Nehemia 12:39 - Mukanda Wa Zambi 1970

³⁹ Katu kwenako yituhiana chikolo cha Efraime, ni cha Jeshana, ni cha Yishi, ni zuwo lisuku lia kukoleka lia Hananele, ni lia Kulakaji, ni ndoo ku chikolo cha Mapanga. Kwenda chetu yichisulila ku chikolo cha zuwo lia Zambi.

MUKANDA USANDU WA ZAMBI 1975

³⁹ Yituya ndusu helu lia chikolo cha Eframe, ni chikolo chikulu, ni chikolo cha yishi, ni kaposhi ka Hananele, ni kaposhi ka Hamea ndo ku chikolo cha mapanga. Yamana lume ku chikolo cha tulayi.

Nehemia 12:39 Iomraidhean Croise

1 MIANANGANA 14:13

Jehoashe yakwata Amazia, yaya nenyi ku Yerusaleme. Kwenako yabuzula chipanga cha limbo, chize ku chikolo cha Efraime ndoo ku chikolo cha Mbango, kusuhwa metro ngwe 200.

Nehemia 12:40

Mba mbunga jeswe jaali ja njimba waze te anachichimieka Zambi yaaheta ku zuwo lia Zambi. Kuweza ko, mu mbunga ya yami te tuli ni mahako wano embile yitavwi: Eliakime, ni Maseya, ni Miniamine, ni Mikaya, ni Elionai, ni Zakaria, ni Hanania;

Nehemia 3:1

Chipanga cha mawe cha Yerusaleme yaachitungulula ngwe chino. Mwata wa mahako Eliashibe ni mahako akwo yaatungulula chikolo cha Mapanga, yaachikunjika; yaasako yajilo. Yaakunjika chipanga ndoo ku zuwo lisuku lia kukoleka lia Kulakaji ni lia Hananele.

Nehemia 3:25

Palale mwana wa Uzai, yatunga chize chasulile ko, chize ku mbango ya chipanga ndoo ku zuwo lisuku lia kukoleka ku zuwo lia mwanangana hehi ni yiize ya tufunga. Pedaya mwana wa Paroshe yatunga chize chasulile ko, ndoo kuma kumwe ku chivumbuko hehi ni ku chikolo cha Meya ni zuwo lisuku lia kukoleka lize liakufunga zuwo lia Zambi. (Kwabwile hehi ni Chihanda cha limbo chize akuvuluka ngwo, Ofele, kuze te kwatwama akwa milimo ya mu zuwo lia Zambi.)

Nehemia 3:3

Akwa jimo lia Hasena yaatunga chikolo cha Yishi. Yaasako manguji, ni yajilo, ni yikungo ya kukashila nayo yajilo.

Nehemia 3:6

Joyada mwana wa Pasea, ni Meshulame mwana wa Besodeya yaatungulula chikolo cha Jeshana. Yaasako manguji ni yajilo ni yikungo ya kukashila nayo yajilo.

Nehemia 8:16

Chenacho atu ayile ni kubatwola mitango, yaatunga yikulika ha mafulumba ja mazuwo jo, ni mu maaze jo, ni mu yiize ya zuwo ha Zambi, ni mu malwaza hehi ni chikolo cha Meya ni chikolo cha Efraime.

Jeremia 31:38

Mwene Zambi kanambe ngwenyi: “Tangwa kulineza lize atu maakatungulula Yerusaleme mweswe, chize ku zuwo lisuku liakukoleka lia Hananele ku chitokelo ndoo ku chikolo cha Ha Mbango.

Jeremia 32:2

Ha matangwa waze tujita twa mwanangana wa Babilonia yaasa jita ni Yerusaleme; yami te haangusa mu zuwo lia lamba mu yiize ya zuwo lia mwanangana.

Zefania 1:10

Mwene Zambi kanambe ngwenyi: “Ha tangwa lize munwivwa mbimbi ku chikolo cha Yishi ku Yerusaleme. Kumunwivwa mbimbi mu chota chaha cha limbo, ni zungo linji ha milundu.

Yoano 5:2

Mu limbo, hakamwihi ni chikolo cha Mapanga, chitende chili ko chikwete yisambwe yitano, chize akuvuluka mu hebreu ngwo, Betzata.