Nehemia 12:24 - Mukanda Wa Zambi 1970

²⁴ Akwa lutwe ja Alevi: Hashabia, ni Sherebia, ni Yeshua, ni Binwi, ni Kadmiele, yaalianyina mu jimwe mbunga. Mbunga jaali meemba ni kulikumbwiza nikuhalisa Zambi, ni kumusakwilila nikulita ni Shimbi jize ahanyine mwanangana David, mutu wa Zambi.

MUKANDA USANDU WA ZAMBI 1975

²⁴ Akwa lutwe ja A-Levi: Hashabia, ni Sherebia, ni Yeshua mwana Kamiele, ni usoko wo hatalanganyi no, kuhalisa ni kusakwila nikulita ni shimbi ja mutu wa Zambi David; ngango hatalanganyi ni ngango.

Nehemia 12:24 Iomraidhean Croise

1 Yitanga Ya Mianangana 17:24

Mwe pwo ngwenyi: “Ewa tala, mwanamie! Mba hinanyingika ngwami, kuma uli mukwa munanyi wa Zambi, kuwakuhanjika yuma yize Zambi anazange.”

1 Sango Ja Mianangana 16:4

Mwanangana yatongola amwe Alevi kubwa akwa lutwe muze maawayila Mwene Zambi, Zambi ya Aisraele, kulutwe lia mushete wa Usendo, ni kwimba ni kumuchichimieka.

2 Sango Ja Mianangana 8:14

Nikulita ni Shimbi ja tato, yalulika milimo ya tangwa ha tangwa ya mahako ni Alevi waze te akukwasa mahako kwimba ni kulinga milimo yo yikwo. Yalulika nawa milimo ya tangwa ha tangwa ya tufunga twa zuwo lia Zambi ya kutala yikolo nikulita ni mbunga jo ni Shimbi ja tato David, mutu wa Zambi.

Ezra 2:40

Majimo ja Alevi waze ahilukile: Yeshua ni Kadmiele (vungu lia Hodavia) 74, Njimba a mu zuwo lia Zambi (vungu lia Asafe) 128, Tufunga twa zuwo lia Zambi (vungu lia Shalume, ni Atere, ni Talmone, ni Akube, ni Hatita, ni Shobai) 139.

Nehemia 11:17

Matania, mwana wa Mika, mujikulu wa Zabdi, te wa ku vungu lia Asafe. Te mwe mukwa lutwe wa mbunga ja njimba waze akwimba ha yilemba ya kusakwila Zambi. Bakbukia, te mwe mulopo wa Matania. Abda, mwana wa Shamwa, mujikulu wa Galale, te wa ku vungu lia Jedutune.

Nehemia 12:23

Alioze majina ja miata a majiko ja Alevi yaasoneka mu mikanda ya wanangana ndoo ha matangwa ja Jonatane, mujikulu wa Eliashibe.

Nehemia 12:36

Yikusula akwa jimo lienyi akwo: Shemaya, ni Azarele, ni Milalai, ni Gilalai, ni Mai, ni Netanele, ni Yuda, ni Hanani. Eswe te kaakumbata yisaji yeka ni yeka ngwe yize te akwimba mwanangana David, mutu wa Zambi. Longeshi Ezra mwe wabwile tetekeli wa mbunga yize.

Nehemia 8:7

Mba yaakatuka, yaamana kikilii homa lio. Alevi wano yaalumbunwina Shimbi ja Zambi: Yeshua, ni Bani, ni Sherebia, ni Jamine, ni Akube, ni Shabetai, ni Hodia, ni Maseya, ni Kelita, ni Azaria, ni Jozabade, ni Hanane, ni Pelia.

Nehemia 9:4

Kwabwile chitamba cha Alevi. Yeshua, ni Bani, ni Kadmiele, ni Shebania, ni Buni, ni Sherebia, ni Bani, ni Kenani yaamana ho, yaalemba kuli Mwene Zambi, Zambi yo, ni liji linene.

Shimbi 33:1

Mose, mutu wa Zambi, shimbu te kanda achifwa, yawahisa Aisraele.

1 Timoteu 6:11

Alioze yena, mutu wa Zambi, ehuka yuma yino yeswe. Sako tachi ku yuma ya uzambi. Bwako ni ululi, ni ufulielo, ni zango, ni utunu, ni uhomboloji.

2 Timoteu 3:17

Chenacho kavumbi makabwa wa kutela kanawa, makalita kulinga milimo yeswe yibema.

Yoshua 14:6

Limwe tangwa, amwe Ayuda yeeza kuli Yoshua ku Gilgale. Umwe wa kuli ayo, jina lienyi Kaleba, mwana wa Jefune mukwa Kenize, yamba ngwenyi: “Nunanyingika chize Mwene Zambi ahanjikile kuli Mose, mutu wa Zambi, ku Kadeshe Barnea, hakutwala kuli yenu ni yami.