Nehemia 1:9 - Mukanda Wa Zambi 1970

⁹ Alioze nyi ngwe nwatewuluka nawa kuli yami, ni kufunga Shimbi jami, mba mungukanuhilwisa homa haze natongwele ha kunguwayila, chibwe hinunamwangashana hashi heswe.’

MUKANDA USANDU WA ZAMBI 1975

⁹ Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Nehemia 1:9 Iomraidhean Croise

1 Yitanga Ya Mianangana 8:48

Nyi ngwe mu chifuchi chize maakalumuka ku mbunge ni kulemba kuli yena, nyi maakatalikisa ku chifuchi chino wahele tushakulu twetu ni ku limbo lino hiunatongola ni ku zuwo lino hinakutungila,

1 Yitanga Ya Mianangana 9:3

Mwene Zambi yamwamba ngwenyi: “Hinevwa kuliumba che, ngunawahisa zuwo lino watungile. Libwe muma muze atu maanguwayila ndoo ku miaka yeswe. Mungulitala ni kulifunga matangwa eswe.

1 Sango Ja Mianangana 16:35

Ambenu ngwenu: “Aa, Zambi, Chilamwina chetu, tulamwine; tukungulule hamuwika; tupulule kuli akwa mavungu, hanga tukusakwilile ni kufumanyisa jina lie lia linanga.”

Ezra 6:12

Zambi yoze watongwele Yerusaleme abwe homa ha kumuwayila, akakumbe mweswe mwanangana hanji heswe vungu maakolema Shimbi yino hanji meeseka kwonona zuwo lize. Yami, Dariuse, ngunanwehe Shimbi yino. Chatamba kuyononokena.”

Miaso (Masamu) 106:47

Mwene Zambi, Zambi yetu, tulamwine, tuchize kama hakachi ka mavungu akwo. Mba utuhilwise mu chifuchi chetu, tusakwilile ni kufumanyisa jina lie.

Miaso (Masamu) 107:3

hanaachiza ku yifuchi ya yilambala, ku chivumbuko ni ku chitokelo, ni ku norde, ni ku sude, hanaahilwisa mu chifuchi cho.

Miaso (Masamu) 147:2

Mwene Zambi kakutungulula Yerusaleme; kakuhilwisa mu chifuchi cho waze te atwama mu undungo.

Izaya 11:12

Mwene Zambi kumakamika bendelo hakachi ka mavungu akaalweze ngwenyi, kakukungulula ni kuhilwisa nawa Aisraele ni Ayuda waze haanamwangashana ku mbango jiwana ja hashi.

Izaya 27:12

Ha tangwa lize, chize ku lwiji Ufrateze ndoo ku njiza ya chifuchi cha Egiptu, Mwene Zambi makachiza atu jenyi umuwika umuwika ngwe chize mutu akusakula mbuto ku yiswaswa.

Izaya 56:8

Mwene Zambi yoze wachijile Aisraele mu undungo ni kwakungila mu chifuchi cho, hanalakenya ngwenyi: “Mungukunga nawa mavungu akwo alichinge no.”

Jeremia 12:15

Alioze muze hinaatwala kusuku, mungukeevwila nawa keke; mungukahilwisa vungu lieswe ku chifuchi chenyi, ni ku chihinga chenyi mwene.

Jeremia 3:14

“Yenu yihulia, hilukenu kuli yami. Mungwanda umuwika umuwika ku chihunda cheswe, aali aali a ku jiko lieswe, ni kunuhilwisa ku mulundu wa Zione.

Jeremia 31:10

Mwene Zambi kanambe ngwenyi: “Yenu mavungu, banjikenu, ambujolenu maliji jami ku yifuchi ya kusuku. Hingunamwange atu jami, alioze mungukaakungulula, ni kwafunga ngwe chize kafunga akufunga mapanga jenyi.

Jeremia 32:37

mungukakungulula atu chize kuze naamwanginyine ni ufwatulo ni utenu. Mungukaahilwisa mu chifuchi chino hanga abwe mu uhwimino.

Jeremia 6:22

Mwene Zambi kanambe ngwenyi: “Talenu, atu kaaneza a ku chifuchi cha ku norde, vungu lia tachi lia kusuku kaanalulika kwasa jita.

Ezekiel 14:6

“Kashika haliabwila, lweza Aisraele yize yami Mwene Zambi ngunambe ngwami, atewuluke kuli yami, achize mahamba jo a yizelwokeso.

Ezekiel 36:24

Mungukanuchiza hakachi ka mavungu eswe ni mu yifuchi yeswe ni kunuhilwisa mu chifuchi chenu.

Alevi 26:3

“Nyi munwenda nikulita ni yiyulo yami ni kufunga Shimbi jami,

Zakaria 8:7

Mungukapulula atu jami ku yifuchi ku chivumbuko, ni ku chitokelo kuze aatwalile ni kwaahilwisa ku Yerusaleme. Kumaakabwa atu jami, ni yami mungukabwa Zambi yo, mungukaayula ni umwenmwene ni ululi.

Mateu 24:31

Chitavi chinene muchikahanjika. Hohene Zambi makatuma tunganda twenyi a mwilu ku mbango jeswe jiwana ja hashi, no maakakungulula waze Zambi hanatongola chize ku songo limwe lia hashi ndoo ku songo likwo.”

Shimbi 12:21

Nyi ngwe homa haze makatongola ha kumuwayila kwasuhwa naye, mba Heswe tangwa munuzanga munuhasa kushiha yimuna yenu yize Mwene Zambi manwaha, ni munuhasa kulila ye yifwo ku mazuwo jenu, ngwe chize hinanulweza.

Shimbi 12:5

Mu chifuchi cha umwe wa ku mavungu jenu eswe Mwene Zambi makatongola homa haze chatamba kumuwayila.

Shimbi 30:1

“Haliabwila tongolenu chize nunazange, yiwape hanji Shingo. Muze yuma yino yeswe muyikanuwana, nyi hinwatwama kulu mu yifuchi kuze Mwene Zambi yenu hananumwangina, munukewuluka kutongola chize hinanwamba.