Nehemia 13:15 - Mukanda Wa Zambi 1970

¹⁵ Ha matangwa waze yingumona amwe Ayuda te kaanakame vinyu ha tangwa lia kuhwima, akwo te kaanakasakasa mbuto, ni vinyu, ni mihuko ya vinyu, ni ya mikuyu, ni yuma yikwo hali yimbulu ni kuyitwala ku Yerusaleme. Yingwakanyamisa ngwami, kanda alanjisa yuma yo ha tangwa lia kuhwima.

MUKANDA USANDU WA ZAMBI 1975

¹⁵ Ha matangwa aze yingumona mu Yunda amwe akwa kuliachila uva ha tangwa lia Sambata, ni kucha yichita ya mbuto, nikuyitwika hali yimbulu, hamwe ni vinyu, ni uva, ni makuyu, ni yiteli yeka ni yeka, nikuyineha mu Yerusaleme ha tangwa lia Sambata. Yingwashindakenyacho ha tangwa lize alanjishile kulia.

Nehemia 13:15 Iomraidhean Croise

2 Sango Ja Mianangana 24:19

Neye yaatumina akwa munanyi ni kwakanyamisa hanga atu ahiluke kuli iye, alioze kaabanjikile ko.

Nehemia 10:31

Nyi yilambala maatunehena yimwe mbuto ni kutulanjisa yo ha tangwa lia kuhwima hanji ha tangwa lia chijila kutuchi kuyilanda. Ha mwaka weswe wa muchishimbiali kutuchi kulima minda yetu, ni mikuli kuyikala ka.

Nehemia 10:32

Mutubwa nikuhana grame jitano ja mbongo ja prata milambu ya mu zuwo lia Zambi mwaka ha mwaka.

Nehemia 13:16

Amwe akwa limbo lia Tiru te kaakutwama mu Yerusaleme. No yaaneha yishi ni yuma yeka ni yeka mu limbo ni kuyilanjisa kuli Ayuda ha tangwa lia kuhwima.

Nehemia 13:21

Yingwaamba ngwami: “Mumu yika nunachishila ufuku haze lia chipanga? Talenu, nyi nwachilinga nawa kumungunulamba!” Chize ku tangwa lize, hi keejile ko nawa ha tangwa lia kuhwima.

Nehemia 9:29

Yiwaakanyamisa ha kwononokena longeso lie, alioze mu kulengumuka cho yaalituna Shimbi je, chibwe Shimbi jize jakupwisa atu ni mwono. Akwa pami kanda akwa kukolema yaalituna kwoononoka.

Jobe 39:12

Unahase kumusa mbunge atwale mbuto je ku chizungwilo nyi?

Miaso (Masamu) 50:7

“Banjikenu atu jami, munguhanjika, mungunushindakenya yibi yenu, Aisraele. Yami nguli Zambi, Zambi yenu.

Kutuhuka 31:12

Mwene Zambi yambila Mose

Kutuhuka 31:16

Aisraele chaatamba kufunga tangwa lino mumu lili chilweza cha Usendo uze hinakolesa ni yenu, mumu yami Mwene Zambi yingulinga lilu ni hashi ha matangwa asambano, mba ha tangwa lia muchishimbiala yingwecha milimo, yinguhwima.”

Kutuhuka 34:21

“Ukalinga milimo matangwa asambano, alioze ha tangwa lia muchishimbiali kanda Ukalinga ho milimo, chibwe ha mwaka wa kulima chibwe ha mwaka wa kuhela mihuko.

Kutuhuka 35:2

‘Nukalinga milimo yenu ha matangwa asambano, alioze tangwa lia muchishimbiali lili tangwa lia chijila, lia kuhwima, lia yami Mwene Zambi. Yoze malinga milimo ha tangwa lize akamushiha.

Yishima 28:4

Nyi wakukolema Shimbi, kafwa ngwe uli mu mbunga yimuwika ni yingulungulu; alioze nyi wakufunga Shimbi, unalimika no.

Izaya 58:13

Mwene Zambi kanambe ngwenyi: “Nyi munulemesa tangwa liami lia kuhwima ngwe tangwa lia chijila, ni kulitwamina kulinga upale wenu, nyi nwalemesa tangwa liami lia chijila ni kulisa vumbi ni kulitwamina kwendangana, hanji kulinga milimo, hanji kuhanjika yuma yamokomoko,

Jeremia 17:24

“Lweza atu wano ngwe, chaatamba kwononoka ku Shimbi jami jeswe. Kanda ambata yuma yilemu ni kunjila nayo mu yikolo ya limbo lino ha tangwa lia kuhwima. Afunge tangwa lia kuhwima mumu lili lia chijila, kanda alinga ho milimo niyimwe.

Jeremia 17:27

Alioze angwononokene ni kufunga tangwa lia kuhwima mumu lili lia chijila. Kanda anjila ni yuma yilemu mu yikolo ya Yerusaleme ha tangwa lize, mumu nyi maachilinga, mungwocha yajilo ya Yerusaleme, ni mazuwo ja mianangana mu Yerusaleme, niumwe kechi kahasa kusala mo.”

Jeremia 42:19

Yingwamba nawa ngwami: “Mwene Zambi hanwamba yenu waze nwasala mu Yuda ngwenyi, kanda nuya ku Egiptu. Chenacho ngunanukanyamisa haliabwila

Ezekiel 20:13

Alioze chibwe mu puya yaalimika ni yami. Yaakolema Shimbi jami, yaalituna yiyulo yami yize yakupwisa ni mwono mweswawo wakuyononokena. Alioze yaalelesa liakulu matangwa a kuhwima. Yingunyonga ngwami, mungwalweza ufwatulo wami muze mu puya nikwoonona.

Amose 8:5

Nwakulihanjikisa yenwene ngwenu: “Matangwa ja kuhwima, shimbu lika maakahwa, hanga tulanjise mbuto jetu? Chikalu kushimbwishila ndoo ku songo lia tangwa lia kuhwima, hanga tuhase kubutula nawa kulanjisa. Tukehese njongo, tukonge atu ni pezo ya mahuza, tukokese mbongo.

Mika 6:3

Mwene Zambi ngwenyi: “Ayenu atu jami, yika nanulinga? Yilemu yika nanutwika kama? Ngukumbululenu.

Yilinga 2:40

Ni maliji anji akwo Petulu yashindakenya, yaalembejeka ngwenyi: “Lilamwinenu ku ubatwilo uze muukeza hali atu wano abi!”

Yilinga 20:21

Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

Galashia 5:3

Ngunashindakenya nawa ngwami, mutu mweswe yoze malipwisa ngalami, chamutamba kumanununa Shimbi jeswe.

Efesu 4:17

Kashika, mu jina lia Mwene Yesu, ngunambe ni ngunashindakenya ngwami, kanda nubwa nawa ngwe waze hi akwa Kristu ko, waze akwete manyonga amokomoko.

Shimbi 8:19

Kanda nuvulama nichimwe Mwene Zambi, Zambi yenu, nikutewulukila kuli mazambi eka ni kwawayila ni kwalingila. Ngwamie, nyi nwachilinga, chamwenemwene munukanonga.

1 Tesalonika 4:6

Ha chikuma chino, niumwe kanda akalingila mukwo yibi, hanji kumulimuna. Hitwanwambulwila cho kulu, ni hitunatoweza nawa chikolo ngwetu, Mwene kumeza ni kumwesa lamba waze akulinga yuma ngwe yize.