Nehemia 1:7 - Mukanda Wa Zambi 1970

⁷ Hitwalinga ni ungulungulu kuli yena. Kutwafungile Shimbi ni yiyulo yize wahanyine kuli kavumbi ke Mose atulweze.

MUKANDA USANDU WA ZAMBI 1975

⁷ Hitwalinga ni uhulia kuli yena, kutwafungile shimbi, chipwe yiyulo, chipwe upatwilo, yize watumine kavumbi ke Mose.

Nehemia 1:7 Iomraidhean Croise

1 Yitanga Ya Mianangana 2:3

Linga chize Mwene Zambi, Zambi ye, makwamba. Ufunga Shimbi jenyi jeswe ni yiyulo yenyi yeswe yize yinasonewa mu Shimbi ja Mose, hanga ukawahe mu yeswe yize muukalinga kweswako muukaya.

2 Sango Ja Mianangana 25:4

Alioze kashihile ko ana jo, yafunga Shimbi ja Mose jize amuhele Mwene Zambi ngwenyi: “Kuchatambile kushiha yisemi mumu ha milonga ya ana, ni ana mumu ha milonga ya yisemi. Chatamba kushiha mutu mumu ha mulonga wenyi mwene.”

2 Sango Ja Mianangana 27:2

Yalinga chize te akuzanga Mwene Zambi, ngwe chize alingile tato, alioze iye kavulumwine ko ni kunjila mu zuwo lia Zambi ni kwocha yuma ya vumba libema. Hindu atu te kaakuvulumiona.

Ezra 7:6

Ezra te kali longeshi wa mana, yanyingika kanawa Shimbi jize Mwene Zambi, Zambi ya Aisraele ahanyine kuli kavumbi kenyi Mose. Mwanangana wa Persia yamwaha yuma yeswe yize echile, mumu Mwene Zambi, Zambi yenyi, wabwile hamwe nenyi. Ha mwaka wa muchishimbiali wa kuyula cha mwanangana Artasherke, Ezra yatuhuka mu chifuchi cha Babilone ni kuya ku limbo lia Yerusaleme hamwe ni mbunga ya Aisraele: mahako, ni Alevi, ni njimba ni tufunga twa zuwo lia Zambi, ni akwa milimo.

Miaso (Masamu) 106:6

Twavulumwine ngwe chize alingile tushakulu twetu, tuli lume kwetu atu abi, yingulungulu.

Miaso (Masamu) 89:31

nyi keechi kafunga yiyulo yami, ni keechi kwononokena longeso liami,

Miaso (Masamu) 89:32

mungukaamwesa lamba mumu ha shili yo, mungukaabinjisa mumu ha milonga yo.

Izaya 1:4

Lamba lienu vungu lia yivulumunyi, yihenge kanda yingulungulu! Hinunehuka Mwene Zambi, Zambi munangi wa Aisraele, hinunamumbu nyima.

Daniel 9:11

Aisraele eswe yaakolema Shimbi je, yaalituna kubanjika maliji je. Yitukuvulumuna, kashika hiunatunehena mashingo waze anasonewa mu Shimbi ja Mose, kavumbi ke.

Daniel 9:13

Hiwatumwesa lamba heswe lize linasonewa mu Shimbi ja Mose. Aa Mwene Zambi, Zambi yetu, chibwe haliabwila kutwesekele ko kulinga yize wakuzanga, kutwehukile ko milonga yetu, kutwakawile ko umwenemwene we.

Hosea 9:9

Kujakangana! Kaali abi kuhiana, ngwe chize abwile ku limbo lia Gibea. Eeche! Zambi kumewuluka uhenge wo ni kwamwesa lamba.

Alevi 27:34

Jino jili Shimbi jize Mwene Zambi ahanyine kuli Mose, ha mulundu wa Sinai, mumu hali Aisraele.

Zefania 3:7

Yingunyonga ngwami, atu jami mba himangulemesa ni kutayiza longeso liami, hikeechi kavulama nawa longeso lize hingunaalongesa. Alioze susumuku kaakulinga yibi ngwe hatangu.”

Malaki 4:4

“Iwulukenu longeso lia kavumbi kami Mose, Shimbi ni yiyulo yize namuhele ha mulundu wa Sinai mumu hali Aisraele eswe.

Shimbi 4:1

Mba Mose yambila atu ngwenyi: “Ononokenu ku Shimbi jeswe jize ngunanulongesa, mba munubwa ni mwono nukazuke chifuchi chize ananwehe Mwene Zambi, Zambi ya tushakulu twenu.

Shimbi 4:5

“Kutala! Nanulongesele Shimbi jeswe, ngwe chize Mwene Zambi, Zambi yami, angulwezele. Nujifunge mu chifuchi chize nunambe kunjila ni kuchizuka.

Shimbi 5:1

Mose yakungulula Aisraele eswe, yaamba ngwenyi: “Yenu Aisraele, banjikenu ku Shimbi jeswe jize ngunanulongesa musono. Lilongesenu jo; kanyamenu nujifunge kanawa.

Shimbi 6:1

“Jino jeswe jili Shimbi jize Mwene Zambi, Zambi yenu, angwambile ha kunulongesa jo. Nukajifunge mu chifuchi chize nunambe kunjila ni kuchizuka.

Usolwelo 19:2

Ubatwilo wenyi uli wamwenemwene ni wa ululi! Mumu hanabatwila chitanji munene yoze wabihishile atu ni utanji wenyi. Zambi hanamubatwila, mumu washihile tuvumbi tweni.”