Nehemia 11:17 - Mukanda Wa Zambi 1970

¹⁷ Matania, mwana wa Mika, mujikulu wa Zabdi, te wa ku vungu lia Asafe. Te mwe mukwa lutwe wa mbunga ja njimba waze akwimba ha yilemba ya kusakwila Zambi. Bakbukia, te mwe mulopo wa Matania. Abda, mwana wa Shamwa, mujikulu wa Galale, te wa ku vungu lia Jedutune.

MUKANDA USANDU WA ZAMBI 1975

¹⁷ Ni Matania mwana Mika, mwana Zapati, mwana Asafwe, mukwa lutwe kusongwela kusakwila ni kulemba, ni Bakubukia wamuchiali hakachi ka usoko wenyi; ni Abada mwana Shamua, mwana Ngalale, mwana Yedutune.

Nehemia 11:17 Iomraidhean Croise

2 Samuel 9:12

Mefiboshete te kali ni mwana umwe wa lunga, jina lienyi Mika. Akwa jiko lia Ziba eswe yaabwa ngamba ja Mefiboshete.

1 Sango Ja Mianangana 16:4

Mwanangana yatongola amwe Alevi kubwa akwa lutwe muze maawayila Mwene Zambi, Zambi ya Aisraele, kulutwe lia mushete wa Usendo, ni kwimba ni kumuchichimieka.

1 Sango Ja Mianangana 16:41

Yikubwa nawa Hemane ni Jedutune ni amwe akwo waze atongwele ku milimo ya kwimba ni kuchichimieka Mwene Zambi mumu ha zango lienyi lize kulishi kuhwa nichimwe.

Nehemia 11:16

Shabetai ni Jozabade, Alevi a lufuma, akwa milimo ku zuwo lia Zambi.

Nehemia 11:18

Alevi waze atwama mu limbo lia chijila lia Yerusaleme te 284.

Nehemia 12:24

Akwa lutwe ja Alevi: Hashabia, ni Sherebia, ni Yeshua, ni Binwi, ni Kadmiele, yaalianyina mu jimwe mbunga. Mbunga jaali meemba ni kulikumbwiza nikuhalisa Zambi, ni kumusakwilila nikulita ni Shimbi jize ahanyine mwanangana David, mutu wa Zambi.

Nehemia 12:25

Tufunga waze te akufunga yibatulo ya kuswekela yuma, hehi ni chikolo cha zuwo lia Zambi wano: Matania, ni Bakbukia, ni Obadia, ni Meshulame, ni Talmone, ni Akube.

Nehemia 12:31

Yami Nehemia, yingukungulula miata ja Ayuda helu lia chipanga cha mawe, yingwaaha chiyulo cha mbunga jinene jaali ajingilike lie limbo ni kuchichimieka Zambi. Mbunga yimuwika ku chikolo cha Pinga, yaatalikisa ku kwoko lia chindume lia chipanga.

Nehemia 12:46

Chize ku matangwa ja mwanangana David ni njimba Asafe ha miaka ya kunyime, njimba te kaakwimba miaso ya kuchichimieka ni kusakwilila nayo Zambi.

Filipu 4:6

Kanda nulibikala ha Chuma nichimwe, alioze ha yuma yeswe liumbenu kuli Zambi ha kumwita yize nunahono. Mwitenu ni mbunge yakusakwila.