Nehemia 10:29 - Mukanda Wa Zambi 1970

²⁹ hitwalichinga hamwe ni miata jetu ha chikuma chino. Twalishinga ngwetu, mutufunga Shimbi ja Zambi, jize Zambi alwezele kavumbi kenyi Mose atulweze: Ngwetu: mutwononokena longeso lieswe lize Mwene Zambi, Zambi yetu matwamba: mutufunga Shimbi jenyi jeswe ni yiyulo yenyi yeswe.

MUKANDA USANDU WA ZAMBI 1975

²⁹ o yalifutula ni akwo, ni alemu jo, akalikase ni shingo ni chilakenyo kwenda mu shimbi ja Zambi, jize Mose kavumbi ka Zambi wajihanyine, akafunge ni kulinga maliji eswe a Yehova Mwene wetu, hamwe ni upatwilo wenyi ni yiyulo yenyi.

Nehemia 10:29 Iomraidhean Croise

1 MIANANGANA 10:31

Alioze Jehu kafungile ko Shimbi ja Mwene Zambi, Zambi ya Aisraele, ni mbunge yenyi yeswe. Alioze yembulula ndako jibi ja Jeroboame, yoze wavulumwishine Aisraele.

1 MIANANGANA 23:3

Mwanangana yamana ku nguji lia wanangana, yakolesa Usendo ni Mwene Zambi amwononokene, ni kufunga Shimbi jenyi ni yiyulo yenyi ni mbunge yenyi yeswe ni mwono wenyi weswe, ni kufunga Usendo nikulita ni Shimbi ja mu mukanda. Atu eswe yaatayiza kufunga we Usendo.

1 Sango Ja Mianangana 9:2

Atangu kuhiluka ku membo jo mu Israele mahako, ni Alevi, ni waze akulingila ku zuwo lia Zambi, ni atu akwo.

2 Sango Ja Mianangana 34:31

Mwanangana yamana ku nguji lia wanangana, yakolesa Usendo ni Mwene Zambi amwononokene, ni kufunga Shimbi jenyi ni yiyulo yenyi ni mbunge yenyi yeswe ni mwono wenyi weswe, ni kufunga Usendo nikulita ni je Shimbi ja mu mukanda.

2 Sango Ja Mianangana 6:16

Mwene Zambi, Zambi ya Aisraele, haliabwila manununa nawa chilakenyo chikwo chize walakenyene tata muze wamwambila ngwe: ‘Nyi ngwe vungu lie maabwa nikufunga Shimbi jami kanawa ngwe chize wakulinga yena, kachi ku vungu lie kukuchi kuhona yoze makayula Aisraele.’

Nehemia 13:25

Yingubajila malunga waze, yingwashinga, yingwalamba, yingwakamba kambu, yingwashingisa ni jina lia Zambi ngwami: “Kutuchi kuhangisa ana jetu a mapwo kuli ana jo, chibwe kumbachila ana jetu a malunga ana jo a mapwo.”

Nehemia 7:46

Majimo ja akwa milimo a mu zuwo lia Zambi waze ahilukile: Ziha, ni Hasufa, ni Tabaote, Kerose, ni Sia, ni Padone, Lebana, ni Hagaba, ni Shalmai, Hanane, ni Gidele, ni Gahare, Reaya, ni Rezine, ni Nedoka, Gazame, ni Uza, ni Pasea, Besai, ni Meunime, ni Nefushesime, Bakbuke, ni Hakufa, ni Harhure, Bezlite, ni Mehida, ni Harsha, Barkose, ni Sisera, ni Tema, Nezia, ni Hatifa.

Nehemia 8:2

Mba hako Ezra yawanda, yauneha ku meso ja atu eswe: malunga, ni mapwo, ni akweze waze haakola.

Nehemia 8:3

Kwe ku lwaze hehi ni chikolo Ezra yaatangila we mukanda wa Shimbi, chize ku chichamene ndoo ni tangwa ha muchima. Eswe yaabanjika kanawa.

Nehemia 9:38

Ha yuma yeswe yize yatuwanyine yetu Aisraele, tunakolesa Usendo ni Chisoneko. Miata, ni Alevi, ni mahako jetu kaanase yinyingi yo.

