Nehemia 13:1 - Mukanda Wa Zambi 1970

¹ Ha matangwa waze yaatanga Shimbi ja Mose ku meso ja atu eswe, yaatanga maliji wano ngwo, mukwa Amone ni mukwa Moabe niumwe mahasa kunjila mu Chikungulwila cha Zambi ndoo ku miaka yeswe.

MUKANDA USANDU WA ZAMBI 1975

¹ Ha tangwa lize yatanga mu mukanda wa Mose kumeso ja atu eswe, yawanamo kuze asonekene ngwo, Ka-Amone hanji Ka-Moape kechi kanjila mu chikungulwila cha Zambi ndo ku miaka ya mutolo;

Nehemia 13:1 Iomraidhean Croise

1 MIANANGANA 23:2

No yaaya ku zuwo lia Zambi, hamwe ni mahako ni akwa munanyi ja Zambi ni atu akwo eswe pichi ni yiswale. Ku meso ja atu mwanangana yatanga mukanda weswe wa Usendo uze te haawana mu zuwo lia Zambi.

Nehemia 13:23

Ha matangwa waze, yingumona nawa Ayuda waze te haambata mapwo a ku limbo lia Ashdode, ni a ku yifuchi ya Amone, ni Moabe.

Nehemia 2:10

Alioze Sambalate, wa ku limbo lia Bete Horone, ni Tobia, umwe mwata wa mu chifuchi cha Amone, yeevwa ngwo, umwe lunga weza ko ni kukwasa Aisraele. No yeevwa wuli unji.

Nehemia 2:19

Alioze muze Sambalate, ni Tobia, ni umwe Karabia Gesheme heevwa chize twalulikile, yaatuseha nikwamba ngwo: “Chika nunambe kulinga? Munuhamika ni mwanangana, nyi?”

Nehemia 4:3

Tobia te kanamana hehi nenyi, neye yaweza ho maliji ngwenyi: “Che chipanga chize anazange kutungulula cha mulali uka? Ngwami, chibwe mukuza mahasa kuchibuzula!”

Nehemia 8:2

Mba hako Ezra yawanda, yauneha ku meso ja atu eswe: malunga, ni mapwo, ni akweze waze haakola.

Nehemia 9:3

Akwa lutwe yaatangila Aisraele Shimbi ja Mwene Zambi, Zambi yo, ola jitatu. Mba atu yaashikisa milonga yo ni kuwayila Mwene Zambi, Zambi yo, ola jikwo jitatu.

Izaya 34:16

Hengulenu mu mukanda wa Mwene Zambi wa akwa mwono ni kutala yize anambe. Niumwe wa kuli akwa mwono wano makahona, niumwe chihwo mahona kuji. Mwene Zambi hanachambe, iye mwene makaakungila hamuwika.

Jeremia 48:1

Mwene Zambi Mukwa Ndundo Jeswe yamba kuli Amoabe ngwenyi: “Akwa mulundu wa Nebo evwile kama keke, limbo lio haalienyeka! Kiriataime haamutambula, yipanga yenyi yakukoleka haayibuzula, atu jenyi sonyi anevu.

Amose 1:13

Mwene Zambi kanambe ngwenyi: “Atu a mu chifuchi cha Amone haanavulumuna nawa ni nawa, chamwenemwene mungukaamwesa lamba. Mumu ashile jita ha kutohwesa chifuchi, yaabulabula tufumbakaji a mu chifuchi cha Gileade.

Kwalula 22:5

yatuma tunganda ha kutambika Balame mwana wa Beore, yoze te watwama ku limbo lia Petore hehi ni lwiji Ufrateze mu chifuchi cha Amau. E tunganda yaamulweza maliji ja mwanangana ngwo: “Mbunga yinene ya limwe vungu anakatuka mu chifuchi cha Egiptu haalitanda mu chifuchi cheswe, kaanazange kutukumba.

Luka 10:26

Yesu yamukumbulula ngwenyi: “Kuchi chinasonewa mu Shimbi jetu? Kuchi unatange?”

Yilinga 13:15

Muze te haatanga mikanda ya Shimbi ni ya akwa munanyi ja Zambi, akwa lutwe ja zuwo lia kuwayila yaatumina liji ngwo: “Akwetu, nyi nuli ni maliji a kutakamisa no atu, ahanjikenu.”

Yilinga 15:21

Mumu, chize ku miaka yikulu, atu kaakwambujola Shimbi ja Mose mu limbo ni limbo, kaakujitanga mu mazuwo ja kuwayila mu matangwa a kuhwima.’ ”