Nehemia 13:31 - Mukanda Wa Zambi 1970

³¹ Yingusa Shimbi anehe kunyi ha matangwa waze analite, ni kuneha mbuto ni mihuko yitangu. Aa Zambi yami, ngwiwuluke kama ha yuma yino yeswe, unguwahise.

MUKANDA USANDU WA ZAMBI 1975

³¹ ni ha mulambu wa kunyi ha matangwa jajo, ni ha mbuto yitangu. Zambi yami, ungwiwuluke kama, unguwahise.

Nehemia 13:31 Iomraidhean Croise

Nehemia 10:34

Yetu eswe, ni mahako, ni Alevi, mutubwa nikuta chela mwaka ha mwaka tunyingike jimo lika maakaneha kunyi ja milambu ya kwocha kuli Mwene Zambi, Zambi yetu, nikulita ni mukanda wa Shimbi.

Nehemia 10:35

Mutuneha nawa ku zuwo lia Zambi mulambu wa mbuto yitangu yize mutubatula ni mihuko yitangu ya ku mitondo yetu.

Nehemia 10:38

Mahako a ku vungu lia Arone chaatamba kubwa hamwe ni Alevi muze atu maalambula cha kumi chize maalinga nacho mu zuwo lia Zambi. Alevi chaatamba kwanda cha kumi cha milambu ya cha kumi yeswe ayo maatambula ni kuchisweka mu yibatulo ya kutuliekela yuma mu zuwo lia Zambi.

Nehemia 13:14

Zambi yami, ungwiwuluke kama, ha yuma yino yeswe nalingile mu zuwo lie ni uwayilo walio.

Nehemia 13:22

Mba yingwambila Alevi alibemese ha kufunga yikolo, hanga atu alemese tangwa lia kuhwima. Zambi yami, ha chikuma chino nawa, ungwiwuluke kama, nguvwile kama keke mumu ha zango lie linji.

Nehemia 5:19

Aa Zambi, ngunakulembe, ngwiwuluke kama ha yuma yeswe yize hinalingila atu wano.

Miaso (Masamu) 106:4

Mwene Zambi, ngwiwuluke kama muze muukwasa atu je, ni yami ngulamwine muze unalamwina ayo.

Miaso (Masamu) 25:7

Aa Mwene Zambi, ngwiwuluke nikulita ni utu we ni zango lie lize kulishi kuhwa!

Luka 23:42

Mba yambila Yesu ngwenyi: “Yesu, Ungwiwuluka kama muze muukeza mu Wanangana we!”