Nehemia 2:12 - Mukanda Wa Zambi 1970

¹² chalwezele mutu niumwe yuma yize Mwene Zambi angulwezele ngulinge mu limbo. Mba yingutuhuka ha muchima ufuku hamwe ni amwe malunga ni chimbulu chami hali yoze te nakwendela.

MUKANDA USANDU WA ZAMBI 1975

¹² Yingukanduka ha ufuku, yami ni malunga amwe hamuwika. Chalwezele niumwe chize Zambi yami hasa mu mbunge yami kulinga ha Yerusaleme; chipwe umwe chimuna chishi nenyi hamwe ni yami shina yoze nanyinyine.

Nehemia 2:12 Iomraidhean Croise

Ezra 7:27

Ezra yamba ngwenyi: “Mwene Zambi, Zambi ya tushakulu twetu, afumane! Mumu hananyongesa mwanangana alemese zuwo lia Mwene Zambi mu limbo lia Yerusaleme.

Nehemia 2:11

Yinguya ku Yerusaleme, alioze ha matangwa atatu

Nehemia 2:13

Te kuchili ufuku muze natuhukile mu limbo ku chikolo cha chikulo ku chitokelo. Yinguya ku sude nikubalika shima lia Dragone ndoo ku chikolo cha Pinga. Muze te ngunayi yingutala chipanga cha limbo chize hichabuzuka ni ye yajilo yize yawemene.

Miaso (Masamu) 122:6

Lembelenu Yerusaleme hanga abwe ni uhwimino ngwenu: “Zambi awahise atu waze akuzanga yena Yerusaleme.

Miaso (Masamu) 51:18

Aa Zambi, linga kama kuli akwa Zione; tungulula yipanga ya limbo lia Yerusaleme.

Yishima 12:23

Yikanyame kaakusweka yuma yize ananyingika, alioze yihepuke kaakwambujola uhepuke wo.

Longeshi 3:7

tangwa lia kuchanuna ni tangwa lia kunuka, tangwa lia kuhola ni tangwa lia kuhanjika.

Jeremia 31:33

Usendo Waha uze mungukakolesa ni Aisraele muukabwa ngwe chino: mungukasa Shimbi jami mu mbunge jo. Mungukabwa Zambi yo, no maakabwa atu jami.

Jeremia 32:40

Mungukakolesa no Usendo ku miaka yeswe. Chichi kalitwamina nichimwe ha kwalingila yibema, mungukaapwisa akwa kunguvwila woma ni mbunge jo jeswe, hikeechi kangwehuka nawa nichimwe.

Amose 5:13

Mwaka uno uli ubi, kashika mukwa kukanyama wakuhola kwenyi kuluu.

Mika 7:5

Kanda ufuliela mwenyembo we hanji kujikujila hali sepa lie. Ukanyama ha yize unahanjika chibwe kuli pwo lie.

Mateu 10:16

“Achivwenu! Ngunanutumu ngwe mapanga mukachi ka tungunga. Kanyamenu ngwe tupela, bemenu ngwe membe.

Mateu 2:14

Mba Josefe yakatuka, yanda mwana ni naye, yaya no ha ufuku ku Egiptu.

2 Korintu 8:16

Tunasakwila Zambi yoze hanahane zango linji kuli Titu lia kunukwasa, ngwe yetu nawa tunazange kunukwasa.

Yoshua 10:9

Yoshua ni tujita twenyi yeenda ufuku weswe, chize ku Gilgale ndoo ku Gibeone, yaatungumuna Aamore.

Usolwelo 17:17

Mumu Zambi hanase mu mbunge jo eswe nyonga limuwika ha kuhana chiyulo cho cha wanangana kuli ngongo yoze, ndoo muze maliji waze Zambi ambile maamanunuka.

Akwa Kuyula 6:27

Gideone yanda ngamba jenyi kumi, yalinga ngwe chize Mwene Zambi hamwamba. Yevwila woma akwa jiko lienyi, ni akwa limbo, kuchilinga ha mwalwa, kashika yachilinga ufuku.

Akwa Kuyula 9:32

Kashika haliabwila, tuhukenu ni malunga waze nuli no, nwize ufuku nwajikinyine mu minda,