Nehemia 2:19 - Mukanda Wa Zambi 1970

¹⁹ Alioze muze Sambalate, ni Tobia, ni umwe Karabia Gesheme heevwa chize twalulikile, yaatuseha nikwamba ngwo: “Chika nunambe kulinga? Munuhamika ni mwanangana, nyi?”

MUKANDA USANDU WA ZAMBI 1975

¹⁹ Alioze muze Ka-Horone Sambalate, ni Ka-Amone Tobia mwe ndungo, ni Ka-Arabia Ngesheme yachivwa yatuseha ni lenyo, yatulelesa nikwamba ngwo, Chino munulinga chika? Te munukatukila mwanangana?

Nehemia 2:19 Iomraidhean Croise

Nehemia 13:28

Umwe mwana wa Joyada, mujikulu wa Eliashibe, mwata wa mahako, yambata mwana wa Sambalate wa ku limbo lia Bete Horone, yingumuhanga liakulu.

Nehemia 2:10

Alioze Sambalate, wa ku limbo lia Bete Horone, ni Tobia, umwe mwata wa mu chifuchi cha Amone, yeevwa ngwo, umwe lunga weza ko ni kukwasa Aisraele. No yeevwa wuli unji.

Nehemia 4:1

Muze Sambalate hevwa ngwo, Ayuda haabutuka kutungulula chipanga cha mawe, yevwa ufwatulo unji, yabutuka kwachoka.

Nehemia 6:6

Yasoneka ngwenyi: “Gesheme hangulweza ngwenyi, sango hijamwangana mukachi ka mavungu waze tunasulangana no ngwo, yena ni Ayuda nuneseka kulimika ni mwanangana, kashika hinwatungulula chipanga. Nawa ngwenyi, unambe kulipwisa mwanangana yena mwene.

Nehemia 6:9

Ayo eswe yeeseka kutuvwisa woma, hanga tulekumuke tulitwamine kulinga milimo. Alioze yingulemba ngwami: “Aa Zambi! Haliabwila ngutakamise kama!”

Jobe 30:1

Alioze haliabwila malunga twanuke twami kaakunguseha. Akweze waze atato te nakulituna kufunga mapanga jami hamwe ni tuwa twami.

Miaso (Masamu) 123:4

Pichi haatuseha chinji, akwa kulengumuka haatuseha kuhiana.

Miaso (Masamu) 79:4

Mavungu waze anatujingilika, kaakutukekuna, kaakutuyenga.

Miaso (Masamu) 80:6

Hiunatayiza akwa mavungu waze atujingilika ase jita aatambule chifuchi chetu, akwa kole jetu kaakutukekuna.

Miaso (Masamu) 80:7

Aa Zambi, Mukwa Ndundo Jeswe, tupwise kama ngwe chize twabwile hatangu! Tuvwile kama keke, utulamwine.

Izaya 36:5

Nunanyongo ngwenu, maliji wika maakwasa ngwe mana ni tachi ja tujita, nyi? Iya nunanyongo ngwenu, manukwasa ni kukatukila Aasuria?

Jeremia 20:8

Muze nakuhanjika, changutamba kukololoka, nikuhanjika chikolo ngwami: “Upupilo! Kwonona!” Mwene Zambi, hinasauka ni kunguchoka tangwa lieswe mumu nakwambujola maliji je.

Jeremia 41:10

Hohene ana mapwo a ku zuwo lia mwanangana yaapwisa funge, ni atu akwo waze asalile mu limbo lia Mizpa, waze Nebuzaradane mwata wa tujita akunjikile mu moko ja Gedaliya aafunge. Ishmaele yakatuka ni kuya no ku chifuchi cha Amone.

Mateu 9:24

yamba ngwenyi: “Tuhukenu! Mwana pwo kafwile ko, alioze mu tulo ali.” No yaamuseha.

Marku 5:40

No yaamuseha. Alioze Yesu yaatuhwisa eswe, yatayiza shina tato, ni naye, ni tumbaji atatu waze abwile nenyi. Yaanjila kuma kuze abwile mwe mwana pwo.

Luka 23:2

yaabutuka kumusuma ngwo: “Tunakawana lunga yono nikubinjisa atu jetu, ngwenyi: ‘Kanda nulambula mwanangana wa Aroma lijimu.’ Ni kakulipwisa iye mwene Kristu, mwanangana.”

Yoano 19:12

Ha maliji wano, Pilatu yafupa jila ya kumutusula. Alioze Ayuda yaakololoka ngwo: “Nyi watusula mutu yono, hi uli sepa lia mwanangana wa Aroma ko. Yoze wakulipwisa mwanangana kali mukwa kole wa mwanangana wa Aroma.”

Yilinga 24:5

Twawanyine yono lunga mutu mubi, mukwa kuvundula Ayuda eswe ku yifuchi yeswe ya hashi. Kali mukwa lutwe wa mbunga ya Anazare.

Hebreu 11:36

Atu akwo yaalelesa ni kwalamba fimbo (shikote). Akwo yaakasa ni ngoji ja utale, mba yaambila mu zuwo lia lamba.