Nehemia 13:18 - Mukanda Wa Zambi 1970

¹⁸ Ngwami, tushakulu twenu no Chenacho alingile, kashika Mwene Zambi yatumwesa lamba lino heswe ni lie limbo. Hindu yenu nunakokela ufwatulo wa ukwa wa Zambi hali Aisraele, muze nunajilula tangwa lia kuhwima!”

MUKANDA USANDU WA ZAMBI 1975

¹⁸ Tulamba twenu alingile chocho mba, ngwami, Zambi watukokelele lamba lino lieswe hali yetu ni ha chihunda chino. Hindu munukokela A-Izalele utenu nawa ukwo ha kujilula Sambata.

Nehemia 13:18 Iomraidhean Croise

Nehemia 10:32

Mutubwa nikuhana grame jitano ja mbongo ja prata milambu ya mu zuwo lia Zambi mwaka ha mwaka.

Kutuhuka 31:12

Mwene Zambi yambila Mose

Jeremia 17:27

Alioze angwononokene ni kufunga tangwa lia kuhwima mumu lili lia chijila. Kanda anjila ni yuma yilemu mu yikolo ya Yerusaleme ha tangwa lize, mumu nyi maachilinga, mungwocha yajilo ya Yerusaleme, ni mazuwo ja mianangana mu Yerusaleme, niumwe kechi kahasa kusala mo.”

Jeremia 44:22

Kashika musono uno chifuchi chenu haachenyeka, niumwe kechi kutwama mo nawa. Atu kaakulishimwoka ha kuchimona, kaakushingana ni jina liacho, mumu Mwene Zambi te kahashile kulihumikiza nawa ni yenu mumu ha ungulungulu wenu ni yitanga yenu yibi.

Jeremia 44:23

Lamba lize lieswe lianuwana musono mumu nwalambwile milambu kuli mazambi eka, ni mumu nwavulumwine ni kukolema Shimbi jenyi.”

Jeremia 44:9

Kuma hinwavulama kwenu ungulungulu uze akwo mukachi kenu, ni tushakulu twenu, ni mianangana ni mapwo jo, ni yenu ni mapwo jenu nwalinga mu membo ja Yuda ni mu majila ja Yerusaleme, nyi?

Ezekiel 23:26

Kumaakakuzula mahina ni yuma ye ya uhenya.

Ezekiel 23:8

Yalinga linga utanji uze abutwile muze te achili mu Egiptu. Chize muze abwile mwana pwo, malunga yaalinga linga nenyi utanji, yaamwalula chitanji pundu.

Alevi 26:18

“Chibwe mungunumwesa lamba ngwe lize, hindu kunuchi kungwononokena, mungukanumwesa lamba yisuho shimbiali.

Alevi 26:28

mba mu ufwatulo wami mungukalimika ni yenu. Mungukanumwesa nawa lamba yisuho shimbiali.

Amose 8:5

Nwakulihanjikisa yenwene ngwenu: “Matangwa ja kuhwima, shimbu lika maakahwa, hanga tulanjise mbuto jetu? Chikalu kushimbwishila ndoo ku songo lia tangwa lia kuhwima, hanga tuhase kubutula nawa kulanjisa. Tukehese njongo, tukonge atu ni pezo ya mahuza, tukokese mbongo.

Kwalula 32:14

Haliabwila ni yenu nawa hinwasalakana atatenu; nuli Chisemuko cha yivulumunyi, nunakoko nawa ufwatulo wa Mwene Zambi hali Aisraele.