Nehemia 10:31 - Mukanda Wa Zambi 1970

³¹ Nyi yilambala maatunehena yimwe mbuto ni kutulanjisa yo ha tangwa lia kuhwima hanji ha tangwa lia chijila kutuchi kuyilanda. Ha mwaka weswe wa muchishimbiali kutuchi kulima minda yetu, ni mikuli kuyikala ka.

MUKANDA USANDU WA ZAMBI 1975

³¹ Nyi mavungu a chifuchi maneha yuma yo hanji kulia ha Sambata kulanda, kutuchi kulanda kuli ayo ha Sambata, hanji ha tangwa lisandu; kutuchi kulima mwaka wamuchishimbiali, kutuchi kufwetesa mukuli niumwe.

Nehemia 10:31 Iomraidhean Croise

2 Sango Ja Mianangana 36:21

Chenacho amanunukine maliji waze Mwene Zambi ambilile mukwa munanyi Jeremia alweze atu, ngwo: “Chifuchi muchisala chahululu miaka makumi shimbiali, ndoo ni kuze tangwa lia uhwimino wacho mulikamanunuka, mumu kaachihichikile ko mu uhwimino.”

Nehemia 13:23

Ha matangwa waze, yingumona nawa Ayuda waze te haambata mapwo a ku limbo lia Ashdode, ni a ku yifuchi ya Amone, ni Moabe.

Nehemia 13:27

Kuma ni yetu chatutamba kumwimbulula tukoleme Shimbi ya Zambi hanga tumbate mapwo a yilambala, nyi?”

Kutuhuka 12:16

Ha tangwa litangu ni ha tangwa lia muchishimbiali chanutamba kukunguluka hamuwika ha kunguwayila. Ha matangwa waze mutu niumwe kanda alinga milimo, shina kuteleka yakulia wika.

Kutuhuka 20:10

alioze tangwa lia muchishimbiali lili tangwa lia kuhwima, tangwa lia yami Mwene Zambi ye. Kanda Ulinga ho mulimo, chibwe yena, hanji ana je, chibwe ndungo je, hanji yimuna ye, chibwe yilambala waze atwama mu chifuchi che.

Kutuhuka 34:16

Tangwa likwo ana jenu a malunga maakambata mapwo a yilambala waze maakaakoka ha kwehuka yami ni kuwayila mazambi jo.

Izaya 58:6

“Ndako ya kulitwamina kulia yize nakuzanga yili yino: echenu kubinjisa chenu ni uhenge wenu; jitulenu atu waze nwakubinjisa.

Alevi 16:29

Shimbi jino akajifunga ku miaka yeswe. Ha tangwa lia muchikumi lia kakweji wa muchishimbiali Aisraele ni yilambala waze atwama mukachi ko akajila kulia, ni kulitwamina kulinga milimo.

Alevi 23:21

Ha lie tangwa alio, kanda nukalinga ho mulimo niumwe, alioze nukalikungulula ha kuwayila. Vungu lienu akafunga Shimbi yino ndoo ku miaka yeswe, kweswako maakatwama.

Alevi 23:3

Chatamba kulinga milimo yenu matangwa asambano, alioze iwulukenu ngwenu, tangwa lia muchishimbiali lili lia kuhwima. Ha tangwa lize kanda nulinga ho milimo, alioze kungulukenu ni kuwayila. Tangwa lia kuhwima lili lia mbala lia Mwene Zambi, kweswako munukatwama kulinga Chuma ka.

Mateu 6:12

Tukonekene kama milonga yetu, ngwe chize yetu twakukonekena waze haanatulingi yibi.

Kolosu 2:16

Ha chino, mutu niumwe kanda anubatwila ha chize munulia, hanji mununwa, hanji ha chikuma cha kufunga matangwa a yiwanyino, hanji Kakweji Mwaha, hanji tangwa lia kuhwima.

Tiangu (Jake) 2:13

Mumu, muze Zambi makabatwila atu, mutu yoze kevwilile ko akwo keke, ni Zambi kechi kamuvwila keke. Alioze yoze te wakuvwila atu keke, Zambi neye makamuvwila keke muze makamubatwila.