Nehemia 13:12 - Mukanda Wa Zambi 1970

¹² Mba Ayuda yaaneha nawa Chihanda chimuwika cha ku yihanda kumi cha mbuto ni vinyu, ni maji a olive mu yibatulo ya kutulikila milambu.

MUKANDA USANDU WA ZAMBI 1975

¹² A-Yunda eswe yaneha chihanda cha kumi cha mbuto ni vinyu ni maji ku mazuwo a upite.

Nehemia 13:12 Iomraidhean Croise

2 Sango Ja Mianangana 31:4

Mba yambila nawa atu mu Yerusaleme akanehe milambu ya mahako ni Alevi, hanga no ahase kulinga milimo yo matangwa eswe nikulita ni Shimbi ja Mwene Zambi.

2 Sango Ja Mianangana 31:5

Muze hahana ye Shimbi ayo, Aisraele yaaneha mbuto yibema yahiana, ni vinyu, ni maji a olive, ni wuchi, ni mbuto yeka ni yeka. Yaaneha nawa Chihanda chimuwika cha ku yihanda kumi ku yuma yeswe yize te ali nayo.

Nehemia 12:44

Ha matangwa waze yaatongola akwa kufunga yibatulo ya mu zuwo lia Zambi, muze te akufungila ye milambu ya Chihanda chimuwika cha ku yihanda kumi, ni mbuto, ni mihuko yitangu ya mwaka ha mwaka. Milimo ya malunga waze, te kulambula milambu ya ku minda yize yabwile hehi ni membo mumu hali mahako ni Alevi nikulita ni Shimbi ja Mose. Ayuda eswe yaawahilila ni mahako, ni Alevi,

Alevi 27:30

Chihanda cha muchikumi cha mihuko yeswe ya mu munda, chibwe mbuto, chili cha mbala cha Mwene Zambi.

Malaki 3:10

Nehenu yihanda yenu yeswe ya cha kumi ku zuwo liami hanga likazale ni yakulia yinji. Achingwesekenu, mba munumona chize mungunwazulwila tupenda twa mwilu ni kunuzukwila yuma yibema yeka ni yeka.

Malaki 3:8

Ngunanuhula ngwami, chinalite umwe mutu kwiya Zambi, nyi? Ka! Hindu nwakufunga. Ngwenu: ‘Ngwe kuchi twakukwiya?’ Ngwami hakutwala ku milambu ya Chihanda chimuwika ku yihanda kumi, ni milambu yikwo.

Shimbi 14:22

“Mwaka ha mwaka chatamba kulisela Chihanda cha kumi cha ku mbuto yenu yize muyima mu minda yenu.