Nehemia 2:10 - Mukanda Wa Zambi 1970

¹⁰ Alioze Sambalate, wa ku limbo lia Bete Horone, ni Tobia, umwe mwata wa mu chifuchi cha Amone, yeevwa ngwo, umwe lunga weza ko ni kukwasa Aisraele. No yeevwa wuli unji.

MUKANDA USANDU WA ZAMBI 1975

¹⁰ Mba muze Ka-Horone Sambalate, ni Ka-Amone Tobia mwe ndungo achivwile yichaapihila kuhiana kunyonga ngwo, Hikweza umwe lunga kufupa kuwahisa A-Izalele.

Nehemia 2:10 Iomraidhean Croise

Nehemia 13:1

Ha matangwa waze yaatanga Shimbi ja Mose ku meso ja atu eswe, yaatanga maliji wano ngwo, mukwa Amone ni mukwa Moabe niumwe mahasa kunjila mu Chikungulwila cha Zambi ndoo ku miaka yeswe.

Nehemia 13:28

Umwe mwana wa Joyada, mujikulu wa Eliashibe, mwata wa mahako, yambata mwana wa Sambalate wa ku limbo lia Bete Horone, yingumuhanga liakulu.

Nehemia 13:4

Hako Eliashibe, yoze te wakuyula atu waze akusa yuma mu yibatulo ya mu zuwo lia Zambi, wabwile sepa lia Tobia.

Nehemia 2:19

Alioze muze Sambalate, ni Tobia, ni umwe Karabia Gesheme heevwa chize twalulikile, yaatuseha nikwamba ngwo: “Chika nunambe kulinga? Munuhamika ni mwanangana, nyi?”

Nehemia 4:7

Muze Sambalate ni Tobia, ni atu a ku Arabia, ni Amone, ni akwa Ashdode heevwa ngwo, milimo ya kutungulula chipanga cha Yerusaleme yinayi kulutwe, ni yituwa haayijikajika, yeevwa ufwatulo.

Nehemia 6:1

Sambalate, ni Tobia, ni Gesheme, ni akwa kole jetu akwo yeevwa ngwo, hitwamanununa kutungulula chipanga cha mawe, nawa ngwo, kukwasalile chituwa nichimwe. Alioze kanda te luchisa yajilo.

Nehemia 6:16

Muze akwa kole jetu waze atujingilika haachivwa, yaanyingika ngwo, mana kaasula, mumu mutu mweswe yanyingika ngwenyi, milimo yino twayilinga ni ndundo ja Zambi.

Estere 10:3

Kayuda Mordekai yabwa mulopo wa mwanangana Ahashueru, Ayuda yaamulemesa, yaamuzanga kuhiana. Neye yasa tachi ni kuwahisa atu jenyi ni kuhana uhwimino ku vungu lio ha kulutwe.

Miaso (Masamu) 112:10

Yingulungulu kaakuchimona, ni kaakwivwa wuli; kaakulicheka ku mazo, mba maafwafwa; keeshi ni Chuma cha kusako mbunge ndoo ku miaka yeswe.

Yishima 27:4

Ufwatulo uli uswii, kuwakushiha atu; alioze kuwahashile kuweseka ni ukwa.

Yishima 30:22

ndungo yoze habwa mwanangana, ni chihepuke yoze habwa ni yakulia yinji,

Longeshi 10:7

Hinamona ndungo meendela ha tuvwalu, alioze atu alemu meendela hashi.

Izaya 15:5

Ngunalinyenge mumu hali Amoabe! Atu kaanachinyina ku membo ja Zoare, ni Eglate Shelishia. Kaanachinyina ku chihunda cha Luhite nikulila, amwe kaanachinyina ku limbo lia Horonaime nikulila mbimbi.

Jeremia 41:10

Hohene ana mapwo a ku zuwo lia mwanangana yaapwisa funge, ni atu akwo waze asalile mu limbo lia Mizpa, waze Nebuzaradane mwata wa tujita akunjikile mu moko ja Gedaliya aafunge. Ishmaele yakatuka ni kuya no ku chifuchi cha Amone.

Jeremia 48:34

“Akwa membo ja Heshbone ni Eleale kaanatete; kuteta cho kaanachivu ndoo ku limbo lia Jahaze. Kaanachivu kuli akwa limbo lia Zoare, ndoo ni ku membo ja Horonaime ni Eglate Shelishia. Chibwe mwana lwiji Nimrime homa chau.

Jeremia 48:5

Ivwa kuteta cho mu jila ya kuya ku limbo lia Luhite, kuteta cha chinyengo mu jila ya ku mwanda ku Horonaime.

Yilinga 4:2

Yaabihilila chikolo mumu tunganda wano yaalongesa atu ngwo, Yesu hanahinduka. Chize chinalumbunuka ngwo, afu kumaakahinduka.

Yilinga 5:24

Muze mwata wa tufunga twa zuwo lia Zambi ni mahako a lutwe haachivwa, yaakakashana kuhiana chize yuma yino muyibwa.