Nehemia 2:1 - Mukanda Wa Zambi 1970

¹ Ha kakweji wa Nisane ha mwaka wa makumi aali wa kuyula cha mwanangana Artasherke, ha shimbu lize te akunwa vinyu, yami yingumutwalila lio. Nilimwe tangwa te kanda nguchisoloka kama ni chinyengo ku meso jenyi.

MUKANDA USANDU WA ZAMBI 1975

¹ Ha kakweji wa Nisane ha mwaka makumi aali wa mwanangana Artasherke, shimbu kwapwile vinyu kumeso jenyi, yingwanda vinyu, yinguhana kuli mwanangana. Ndo tangwa lize te kanda ngusoloka ni chinyengo kumeso jenyi.

Nehemia 2:1 Iomraidhean Croise

Ubutukilo 40:11

Te ngunakwata musenge wa mwanangana mu moko, yingwanda vinyu, yinguyikamina mu musenge, mba yingumwaha wo mwanangana.”

Ubutukilo 40:21

Mba yahilwisa mwata wa akwa kukela vinyu ku mulimo wenyi utangu,

Ezra 4:7

Nawa ha matangwa ja kuyula cha mwanangana Artasherke mu chifuchi cha Persia, Bishlame, ni Mitredate, ni Tabele, ni masepa jo yaasonekena mwanangana mukanda. We mukanda yaausoneka mu liji lia arame, ha kuutanga chatamba kuulumbununa.

Ezra 7:1

Miaka te hiyabalika, mba mu kuyula cha Artasherke mu chifuchi cha Persia, yikubwa umwe lunga jina lienyi Ezra. Atu a ku vungu lienyi ndoo kuli Arone mwata wa mahako ja Zambi wano: Seraya, ni Azaria, ni Hilkia, ni Shalume, ni Zadoke, ni Ahitube, ni Amaria, ni Azaria, ni Merayote, ni Zerahia, ni Uzi, ni Buki, ni Abishua, ni Finehase, ni Eleazare, ni Arone.

Nehemia 1:1

Mukanda uno unalumbununa yitangu ya Nehemia, mwana wa Hakalia. Mu kakweji wa Kisleve ha mwaka makumi aali wa kuyula cha Artashede, mwanangana wa chifuchi cha Persia, yami Nehemia nabwile mu Shushane, limbo lia wanangana.

Nehemia 1:11

Haliabwila banjika kama kulemba chami ni cha tuvumbi twe akwo waze anazange kukulemesa. Musono nguwahise kama yami kavumbi ke, hanga mwanangana anguvwile kama keke.” Ha matangwa waze nabwile ni kutwalila mwanangana vinyu.

Estere 3:7

Ha mwaka kumi ni wa muchaali wa kuyula cha mwanangana Ahashueru, ha kakweji mutangu, Nisane, Hamane yalulika kuta chela (mu liji lio ngwo: “purime”) hanga anyingike tangwa ni kakweji yoze maakashiha Ayuda. Yaamona ngwo, ha tangwa lia kumi ni lia muchitatu lia kakweji kumi ni wa muchaali, kakweji wa Adare.

Daniel 9:25

Sako chinyingi, unyingike kanawa: chize ku tangwa lize ambile lia kutungulula Yerusaleme, ndoo ni ku tangwa lize mukwa lutwe yoze atongwele Zambi makasoloka, miaka shimbiali yisuho shimbiali muyikabalika. Yerusaleme maakamutungulula, ni e majila jamo, ni ye yipanga ya kukoleka. Mba makalinduluka miaka shimbiali yisuho makumi asambano ni yaali, alioze maakabwa matangwa a lamba.