Nehemia 12:44 - Mukanda Wa Zambi 1970

⁴⁴ Ha matangwa waze yaatongola akwa kufunga yibatulo ya mu zuwo lia Zambi, muze te akufungila ye milambu ya Chihanda chimuwika cha ku yihanda kumi, ni mbuto, ni mihuko yitangu ya mwaka ha mwaka. Milimo ya malunga waze, te kulambula milambu ya ku minda yize yabwile hehi ni membo mumu hali mahako ni Alevi nikulita ni Shimbi ja Mose. Ayuda eswe yaawahilila ni mahako, ni Alevi,

MUKANDA USANDU WA ZAMBI 1975

⁴⁴ Ha tangwa lize yatongola malunga kuyula mazuwo a upite; ha milambu ya kuzundula, ni mbuto yitangu, ni yihanda ya kumi kuyikunga nikulita ni minda ya yihunda, yihanda yize ayifunjikile mu shimbi hali asasendote ni A-Levi; mumu A-Yunda awahilile hali asasendote ni A-Levi akwa uvumbiko.

Nehemia 12:44 Iomraidhean Croise

1 Sango Ja Mianangana 23:28

Chaatamba kulinga milimo yino: kukwasa mahako a ku vungu lia Arone mu milimo ya kuwayila mu zuwo lia Zambi, ni kufunga maaze ni yibatulo yamo, ni kufunga yuma yeswe ya chijila;

1 Sango Ja Mianangana 26:20

Alevi akwo yaaha milimo ya kufunga ubite wa mu zuwo lia Zambi ni ya kutala yibatulo ya kutulikila milambu ya Zambi.

1 Sango Ja Mianangana 9:26

Miata awana a tufunga te Alevi, eno akwayula. Ayo nawa te akufunga yibatulo ya mu zuwo lia Zambi.

Nehemia 10:36

Mwana wa lunga mweswe mutangu kusemuka mutumuneha kuli mahako ku zuwo lia Zambi ni kumukunjika kuli Mwene Zambi nikulita ni Shimbi. Mutukunjika nawa mwana ngombe mweswe mutangu kusemuka, ni chibwe wa panga, hanji wa pembe.

Yishima 8:34

Mutu yoze wakungubanjika, kakuwahilila, yoze wakumana ku chikolo chami tangwa ha tangwa, nikushimbwila ku chajilo chami.

Izaya 40:31

Alioze waze maasa mbunge kuli Mwene Zambi, kumaakahuzuluka, kumaakahumuka ha mapulwa ngwe tela; Kumaakazomboka, keechi kevwa yikatalo, kumaakendangana, keechi kahonga.

Kwalula 3:10

Ukajilika Arone ni ana jenyi a malunga ku milimo ya uhako. Nyi umwe Kaisraele mukwo meseka kuchilinga, chatamba kumushiha.”

A-ROMA 12:7

Nyi tuli ni mana a uvumbiko, tuvumbikenu. Nyi tuli ni mana a kulongesa, tulongesenu.

Shimbi 18:8

Neye chamutamba kutambula yakulia ngwe mahako akwo. Mahasa nawa kufunga yeswayo akwa jiko lienyi anamutumina.”