Nehemia 13:13 - Mukanda Wa Zambi 1970

¹³ Yingutongola malunga wano ayule atu waze maaneha yuma mu yibatulo yize: hako Shelemia, ni Zadoke, longeshi wa Shimbi ya Mose, ni Kalevi Pedaya, ni Hanane, mwana wa Zakure mujikulu wa Matania, abwe chikwashi cho. Yingunyingika ngwami, malunga waze maabwa akwa kushishika ni kupangila yuma kuli akwa milimo ni akwo.

MUKANDA USANDU WA ZAMBI 1975

¹³ Yingusela akwa kufunga upite; sasendote Shelemia ni mukwa kusonyeka Zadoke; kuli A-Levi, Pedaia. Kwahata ayo kwapwile Hanane mwana Zakure, mwana Matania, mumu aamwene atu a jika, mba milimo yo yapwile ya kupangila kuli akwo.

Nehemia 13:13 Iomraidhean Croise

1 MIANANGANA 12:15

Akwa lutwe waze te akutala kululika cha zuwo lia Zambi abwile akwa kushishika. Kashika kaalwile ko nawa mbongo jize alingile najo milimo.

1 MIANANGANA 12:16

Alioze mbongo ja milambu ya kuhilwisa ni kuwezela ni ja milambu ya milonga kaajisele ko mu mushete, mumu te ja mbala ja mahako.

1 MIANANGANA 22:7

Miata waze akutala ye milimo kaali amwenemwene. Kashika kanda walula mbongo jo.”

Nehemia 10:38

Mahako a ku vungu lia Arone chaatamba kubwa hamwe ni Alevi muze atu maalambula cha kumi chize maalinga nacho mu zuwo lia Zambi. Alevi chaatamba kwanda cha kumi cha milambu ya cha kumi yeswe ayo maatambula ni kuchisweka mu yibatulo ya kutuliekela yuma mu zuwo lia Zambi.

Nehemia 11:22

Uzi mwana wa Bani, mujikulu wa Hashabia, te mukwa lutwe wa Alevi waze te atwama mu Yerusaleme. Tushakulu twenyi Matania ni Mika. Te kali nawa wa ku jimo lia Asafe, akwa jimo waze te kaali ni milimo ya miaso mu zuwo lia Zambi.

Nehemia 12:44

Ha matangwa waze yaatongola akwa kufunga yibatulo ya mu zuwo lia Zambi, muze te akufungila ye milambu ya Chihanda chimuwika cha ku yihanda kumi, ni mbuto, ni mihuko yitangu ya mwaka ha mwaka. Milimo ya malunga waze, te kulambula milambu ya ku minda yize yabwile hehi ni membo mumu hali mahako ni Alevi nikulita ni Shimbi ja Mose. Ayuda eswe yaawahilila ni mahako, ni Alevi,

Nehemia 3:30

Hanania mwana wa Shelemia, ni Hanune mwana wa muchisambano wa Zalafe, yaatunga chize chasulile ko, Chihanda cho cha muchaali. Meshulame mwana wa Berekia, yatunga chize chasulile ko, kulutwe lia zuwo lienyi.

Nehemia 7:2

Yingusa malunga aali ayule limbo lia Yerusaleme: mwanakwetu Hanani ni Hanania, mwata wa tujita a lie limbo, te mukwa ululi, kakuvwila Zambi woma kuhiana atu akwo.

Nehemia 8:4

Hako Ezra te kanamana ha chitamba cha mitondo chize alulikile mumu ha tangwa lize. Atu wano yaamanyina ku kwoko lia chindume: Matitia, ni Shema, ni Anaya, ni Uria, ni Hilkia, ni Maseya. Ku kwoko lienyi lia chimeso yikubwa: Pedaya, ni Mishaele, ni Malkija, ni Hashume, ni Hashbadana, ni Zakaria, ni Meshulame.

Luka 12:42

Mwene ngwenyi: “Iya kevwe, kavumbi wakushishika kanda wakukanyama? Yoze mwata wenyi hanamwehe chiyulo cha kutetela tuvumbi ni akwo, a ku zuwo lienyi, yakulia ha ola yize yinalite.

Yilinga 4:35

yaajikunjika kuli tunganda twa Yesu. No yaalianyina mbongo jize kuli mutu ni mutu nikulita ni kuhona chenyi.

Yilinga 6:1

Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa.

Yilinga 6:3

Ha chino, akwetu, Sakulenu a kuli yenwene malunga shimbiali a lufuma mubema, anazala ni Mwiku wa Linanga, akwa mana, hanga twaahe milimo yino.

1 Korintu 4:2

Ni mukwa kuyula chamutamba kubwa mukwa kushishika kuli mwata wenyi.

1 Timoteu 1:12

Ngunasakwila Kristu Yesu Mwene wetu, yoze wangutakamishine ku milimo yino nakulinga. Ngunamusakwila mumu wangusele ha kumulingila, mumu wangumwene ngwenyi, ngunalite kuchilinga,

1 Timoteu 3:10

Chatamba kweeseka hatangu, nyi kaanatela, mba maaha milimo.