Nehemia 13:19 - Mukanda Wa Zambi 1970

¹⁹ Kashika yinguhana Shimbi ya kukasa yajilo ya limbo ha kabutu ka lieswe tangwa lia kuhwima, ha kutoka cha tangwa, kuyazulula ka ndoo ku songo lia tangwa lia kuhwima. Mba yingusa amwe malunga ku yajilo, atale kanawa hanga atu kanda anjila ni yuma ha tangwa lia kuhwima.

MUKANDA USANDU WA ZAMBI 1975

¹⁹ Muze kwatayile ku yikolo ya Yerusaleme ha kuheta ku Sambata yingwamba akájile mapito, yingwamba nawa kanda aazulula ndo Sambata hiyapalika. Nasele amwe ngamba jami kuyula yikolo hanga kanda apalikisamo nichimwe chiteli ha tangwa lia Sambata.

Nehemia 13:19 Iomraidhean Croise

Nehemia 13:20

Yisuho yimwe akwa kulanjisa yuma yeka ni yeka yaabomba haze lia limbo.

Nehemia 7:3

Yingwalweza ngwami: Kanda nwazulula yajilo ya mu Yerusaleme shimbu tangwa kanda lichituhuka; ha kutoka cha tangwa nukasa yajilo chikolo muze tufunga kanda achikotoka ku milimo. Tongolenu tufunga mukachi ka atu waze atwama mu Yerusaleme, amwe afunge yihela yeka ni yeka, akwo afunge hatalanganyi ni mazuwo jo.

Alevi 23:22

Muze munukabatula mbuto ya mu minda yenu, kanda nubatula yeswe ndoo ku njiza ja minda, kanda nukahuhujola mbuto jize jasala. Yechenu mumu hali yiswale ni yilambala. Mwene Zambi kali Zambi yenu.

Alevi 23:32

Chize ku kunjila cha tangwa ha tangwa lia muchilivwa, ndoo ku kunjila cha tangwa ha tangwa lia muchikumi, tangwa lize nukalifunga, lili tangwa lilemu lia kuhwima, kunwahashile kulia Chuma nichimwe.

Yoano 5:10

Kashika Ayuda yambila mutu yoze ngwo: “Musono tangwa lia kuhwima. Kuchalitele ni Shimbi kumbata muhela we.”