Nehemia 13:17 - Mukanda Wa Zambi 1970

¹⁷ Yingubajila miata ja Ayuda ngwami: “Maala! Kuchi nunalingi yibi? Nunajilula tangwa lia kuhwima.

MUKANDA USANDU WA ZAMBI 1975

¹⁷ Nasopele ni alemu ja A-Yunda ngwami, Chuma chino chipi nunalingi kuchi? Nunajilula tangwa lia Sambata.

Nehemia 13:17 Iomraidhean Croise

Nehemia 13:11

Mba yingubajila akwa kuyula mumu haalelesa zuwo lia Zambi. Yinguhilwisa Alevi ni njimba mu zuwo lia Zambi hanga alinge nawa milimo.

Nehemia 13:16

Amwe akwa limbo lia Tiru te kaakutwama mu Yerusaleme. No yaaneha yishi ni yuma yeka ni yeka mu limbo ni kuyilanjisa kuli Ayuda ha tangwa lia kuhwima.

Nehemia 13:25

Yingubajila malunga waze, yingwashinga, yingwalamba, yingwakamba kambu, yingwashingisa ni jina lia Zambi ngwami: “Kutuchi kuhangisa ana jetu a mapwo kuli ana jo, chibwe kumbachila ana jetu a malunga ana jo a mapwo.”

Nehemia 5:7

yingubatula ngwami, mungubajila miata ni akwa kuyula akwo mumu kaakutambula mbwezo kuli usoko wo. Yingwatambika ku punga yinene ni kusopa mulonga wo,

Yishima 28:4

Nyi wakukolema Shimbi, kafwa ngwe uli mu mbunga yimuwika ni yingulungulu; alioze nyi wakufunga Shimbi, unalimika no.

Izaya 1:10

Yerusaleme, akwa lutwe je ni atu je kaali ngwe Sodome ni Gomora. Banjikenu yize Mwene Zambi ananwambe. Kanyamenu ku yize Zambi yenu ananulongesa.

Jeremia 13:18

Mwene Zambi yangwamba ngwenyi: “Lweza mwanangana ni naye akatuke ha yitwamo yo, mumu yipangula yo ya uhenya hiyaholoka ku mitwe yo.

Jeremia 5:5

Munguya kuli akwa kuyula, ni kuhanjeka no. Kota kaananyingika jila ya Zambi yo, ni Shimbi jenyi.” Alioze ayo eswe haanalitunu chiyulo cha Mwene Zambi, kaasolo kumwononokena.

Ezekiel 20:13

Alioze chibwe mu puya yaalimika ni yami. Yaakolema Shimbi jami, yaalituna yiyulo yami yize yakupwisa ni mwono mweswawo wakuyononokena. Alioze yaalelesa liakulu matangwa a kuhwima. Yingunyonga ngwami, mungwalweza ufwatulo wami muze mu puya nikwoonona.

Alevi 19:17

“Kanda uvwila mukwenu kole. Nyi hahengesa, mukanjise, hanga kuuchi kubwa nenyi mu mulonga umuwika.

Mika 3:1

Ivwenu yenu miata ja Aisraele! Chanutamba kuyula ni ululi,

Mika 3:9

Yenu miata ja Aisraele, ngubanjikenu yenu waze nwakuvutwokela ululi ni kwalumuna yibema kubwa yibi.