Nehemia 10:1 - Mukanda Wa Zambi 1970

^1-8 Atu waze asele chinyingi cho ku Usendo wano: Nehemia mwana wa Hakalia, mwe mukwa kuyula. Zedekia, Seraya, Azaria, Jeremia, Pashure, Amaria, Malkija, Hatushe, Shebania, Maluke, Harime, Meremote, Obadia, Daniele, Ginetone, Baruke, Meshulame, Abija, Mijamine, Mazia, Bilgai, Shemaya.

MUKANDA USANDU WA ZAMBI 1975

¹ Majina ja waze asele yijikilo yo: Nehemia mwe mukwa kuyula, mwana Hakalia, ni Zedekia,

Nehemia 10:1 Iomraidhean Croise

1 MIANANGANA 23:3

Mwanangana yamana ku nguji lia wanangana, yakolesa Usendo ni Mwene Zambi amwononokene, ni kufunga Shimbi jenyi ni yiyulo yenyi ni mbunge yenyi yeswe ni mwono wenyi weswe, ni kufunga Usendo nikulita ni Shimbi ja mu mukanda. Atu eswe yaatayiza kufunga we Usendo.

Ezra 10:3

Haliabwila tukolesenu Usendo ni Zambi yetu, tulakulenu mapwo wano ni e ana jo hamuwika. Mutulinga chize yena Ezra ni akwenu waze akulemesa Shimbi ja Zambi nunambe. Mutulinga nikulita ni Shimbi ja Mwene Zambi.

Ezra 2:63

Mukwa kuyula wa Yuda yaambila ngwenyi: “Kanda nulia yakulia ya mulambu uze atu haalambula kuli Zambi ndoo ni muze hinwabwa ni umwe hako yoze mahasa kuhula kuli Zambi ni Urime ni Tumime.”

Nehemia 1:1

Mukanda uno unalumbununa yitangu ya Nehemia, mwana wa Hakalia. Mu kakweji wa Kisleve ha mwaka makumi aali wa kuyula cha Artashede, mwanangana wa chifuchi cha Persia, yami Nehemia nabwile mu Shushane, limbo lia wanangana.

Nehemia 10:30

Kutuchi kulimbata nawa ni yilambala waze atwama mu chifuchi chetu.

Nehemia 7:65

Mukwa kuyula wa Ayuda yaalweza ngwenyi: “Kanda nulia yakulia yize haalambula kuli Zambi shina ndoo muze hikwabwa umwe hako yoze malinga ni Urime ni Tumime.”

Nehemia 7:70

Atu anji ahanyine milambu ya kutungulula nayo zuwo lia Zambi: Mukwa kuyula: oru kilo 8 mbashila - 50 mahina ja mahako 530 Miata ja majimo: oru kilo 168 prata kilo 1,250 Atu akwo: oru kilo 168 prata kilo 140 mahina ja mahako 67.

Nehemia 8:9

Muze atu heevwa ulumbunwiso wa mukanda wa Shimbi, eswe yaabutuka kulila. Kashika mwe mukwa kuyula Nehemia, ni hako Ezra kanda longeshi ya Shimbi, ni Alevi waze alumbunwine we mukanda yaamba ngwo: “Akwetu, lino lili tangwa lia chijila lia Mwene Zambi, kashika kuchanutambile kunenganyana ni kulila.

Nehemia 9:38

Ha yuma yeswe yize yatuwanyine yetu Aisraele, tunakolesa Usendo ni Chisoneko. Miata, ni Alevi, ni mahako jetu kaanase yinyingi yo.

Kutuhuka 24:4

Mose yasoneka Shimbi jeswe ja Mwene Zambi. Yalimeneka chichamene cheswe, yatunga chilumbilo mushi lia mulundu, yalumbika mawe kumi ni aali ngwe chingina nikulita ni mavungu kumi ni aali ja Aisraele.