Nehemia 2:20 - Mukanda Wa Zambi 1970

²⁰ Yingukumbulula ngwami: “Zambi wa Mwilu kumatuwahisa. Tuli tuvumbi twenyi, kumutubutula kutungulula. Alioze yenu kunushi chihinga hanji chiyulo nichimwe mu Yerusaleme.”

MUKANDA USANDU WA ZAMBI 1975

²⁰ Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Nehemia 2:20 Iomraidhean Croise

2 Sango Ja Mianangana 26:5

Ha matangwa eswe a mwono wa Zakaria, mukwa kumuyula hakutwala ku yuma ya Zambi, yalingila Mwene Zambi ni mbunge yimuwika, Zambi neye yamuwahisa.

Ezra 4:3

Alioze Zerubabele, ni Yoshua, ni miata ja majimo yaakumbulula ngwo: “Kutwazangile nutukwase kutungulula zuwo lia Mwene Zambi, Zambi yetu. Mutulinga yetwene ngwe chize mwanangana Siruse hanatwambe.”

Nehemia 1:4

Muze hinevwa yize yeswe, yingutwama hashi ni kulila. Matangwa amwe yingunenganyana, chalile nichimwe, yingulemba Zambi ngwami:

Nehemia 2:4

Mba mwanangana yanguhula ngwenyi: “Yika mba unazange?” Yingulemba kuli Zambi wa Mwilu,

Estere 4:11

“Shimbi yinambe ngwo: mweswe mutu, chibwe lunga hanji pwo, manjila mu yiize ya mwanangana, nyi kamutambikile ko, chamutamba kufwa. Atu eswe chize kuli akwa kuyula ja mwanangana ndoo kuli atu eswe a mu yifuchi kaanachinyingika. Shina mwanangana nyi wamwolwela lukanda wenyi wa oru, mba matwama ni mwono. Alioze yami, kakweji habalika, mwanangana kangutambikile ko.”

Miaso (Masamu) 102:17

Kumevwa atu jenyi waze ehukile, mabanjika kulemba cho.

Miaso (Masamu) 122:6

Lembelenu Yerusaleme hanga abwe ni uhwimino ngwenu: “Zambi awahise atu waze akuzanga yena Yerusaleme.

Miaso (Masamu) 20:5

Mba mutukololoka ni uwahililo mumu ha kukumba che, mutumika bendelo lietu mu jina lia Zambi yetu, Mwene Zambi akulingile yeswe yize wakumwita.

Miaso (Masamu) 35:27

Waze akuwahilila ha kusamba chami, awahilile kuhiana, akololoke nikwambamba ngwo: “Mwene Zambi afumane, kakuwahilila ha kukumba cha kavumbi kenyi.”

Miaso (Masamu) 51:18

Aa Zambi, linga kama kuli akwa Zione; tungulula yipanga ya limbo lia Yerusaleme.

Kutuhuka 28:29

“Muze Arone makabwa ni kunjila muma mwa chijila, makazala chibwiko chize chili ni majina ja mavungu ja Aisraele ngwe chiwulwiso ku meso ja yami Mwene Zambi matangwa eswe.

Longeshi 7:18

Chibema kubwa mukachi ka yeswe yaali. Nyi muulemesa Zambi, muuyuka.

Izaya 56:5

mba jina lie maalivulwoka mu zuwo liami lia chijila ni mukachi ka atu jami, kuhiana kubwa ni ana malunga ni a mapwo. Keechi kakuvulama nichimwe.”

Alevi 2:2

ni kuuneha kuli mahako, ana ja Arone a malunga. Mwe hako makazomona ho kwoko lia wunga, ni maji, ni yuma yeswe ya vumba libema, ni kuyocha ha chilumbilo, yikaweme. Chili chiwulwiso ngwo, hayilambula kuli Mwene Zambi. Lupembo wa mulambu uno wa ya kulia kakumuwahila.

Alevi 24:7

Nukasa yimwe yuma ya vumba libema ha mikala yeswe yaali, kuyili chilweza kuli Mwene Zambi cha mulambu wa yakulia yize yinasalakana mbolo.

Zakaria 6:14

Che chipangula muchikabwa chiwulukilo mu zuwo lia Mwene Zambi hanga alemese Heldai, ni Tobija, ni Jedaya, ni Josia.”

Kwalula 10:10

Chimuwika nawa ha matangwa ja uwahililo wenu, ha yiwanyino yenu ya Kakweji Mwaha ni ha yiwanyino yikwo, nukemba yitavwi muze munulambula milambu yenu ya kwocha ni ya kulivwa ni yami Mwene Zambi. Mba mungukanukwasa. Yami nguli Mwene Zambi, Zambi yenu.”

Yilinga 10:31

Ngwenyi: ‘Korneliu, Zambi hevwa kuliumba che, hewuluka yawana ye yize wakuhana kuli yiswale.

Yilinga 10:4

Neye yamutala ni woma, yamuhula ngwenyi: “Mwene kuchi?” Kanganda ngwenyi: “Zambi hatayiza yilemba ye ni yawana yize wakuhana kuli yiswale, hakwiwuluka.

Yilinga 8:21

Kuushi Chihanda chibwe chitundo mu milimo yino, mumu mbunge ye kuyalulamine ku meso ja Zambi.