Nehemia 10:36 - Mukanda Wa Zambi 1970

³⁶ Mwana wa lunga mweswe mutangu kusemuka mutumuneha kuli mahako ku zuwo lia Zambi ni kumukunjika kuli Mwene Zambi nikulita ni Shimbi. Mutukunjika nawa mwana ngombe mweswe mutangu kusemuka, ni chibwe wa panga, hanji wa pembe.

MUKANDA USANDU WA ZAMBI 1975

³⁶ Tukanehe nawa tupula-majimo twa ana jetu a malunga, ni twa yimuna yetu, ngwe chinasonewa mu shimbi, ni atangu a kuli pembe, ni mapanga, kuneha ku zuwo lia Zambi yetu kuli asasendote aze akuvumbika mu zuwo lia Zambi yetu.

Nehemia 10:36 Iomraidhean Croise

2 Sango Ja Mianangana 31:5

Muze hahana ye Shimbi ayo, Aisraele yaaneha mbuto yibema yahiana, ni vinyu, ni maji a olive, ni wuchi, ni mbuto yeka ni yeka. Yaaneha nawa Chihanda chimuwika cha ku yihanda kumi ku yuma yeswe yize te ali nayo.

Nehemia 12:44

Ha matangwa waze yaatongola akwa kufunga yibatulo ya mu zuwo lia Zambi, muze te akufungila ye milambu ya Chihanda chimuwika cha ku yihanda kumi, ni mbuto, ni mihuko yitangu ya mwaka ha mwaka. Milimo ya malunga waze, te kulambula milambu ya ku minda yize yabwile hehi ni membo mumu hali mahako ni Alevi nikulita ni Shimbi ja Mose. Ayuda eswe yaawahilila ni mahako, ni Alevi,

Nehemia 13:5

Yamutayiza kusa yuma mu chibatulo chinene muze te akutulikila lume milambu ya mbuto ni yuma ya vumba libema, ni yakashi ya mu zuwo lia Zambi, ni milambu mumu hali mahako, ni cha kumi cha mbuto, ni vinyu, ni maji a olive mumu hali Alevi, ni njimba, ni tufunga.

Kutuhuka 13:2

“Ana ja Aisraele eswe atangu a malunga ni a yimuna, chatamba kwajilika, mumu kaali niami.”

Kutuhuka 23:19

“Mwaka ha mwaka ukaneha mbuto yitangu ya ku minda ye ku zuwo lia Mwene Zambi, Zambi ye. “Kanda ukateleka mwana panga hanji mwana pembe ni yamwa ya naye.”

Kutuhuka 34:19

“Mwana lunga mweswe mutangu kusemuka ni kuji mweswe mutangu kusemuka ku chimuna kaali niami.

Malaki 3:10

Nehenu yihanda yenu yeswe ya cha kumi ku zuwo liami hanga likazale ni yakulia yinji. Achingwesekenu, mba munumona chize mungunwazulwila tupenda twa mwilu ni kunuzukwila yuma yibema yeka ni yeka.

Galashia 6:6

Mutu yoze unalilongesa Sango Jibema, chamutamba kulianyina yuma yeswe yibema yize ali nayo ni longeshi yenyi.

Shimbi 12:6

Kwenako chatamba kulambwila milambu yenu ya kwocha, ni ya chakumi, ni yawana yize nwakulakenya Mwene Zambi, ni milambu ya kuzanga chenu, ni atangu kusemuka ku ngombe jenu ni ku mapanga jenu, ni milambu yeka ni yeka yikwo.