Nehemia 2:18 - Mukanda Wa Zambi 1970

¹⁸ Yingwalweza chize Mwene Zambi ali hamwe ni yami, ni chize hangukwasa, ni maliji waze mwanangana hangulweza. No yaangukumbulula ngwo: “Tukatukenu, tutungulule lie limbo.” Mba yaalitakamisa ni kubutula milimo.

MUKANDA USANDU WA ZAMBI 1975

¹⁸ Naambulwilile ha kutwala ku kwoko lia Zambi yami lize liapwile lipema hali yami, ni maliji nawa aze mwanangana wahanjikile ni yami. O yamba ngwo, Tukatukenu, tutungenu! Chocho atakamishine moko jo ha milimo yipema.

Nehemia 2:18 Iomraidhean Croise

2 Samuel 2:7

Takamenu, hamukenu! Saulu, mwanangana wenu hafwa, alioze Ayuda haanguwayisa maji hanga ngubwe mwanangana wo.”

1 Sango Ja Mianangana 11:10

Wano e majina a tujita twa mwanangana David a lufuma. Hamwe ni Aisraele akwo, amukwashile kubwa mwanangana, ngwe chize alakenyene Mwene Zambi. Yaafunga wanangana wenyi.

1 Sango Ja Mianangana 19:13

Tuhamukenu, tubwe malunga! Twasenu jita ni tachi mumu hali atu jetu ni mumu ha membo ja Zambi yetu. Mwene Zambi alinge chize anapale.”

2 Sango Ja Mianangana 32:5

Yahamuka, yatungulula chipanga cha mawe chize chabuzukile, yatunga mazuwo asuku akukoleka, ni chipanga chikwo haze. Yakolesa nawa chipanga ha mavu aze asele ku chivumbuko cha Yerusaleme, mu Limbo lia David. Yafula yitwa ya jita yakulumbama.

Ezra 6:22

Matangwa shimbiali yaawahilila nikulinga chiwanyino cha Mbolo Yize Kuyishi Yitumbo. Yaawahilila kuhiana mumu te Mwene Zambi halumuna mbunge ya mwanangana wa Asuria hakutwala kuli ayo. Neye yaakwasa kutungulula zuwo lia Zambi, Zambi ya Aisraele.

Nehemia 2:8

Yingumuhula nawa mukanda wa kuhana kuli Asafe, kafunga ka usaki wa wanangana, hanga angwehe mitondo mumu ha yajilo ya chipanga cha zuwo lia Zambi, ni chipanga cha limbo, ni zuwo lize te mungutwama. Mwanangana yangwaha yeswe yize namwichile, mumu Zambi wabwile hamwe ni yami.

Efesu 6:10

Hakusula, litakamisenu mu kulinunga chenu ni Mwene Yesu, ni mu tachi ja ndundo jenyi.

Filipu 2:13

Mumu, tangwa ha tangwa Zambi kakulinga muli yenu, nikunwaha zango ni tachi ha kumanununa chize anapale.

1 Samuel 23:16

Jonatane yaya kuli David mu puya ni kumutakamisa ngwenyi: “Mwene Zambi akufunge.