Nehemia 13:5 - Mukanda Wa Zambi 1970

⁵ Yamutayiza kusa yuma mu chibatulo chinene muze te akutulikila lume milambu ya mbuto ni yuma ya vumba libema, ni yakashi ya mu zuwo lia Zambi, ni milambu mumu hali mahako, ni cha kumi cha mbuto, ni vinyu, ni maji a olive mumu hali Alevi, ni njimba, ni tufunga.

MUKANDA USANDU WA ZAMBI 1975

⁵ Halingila Tobia chipatulo chimwe chinene, chize te chapwile cha kutulikila milambu ya wunga, ni libano, ni yikwachilo, ni yihanda ya kumi ya mbuto, ni vinyu, ni maji, yize ayihanyine nikulita ni shimbi kuli A-Levi, ni njimba, ni akwa mapito; ni milambu ya kuzundula ya asasendote.

Nehemia 13:5 Iomraidhean Croise

2 Sango Ja Mianangana 31:11

Mwanangana Hezekia yahana Shimbi akatunge mazuwo hehi ni zuwo lia Zambi,

Nehemia 10:36

Mwana wa lunga mweswe mutangu kusemuka mutumuneha kuli mahako ku zuwo lia Zambi ni kumukunjika kuli Mwene Zambi nikulita ni Shimbi. Mutukunjika nawa mwana ngombe mweswe mutangu kusemuka, ni chibwe wa panga, hanji wa pembe.

Nehemia 10:37

Mutuneha nawa kuli mahako mbolo ya kulinga ni mbuto yitangu mwaka ha mwaka, ni milambu yetu yikwo ya vinyu, ni maji a olive, ni ya mihuko yeka ni yeka. Mutuneha nawa kuli Alevi, milambu ya Chihanda chimuwika cha ku yihanda kumi ya mu minda yetu.

Nehemia 10:38

Mahako a ku vungu lia Arone chaatamba kubwa hamwe ni Alevi muze atu maalambula cha kumi chize maalinga nacho mu zuwo lia Zambi. Alevi chaatamba kwanda cha kumi cha milambu ya cha kumi yeswe ayo maatambula ni kuchisweka mu yibatulo ya kutuliekela yuma mu zuwo lia Zambi.

Nehemia 12:44

Ha matangwa waze yaatongola akwa kufunga yibatulo ya mu zuwo lia Zambi, muze te akufungila ye milambu ya Chihanda chimuwika cha ku yihanda kumi, ni mbuto, ni mihuko yitangu ya mwaka ha mwaka. Milimo ya malunga waze, te kulambula milambu ya ku minda yize yabwile hehi ni membo mumu hali mahako ni Alevi nikulita ni Shimbi ja Mose. Ayuda eswe yaawahilila ni mahako, ni Alevi,

Nehemia 13:7

kuhiluka nawa ku Yerusaleme. Yingulishimwoka muze namwene chize hako Eliashibe atayijile Tobia kusa yuma mu chimwe chibatulo mu zuwo lia Zambi.

Ezekiel 40:38

Mu yiize ya haze yimubwa chimwe chibatulo te chalinunga ni unjililo wa ku norde. Te chili ni chikolo chakunjilila ku chibatulo chinene cha kulutwe lia yiize. Mwenamo te akukosela yimuna ya milambu yakwocha.