Nehemia 12:8 - Mukanda Wa Zambi 1970

⁸ Alevi: Wano e abwile akwa lutwe ja njimba waze te akwimba miaso ya kusakwilila Zambi, Yeshua, ni Binwi, ni Kadmiele, ni Sherebia, ni Yuda, ni Matania.

MUKANDA USANDU WA ZAMBI 1975

⁸ Kwapwile nawa A-Levi: Yeshua, ni Binui, ni Kamiele, ni Sherebia, ni Yunda, ni Matania yoze wasongwelele kusakwila, iye ni usoko wenyi.

Nehemia 12:8 Iomraidhean Croise

1 Sango Ja Mianangana 9:33

Amwe Alevi akwo te e njimba. Akwa lutwe ja majiko waze te kaatwama mu amwe mazuwo a mu zuwo lia Zambi. Kaalingile ko milimo yikwo, mumu te kaakwatambika mwalwa ni ufuku.

Ezra 2:40

Majimo ja Alevi waze ahilukile: Yeshua ni Kadmiele (vungu lia Hodavia) 74, Njimba a mu zuwo lia Zambi (vungu lia Asafe) 128, Tufunga twa zuwo lia Zambi (vungu lia Shalume, ni Atere, ni Talmone, ni Akube, ni Hatita, ni Shobai) 139.

Ezra 3:2

Yoshua mwana wa Jozadake, ni usoko wenyi mahako, ni Zerubabele mwana wa Shaltiele, hamwe ni usoko wo, yaatungulula chilumbilo cha Zambi ya Aisraele, hanga ahase kulambwila ko milambu ya kwocha nikulita ni Shimbi ja Mose, kavumbi ka Zambi.

Nehemia 11:17

Matania, mwana wa Mika, mujikulu wa Zabdi, te wa ku vungu lia Asafe. Te mwe mukwa lutwe wa mbunga ja njimba waze akwimba ha yilemba ya kusakwila Zambi. Bakbukia, te mwe mulopo wa Matania. Abda, mwana wa Shamwa, mujikulu wa Galale, te wa ku vungu lia Jedutune.

Nehemia 11:22

Uzi mwana wa Bani, mujikulu wa Hashabia, te mukwa lutwe wa Alevi waze te atwama mu Yerusaleme. Tushakulu twenyi Matania ni Mika. Te kali nawa wa ku jimo lia Asafe, akwa jimo waze te kaali ni milimo ya miaso mu zuwo lia Zambi.

Nehemia 12:24

Akwa lutwe ja Alevi: Hashabia, ni Sherebia, ni Yeshua, ni Binwi, ni Kadmiele, yaalianyina mu jimwe mbunga. Mbunga jaali meemba ni kulikumbwiza nikuhalisa Zambi, ni kumusakwilila nikulita ni Shimbi jize ahanyine mwanangana David, mutu wa Zambi.

Nehemia 12:9

Mbunga ya njimba waze meemba ni kulikumbwiza: Bakbukia, ni Uno, ni Alevi akwo.

Nehemia 7:43

Majimo ja Alevi waze ahilukile: Yeshua ni Kadmiele (vungu lia Hodavia) - 74 Njimba a mu zuwo lia Zambi (vungu lia Asafe) - 148 Tufunga a ku zuwo lia Zambi (vungu lia Shalume ni Atere, ni Talmone, ni Akube, ni Hatita, ni Shobai) - 138

Nehemia 9:4

Kwabwile chitamba cha Alevi. Yeshua, ni Bani, ni Kadmiele, ni Shebania, ni Buni, ni Sherebia, ni Bani, ni Kenani yaamana ho, yaalemba kuli Mwene Zambi, Zambi yo, ni liji linene.