Nehemia 10:33 - Mukanda Wa Zambi 1970

³³ Ha kuwayila mu zuwo lia Zambi mutulambula yuma yino: mbolo ya kutumbieka, ni milambu ya mbuto ya tangwa ha tangwa, ni yimuna waze chatamba kwochela Mwene Zambi tangwa ha tangwa, ni milambu ya chijila ya ha tangwa lia kuhwima, ni ya chiwanyino cha Kakweji Mwaha, ni ya yiwanyino yikwo, ni milambu yikwo ya chijila, ni milambu ya kuchiza nayo milonga ya Aisraele, ni yuma yeswe yikwo ya ku zuwo lia Zambi.

MUKANDA USANDU WA ZAMBI 1975

³³ ha mbolo ja kutumbieka, ni ha mulambu wa wunga wa matangwa eswe, ni ha mulambu wa kulumba wa matangwa eswe, ni ha masambata, ni ha kakweji mwaha, ni ha yiwanyino ya kufunjika, ni ha yuma yisandu, ni milambu ha shili kufuka A-Izalele, ni ha milimo yeswe ya zuwo lia Zambi yetu.

Nehemia 10:33 Iomraidhean Croise

2 Sango Ja Mianangana 2:4

Ngunatungu zuwo lia Mwene Zambi, Zambi yami, lia kumulemesena. Mulikabwa lia chijila kuze atu jami ni yami mutubwa ni kumuwayila, ni kumwochela yuma ya vumba libema, ni kutumbieka milambu ya mbolo ya chijila matangwa eswe, ni kulambula milambu ya kwocha chichamene ni chingoloshi, ni ha matangwa a kuhwima, ni ha yiwanyino ya Kakweji Mwaha, ni ha matangwa akwo a chijila hanga tulemese Mwene Zambi, Zambi yetu. Hanambila Aisraele kuchilinga matangwa eswe.

Kutuhuka 30:16

Ukalambula mulambu uno kuli Aisraele ha kulinga nayo milimo ya zuwo lia kuwayila. Mulambu uno kuuli wa mwono wo, mba mungwiwuluka ha kwafunga.”

Kolosu 2:16

Ha chino, mutu niumwe kanda anubatwila ha chize munulia, hanji mununwa, hanji ha chikuma cha kufunga matangwa a yiwanyino, hanji Kakweji Mwaha, hanji tangwa lia kuhwima.

Hebreu 10:11

Tangwa ha tangwa hako mweswe kakumana ni kuvumbika ni kulambwola milambu yizeyene kanji, alioze kuyahashile kuchiza shili ya atu.