Nehemia 12:27 - Mukanda Wa Zambi 1970

²⁷ Ha tangwa lia kukunjika chipanga cha kukoleka cha Yerusaleme, yaatambieka Alevi kweswako te atwama eze ni kusakwilila Mwene Zambi ni kumuchichimieka ni uwahililo ni miaso ni yifwolo ni tulialia.

MUKANDA USANDU WA ZAMBI 1975

²⁷ Ha kusela ku lisandu chipanga-cha-mawe cha Yerusaleme afupile A-Levi kweswako atwamine nikwaneha ku Yerusaleme akachisele ku usandu ni kulikwiza ni kusakwila, ni kwimba nawa ni sembalu, ni yisaji ya kusa, ni tulialia.

Nehemia 12:27 Iomraidhean Croise

2 Samuel 6:12

Mwanangana David yevwa ngwo, Mwene Zambi hawahisa Obede Edome ni akwa jiko lienyi ni yimuna yenyi yeswe mumu ha mushete wa Usendo, mba yaya ni kuuchiza ku zuwo lia Obede Edome ni kuuneha mu limbo lia David ni uwahililo.

1 Yitanga Ya Mianangana 8:63

Solomone yalambula ngombe 22,000, ni mapanga 120,000, milambu ya kulivwa ni Zambi. Chenacho iye ni atu jenyi eswe akunjikile zuwo kuli Zambi.

1 Sango Ja Mianangana 13:8

mwanangana ni atu eswe yaahangana chikolo ni kufumanyisa Zambi. Yeemba miaso ni tulialia, ni mikupiela, ni yifwolo, ni yitavwi.

1 Sango Ja Mianangana 15:12

Yambila Alevi ngwenyi: “Yenu nuli miata ja majimo ja Levi. Lijilikenu hamwe ni usoko wenu Alevi akwo kumbata mushete wa Usendo wa Mwene Zambi, Zambi ya Aisraele ni kuutwala homa haze naululikilile.

1 Sango Ja Mianangana 15:16

Mwanangana yambila miata ja Alevi hanga atongole Alevi eka ni eka hanga embe miaso ni tulialia ni yifwolo.

1 Sango Ja Mianangana 15:28

Chenacho Aisraele eswe atwalila mushete wa Usendo ku Yerusaleme ni kukololoka ni uwahililo, ni kwimba yitavwi, ni yifwolo, ni tulialia.

1 Sango Ja Mianangana 15:4

Mba yatambika mavungu ja Arone ni Alevi.

1 Sango Ja Mianangana 16:42

Hemane ni Jedutune yaaha nawa milimo ya kwimba yitavwi ni yifwolo ni yisaji yikwo yize te akulinga nayo muze anembi miaso ya kuchichimieka nayo Zambi. Mbunga a ku jimo lia Jedutune yaaha milimo ya kufunga yikolo.

1 Sango Ja Mianangana 16:5

Asafe mwe mukwa lutwe, chikwashi chenyi te Zakaria. Akwa kwimba tulialia wano: Jehiele, ni Shemiramote, ni Jehiele, ni Matitia, ni Eliabe, ni Benaya, ni Obede Edome, ni Jehiele. Asafe te mukwa kwimba yifwolo.

1 Sango Ja Mianangana 23:5

ni 4,000 akwa kufunga yikolo, ni 4,000 akwa kuchichimieka Zambi nikwimba yisaji yize aahele ya kuwayika nayo.

1 Sango Ja Mianangana 26:31

Jeria yabwa mwata wa vungu lia Hebrone. Ha mwaka makumi awana wa kuyula cha mwanangana David, yaahengula mu mukanda ku vungu lia Hebrone, mba yawana tujita a lufuma a ku vungu lize te atwama ku Jazere mu chifuchi cha Gileade.

2 Sango Ja Mianangana 29:25

Mwanangana Hezekia yalinga nikulita ni Shimbi jize Mwene Zambi ambilile akwa munanyi Gade ni Natane hanga alweze mwanangana David. Yasa Alevi mu zuwo lia Zambi ni tulialia ni yifwolo,

2 Sango Ja Mianangana 29:30

Mba mwanangana ni miata a chifuchi yaahana nawa Shimbi kuli Alevi ngwo, achichimieke Mwene Zambi ni miaso yize asonekene mwanangana David ni mukwa munanyi Asafe. Kashika eswe yeemba miaso ni uwahililo, yaasa makungunwa hashi, yaawayila.

2 Sango Ja Mianangana 7:6

Mahako yaamana mu mihela yo yize atongwelele, Alevi no yaamana hatalanganyi ni e mahako, yaachichimieka Mwene Zambi ni tulialia waze aahele kuli mwanangana David, yeemba mwaso ngwo: “Zango lienyi kulishi kuhwa!” nikulita ni Shimbi ja David. Mahako yeemba yitavwi muze atu eswe te anamana.

Ezra 6:16

Mba Aisraele, ni mahako, ni Alevi, ni eswe waze atuhukile mu undungo yaakunjika zuwo lia Zambi ni uwahililo.

Nehemia 11:20

Aisraele akwo ni mahako ni Alevi akwo te kaatwama mu yihunda yo ene ni mu membo jo ene a yihinga mu chifuchi cha Yuda.

Nehemia 12:43

Ha tangwa lize yaalambula milambu yinji. Atu yaawahilila kuhiana mumu Zambi yaawahisa. Mapwo ni ana yaalichinga ni yetu ni kuwahilila. Milolo yize akololokele yiiheta ndoo kusuku.

Nehemia 8:17

Atu eswe waze akatukile mu undungo yaatunga yikulika, yaatwama mo. Chino chabwile chisuho chitangu afungile chiwanyino chize, chize ku matangwa ja Yoshua mwana wa Nune. Atu eswe yaawahilila kuhiana.

Miaso (Masamu) 149:3

Mufumanyisenu ni kawino; imbenu ngoma ni tulialia, numuchichimieke.

Miaso (Masamu) 30:1

Mwene Zambi ngunakufumanyisa mumu hiwangulamwina, kuwatayijile akwa kole jami kungukekuna.

Shimbi 16:11

Nukawahilila ku meso ja Mwene Zambi, Zambi yenu, hamwe ni ana ni akwa milimo jenu, ni Alevi, ni mapwo waze haanafwisa malu nga, ni shiwa, ni yilambala waze atwama mu membo jenu. Nukachilingila he homa hamuwika ha kuwayila.

Shimbi 20:5

“Mba miata ja tujita maakahula malunga ngwo: ‘Kuli umwe lunga yoze unakatunga zuwo, alioze kanda achilikunjika kuli Zambi, nyi? Nyi kwali, ahiluke ku mahienyi. Mumu, nyi wafwa mu jita, hi mukwo weka makalikunjika.

Filipu 4:4

Wahililenu matangwa eswe mu kuliendela ni Mwene Yesu. Ngunambe nawa ngwami, wahililenu!

Usolwelo 5:8

Muze hatambula mukanda, akwa mwono waze awana ni makulwana waze makumi aali ni awana yaafulamana ku meso ja Mwana Panga. Mukulwana mweswe te kali ni chisaji ni misenge ya oru yize yinazala ni maji a vumba libema. Yenayo yilemba ya akwa Kristu.