Nehemia 12:1 - Mukanda Wa Zambi 1970

¹ Majina ja mahako ni Alevi waze atuhukile mu undungo hamwe ni Zerubabele mwana wa Shealtiele ni Yoshua mwata wa mahako, wano:

MUKANDA USANDU WA ZAMBI 1975

¹ Asasendote ni A-Levi ayile ni Zorobabele mwana Salatiele, ni Yeshua: Seraia, ni Jeremia, ni Ezera;

Nehemia 12:1 Iomraidhean Croise

Ezra 3:2

Yoshua mwana wa Jozadake, ni usoko wenyi mahako, ni Zerubabele mwana wa Shaltiele, hamwe ni usoko wo, yaatungulula chilumbilo cha Zambi ya Aisraele, hanga ahase kulambwila ko milambu ya kwocha nikulita ni Shimbi ja Mose, kavumbi ka Zambi.

Ezra 3:8

Chenacho ha kakweji wa muchaali wa mwaka wa muchaali chize kuze ahilukile ku Yerusaleme, atu yaabutuka milimo. Zerubabele, ni Yoshua, ni enyembo jo akwo a mu chifuchi, ni mahako, ni Alevi, ni eswe waze atuhukile mu undungo ni kwiza ku Yerusaleme, yaalichinga ku milimo. Alevi eswe waze te haabwa ni miaka makumi aali ni helu yaapwisa akwa lutwe ni kutungulula zuwo lia Zambi.

Ezra 4:2

No yaaya kuli Zerubabele ni miata ja majimo ni kwamba ngwo: “Tutayizenu kama hanga tulichinge ni yenu tutunge zuwo lia Zambi. Twakuwayila Zambi umuwika, ni twakumulambula milambu chize kuze mwanangana Esarhadone wa Asuria atutumine ni kutwama kuno.”

Ezra 5:2

Muze Zerubabele mwana wa Shaltiele ni Yoshua mwana wa Jozadake heevwa maliji jo, yaabutuka kutungulula zuwo lia Zambi mu Yerusaleme, ni e akwa munanyi aali yaakwasa.

Nehemia 11:36

Amwe a ku mbunga ya Alevi yaalikunda atwame ni Abenjamine.

Nehemia 12:10

Yoshua yasema Joakime: Joakime yasema Eliashibe; Eliashibe yasema Joyada;

Nehemia 12:2

Mahako: Seraya, ni Jeremia, ni Ezra, Amaria, ni Maluke, ni Hatushe, Shekania, ni Rehume, ni Meremote, Ido, ni Ginetoi, ni Abija, Mijamine, ni Madia, ni Bilga, Shemaya, ni Joyaribe, ni Jedaya, Salu, ni Amoke, ni Hilkia, ni Jedaya. Salu, ni Amoke, ni Hilkia, ni Jedaya. Atu wano te e miata ja mahako ha matangwa ja Yoshua.

Nehemia 7:7

Wano e miata jo: Zerubabele, ni Yoshua, ni Nehemia, ni Azaria, ni Ramia, ni Nahamani, ni Mordekai, ni Bilshane, ni Misperete, ni Bigvai, ni Behume, ni Bana.

Hagai 1:1

Ha mwaka wa muchaali wa kuyula cha Dariuse mwanangana wa Persia, ha tangwa litangu lia kakweji wa muchisambano, mukwa munanyi wa Zambi Hagai yalongesa atu nikulita ni liji lia Mwene Zambi. Lie liji liabwile mumu hali mukwa kuyula wa Yuda, Zerubabele mwana wa Shaltiele, ni mumu hali mwata wa mahako ja Zambi, Yoshua mwana wa Jehozadeke.

Hagai 1:12

Hohene Zerubabele, ni Yoshua, ni atu eswe waze akatukile mu undungo mu chifuchi cha Babilonia, yaalinga yeswe yize Mwene Zambi aalwezele kulinga. Yeevwa woma, yoononoka ku liji lia mukwa munanyi Hagai, kanganda ka Mwene Zambi.

Hagai 1:14

Mwene Zambi yakolesa atu eswe kululika zuwo lia Zambi: Zerubabele mukwa kuyula wa Yuda, ni Yoshua mwata wa mahako ja Zambi, ni eswe waze akatukile mu undungo. Yaabutuka kululika zuwo lia Mwene Zambi Mukwa Ndundo Jeswe, Zambi yo,

Hagai 2:2

Zambi yamulweza ahanjike kuli Zerubabele mukwa kuyula wa Yuda, ni Yoshua mwata wa mahako ja Zambi, ni kuli atu eswe ngwenyi:

Zakaria 6:11

Linga chipangula cha prata ni oru chize ahanyine, uchijike ku mutwe wa mwata wa mahako, Yoshua mwana wa Jehozadake.