Nehemia 13:3 - Mukanda Wa Zambi 1970

³ Muze Aisraele heevwa Shimbi jize, yaalihandununa ni yilambala.

MUKANDA USANDU WA ZAMBI 1975

³ Ha kwivwa shimbi yahandununa kuli A-Izalele mbunga yeswe ya kuchinga.

Nehemia 13:3 Iomraidhean Croise

Ezra 10:11

Kashika haliabwila, shikisenu milonga yenu kuli Mwene Zambi, Zambi ya tushakulu twenu, nulinge yize yinamuwahila. Lihandununenu kuli yilambala waze atwama mu chifuchi chetu, nulakule mapwo jenu a yilambala.”

Ezra 9:2

Ayuda haanambata mapwo a yilambala. Kashika atu waze haanajilila ku meso ja Zambi, haalibihisa. Miata ni akwa kuyula e haanavulumuna kuhiana.

Nehemia 10:28

Yetu, Aisraele, ni mahako, ni Alevi, ni tufunga twa zuwo lia Zambi, ni njimba, ni akwa milimo a ku zuwo lia Zambi, ni akwo eswe waze akufunga Shimbi ja Zambi, hitwalihandununa ni yilambala waze atwama mu chifuchi chetu, hitwalichinga hamwe ni mapwo jetu ni akweze jetu eswe waze haakolakola,

Miaso (Masamu) 119:11

Nakusweka maliji je mu mbunge yami, kuchina mungukuvulumuma.

Miaso (Masamu) 119:9

Ngwe kuchi mwana lunga mabwa ni ndako jibema mu mwono wenyi? Nyi mafunga Shimbi je.

Kutuhuka 12:38

Atu akwo anji ayile no, ni mapanga, ni pembe, ni ngombe anji nawa.

Yishima 6:23

Shimbi jo jili ngwe ndeya; kufumba cho muchihasa kukulongesa kubwa ni ndako jibema.

Kwalula 11:4

Kwabwile amwe yilambala waze te akwenda hamwe ni Aisraele. Yeevwa katu ya kulia yifwo, Aisraele ayo ene yaabutuka kulinyenyeta ngwo: “Iya matwaha kama yifwo tulie?

A-ROMA 3:20

Mumu Zambi keshi kupwisa mutu niumwe mukwa ululi ha kumanununa Shimbi. Shimbi jakunyingikisa lume ngwo, mutu hanavulumuna.

Tiangu (Jake) 1:27

Uwayilo Ubema ni wamwenemwene ku meso ja Tata Zambi wenau au: kukwasa ana a shiwa ni mapwo waze haanafwisa malunga mu lamba lio, ni kulifunga ku yibi ya hano hashi.