Nehemia 11:1 - Mukanda Wa Zambi 1970

¹ Miata te haatunga mu limbo lia Yerusaleme. Atu akwo yaata yela, yaatongola jiko limuwika mukachi ka majiko kumi waze maatunga mu Yerusaleme mu limbo lia Zambi, alioze atu akwo maatunga mu membo ni mu yihunda yikwo.

MUKANDA USANDU WA ZAMBI 1975

¹ Alemu ja atu atwamine mu Yerusaleme; mba atu akwo atele chela nawa akanehe umwe wa hakachi ka kumi, akatwame nawa mu Yerusaleme, chihunda chisandu. Yihanda livwa akatwame mu yihunda yikwo.

Nehemia 11:1 Iomraidhean Croise

1 Sango Ja Mianangana 26:13

Jiko ni jiko, linene ni likepe, yaata chela anyingike chikolo chize maafunga.

1 Sango Ja Mianangana 8:28

Wano e akwa lutwe ja majiko jo ni ja mavungu waze te atwama mu Yerusaleme.

1 Sango Ja Mianangana 9:1

Aisraele eswe Yaalula nikulita ni majiko jo, yaasoneka mu Mukanda wa Mianangana ja Israele. Ayuda te haanatwala mu undungo ku Babilone ha kwamwesa lamba mumu ha milonga yo.

1 Sango Ja Mianangana 9:2

Atangu kuhiluka ku membo jo mu Israele mahako, ni Alevi, ni waze akulingila ku zuwo lia Zambi, ni atu akwo.

1 Sango Ja Mianangana 9:3

Atu a ku mavungu ja Yuda, ni Benjamine, ni Efraime, ni Manase yaaya ni kutwama mu limbo lia Yerusaleme.

Nehemia 10:34

Yetu eswe, ni mahako, ni Alevi, mutubwa nikuta chela mwaka ha mwaka tunyingike jimo lika maakaneha kunyi ja milambu ya kwocha kuli Mwene Zambi, Zambi yetu, nikulita ni mukanda wa Shimbi.

Nehemia 11:18

Alevi waze atwama mu limbo lia chijila lia Yerusaleme te 284.

Nehemia 4:22

Ha matangwa waze yingwambila akwa lutwe ja milimo ngwami, ayo ni yikwashi jo eswe chaatamba kutwama mu Yerusaleme ha ufuku, hanga tuhase kufunga limbo ha ufuku ni kulinga milimo ha mwalwa.

Miaso (Masamu) 122:5

Mwenamo te mianangana ja Israele, mwatwama ngunja ya Shimbi, akusopesela atu jo.

Miaso (Masamu) 122:6

Lembelenu Yerusaleme hanga abwe ni uhwimino ngwenu: “Zambi awahise atu waze akuzanga yena Yerusaleme.

Yishima 16:33

Atu kaakuta chela anyingike chize Zambi anazange, alioze Zambi iye mwene kaakubatula chize maakumbulula.

Izaya 48:2

Nwakulisamba nikwamba ngwenu, nuli akwa limbo lia chijila, nawa ngwenu, nwakujikijila hali Zambi ya Israele, jina lienyi Mwene Zambi Mukwa Ndundo Jeswe.

Izaya 52:1

Yerusaleme likoleze, bwako nawa ni tachi ni lufuma! Limbo lia chijila lia Zambi, zala mahina abema! Yilima keechi kanjila nawa mu yikolo ye.

Mateu 27:53

No yaatuhwoka, ni muze Yesu hahinduka ku kufwa, yaanjila mu Limbo lia Chijila kuze atu anji aamwene.

Mateu 4:5

Hohene Sakwonga yamutwala ku Limbo lia Chijila yamutumbika ha kasonga ka zuwo lia Zambi lia Ayuda,

Yilinga 1:24

Mba eswe hamuwika yaalemba Zambi ngwo: “Mwene, yena wakunyingika mbunge ja atu eswe. Tulweze kama hakachi ka wano aali yoze hiunatongola,

Yilinga 1:26

Mba yaata chela. Yichiholokela hali Mataya. Mwenawo alwile hamwe ni tunganda twa Yesu kumi ni kashi.

Yoshua 18:10

Yoshua yata chela, yaahulila kuli Mwene Zambi, mba vungu ni vungu lia Aisraele lize liasalile, yaaha chihinga cho cha chifuchi.