngutayizenu kama nguye ku chifuchi cha Yuda, ku limbo kuze afunjile tushakulu twami, ngulitungulule.”

Estere 5:3

Mwanangana yamuhula ngwenyi: “Mwazovu Estere yika unazange? Chika unechi? Mungukwahacho, chibwe Chihanda cha ha muchima cha wanangana wami.”

Estere 5:6

Muze te ananu vinyu mwanangana yahula mwazovu ngwenyi: “Ngulweze chize unazange, hanga ngukwehe cho. Mungukwaha cho, chibwe Chihanda cha ha muchima cha wanangana wami.”

Miaso (Masamu) 136:26

Sakwililenu Mwene Zambi wa mwilu, zango lienyi kulishi kuhwa nichimwe.

Yishima 3:6

Iwuluka Mwene Zambi mu yuma yeswe yize wakulinga, neye makulweza jila yoloka.

Marku 10:51

Yesu yamuhula ngwenyi: “Yika unazange ngukulingile?” Mwe kapuputa ngwenyi: “Longeshi, ngulaule kama ku meso.”

Yilinga 23:19

Mwata yakwata mukweze ku kwoko, yaya nenyi ku tenga, yamuhula ngwenyi: “Liji lika uli nalio lia kungwambulwila?”

Filipu 4:6

Kanda nulibikala ha Chuma nichimwe, alioze ha yuma yeswe liumbenu kuli Zambi ha kumwita yize nunahono. Mwitenu ni mbunge yakusakwila.