Nehemia 10:39 - Mukanda Wa Zambi 1970

³⁹ Aisraele ni Alevi chaatamba kuneha milambu ya mbuto, ni ya vinyu, ni ya maji a olive, ku yibatulo ya kutulikila yuma, muze akufungila yikashi ya mu zuwo lia Zambi, ni kuze mahako akualingila milimo yo, ni kuze tufunga twa zuwo lia Zambi, ni mbunga ya njimba akutwama. Kutuchi kwehuka nawa zuwo lia Zambi yetu.

MUKANDA USANDU WA ZAMBI 1975

³⁹ Mumu A-Izalele ni A-Levi maneha mulambu wa kuzundula wa mbuto, ni wa vinyu, ni wa maji mu yipatulo, muze mwatwama yikwachilo ya muma musandu, ni asasendote akwa kuvumbika, ni akwa mapito, ni njimba. Kutuchi kwehuka nawa zuwo lia Zambi yetu.

Nehemia 10:39 Iomraidhean Croise

1 MIANANGANA 7:10

Chenacho atuhukile mu musumba wa Asiria, yaahiluka ku limbo lia Samaria, yaakololoka kuli tufunga ku yikolo ngwo: “Twayanga ku musumba wa Asiria, kutwamwene ko mutu hanji kutwevwile ko liji nilimwe. Twawana lume tuvwalu ni yimbulu yakukasa mbembembe, ni mazuwo a makubu chizechene.”

2 Sango Ja Mianangana 31:11

Mwanangana Hezekia yahana Shimbi akatunge mazuwo hehi ni zuwo lia Zambi,

2 Sango Ja Mianangana 31:12

ni kutulikila mo yawana ni yihanda ya kumi yize mutu ni mutu haneha. Yaatongola Konania, umwe Kalevi, akatale milimo yize; chikwashi chenyi te mwanakwo Shemei.

Nehemia 12:47

Ha matangwa ja Zerubabele ni ha matangwa ja Nehemia, Aisraele eswe te kaakuhana milambu ya tangwa ha tangwa mumu hali njimba ni tufunga a ku zuwo lia Zambi. Atu te kaakuhana milambu ya chijila kuli Alevi, Alevi no te kaakuhana Chihanda kuli mahako.

Miaso (Masamu) 122:9

Mumu ha zuwo lia Mwene Zambi, Zambi yetu, ngunanulembela ngwami: “Zambi anuwahise.”

Kwalula 18:26

ha kulweza Alevi ngwenyi: “Muze munutambula kuli Aisraele Chihanda chimuwika cha ku yihanda kumi chize Mwene Zambi hanwaha ngwe chihinga chenu, chanutamba ni yenu kulambula Chihanda cha kumi cha ku milambu yize,

Kwalula 18:30

Muze hinwalambula Chihanda chibema chahiana, munuhasa kufunga yikwo, ngwe chize akulinga njimi ku yize yakusala ku milambu yenyi.

Shimbi 12:17

Kanda nukalia ku mazuwo jenu Chuma nichimwe cha ku yuma yize munukalambula kuli Mwene Zambi: chibwe cha kumi cha mbuto, hanji vinyu, chibwe maji a olive, hanji atangu kusemuka a ku ngombe ni mapanga jenu, chibwe yawana yize munukalakenya kuli Mwene Zambi, hanji milambu ya kuzanga chenu, chibwe yimwe milambu yikwo.

Hebreu 10:25

Kanda twehuka kulikungulula chetu ngwe chize akwehuka atu akwo. Alioze chatutamba kulitakamisa ni akwetu, mumu nunamono ngwenu, Tangwa lia Yesu hiliakundama.