Miaso (Masamu) 105:45

Chenacho alingile, hanga atu jenyi afunge Shimbi jenyi ni yiyulo yenyi. Chichimiekenu Mwene Zambi!

Miaso (Masamu) 119:106

Hingunalakenya kwononokena longeso lie liamwenemwene.

Miaso (Masamu) 8:1

Aa Mwene Zambi, Mwene wetu, ulemu we hiunamoneka hashi heswe! Kuchichimieka cha atu hichinahete ndoo mwilu.

Miaso (Masamu) 8:9

Aa Mwene Zambi, Zambi yetu ulemu we hiunamoneka hashi heswe!

Izaya 14:1

Mwene Zambi kumakevwila atu jenyi Aisraele keke ni kwatongola abwe atu jenyi mwene. Makaatayiza kutwama mu chifuchi cho ene, ni yilambala maakeza ni kutwama hamwe no.

Jeremia 26:4

Mwene Zambi yahanjika nikulweza atu ngwenyi: “Yami, Mwene Zambi, hinamba ngwami, chatamba kungwononokena ni kufunga longeso lize hinanulongesa,

Jeremia 34:15

Matangwa amwe haabalika, yinwalumuna mbunge jenu, yinulinga yize yinanuwahila. Yenu eswe yinutusula enyembo jenu Aisraele, yinulinga Usendo ku meso jami, mu zuwo lize te nwakunguwayila.

Ezekiel 36:27

Mungukanwaha Mwiku wami ni kunukolesa kufunga Shimbi jami ni kukaula yiyulo yami yize nanuhele.

Alevi 20:26

Bwenu akwa kulinanga, nubwe lume a yami. Mumu yami nguli Mwene Zambi, nguli munangi. Hingunanuhandununa kuli mavungu akwo hanga nubwe lume a yami mwene.

Malaki 4:4

“Iwulukenu longeso lia kavumbi kami Mose, Shimbi ni yiyulo yize namuhele ha mulundu wa Sinai mumu hali Aisraele eswe.

Kwalula 5:21

Mwene Zambi akushinge mukachi ka atu je, akusosewese ku mahie ni kujimbisa jimo lie.

Yoano 1:17

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.

Yoano 15:14

Nuli masepa jami, nyi munulinga Shimbi yize ngunanwehe.

Yoano 7:19

Mose hananwehe Shimbi, nyi? Hindu niumwe hakachi kenu wakujifunga. Kuchi kevwe nwakuzanga kungushiha?”

Yilinga 11:23

Muze haheta ko, yamona chize Zambi awahishile akwa kufuliela. Neye yawahilila, yaatakamisa eswe ha kulalaminya Mwene Yesu ni mbunge yeswe.

Yilinga 17:34

Alioze amwe malunga yaalichinga nenyi, yaafuliela. Hakachi ko Dionisiu, wa ku mbunga ya Areopago, ni umwe pwo, jina lienyi Damari, ni amwe akwo.

Yilinga 23:21

Alioze kanda waatayiza kwe, mumu malunga kuhiana makumi awana anamujikinyina. Haanalishingi ngwo: ‘Kutuchi kalia chibwe kunwa ndoo hitwamushiha.’ Haliabwila haalilulika. Kaanatwaminyina kumbululo lie.”

A-ROMA 12:9

Kanda nulizanga ni ulembekese. Ehukenu yibi, lalaminyenu yibema.

Shimbi 33:4

Tufungenu Shimbi jize atuhele Mose. Jili chihinga chinene chahiana cha vungu lietu.

Shimbi 5:1

Mose yakungulula Aisraele eswe, yaamba ngwenyi: “Yenu Aisraele, banjikenu ku Shimbi jeswe jize ngunanulongesa musono. Lilongesenu jo; kanyamenu nujifunge kanawa.

Shimbi 5:32

“Yenu Aisraele, fungenu kanawa yuma yeswe yize Mwene Zambi, Zambi yenu, haanwamba. Kanda nukolema Shimbi niyimwe.