Nehemia 1:6 - Mukanda Wa Zambi 1970

⁶ Mwene Zambi ngutale kama, ubanjike kama kulemba chami muze ngunalembela tuvumbi twe Aisraele mwalwa ni ufuku. Ngunanyingika ngwami, yetu Aisraele hitwavulumuna. Tushakulu twami ni yami hitwavulumuna.

MUKANDA USANDU WA ZAMBI 1975

⁶ Matwi je akapanjike; meso je akatale, wivwe kulemba cha yami kavumbi ke, chino ngunalembe kumeso je haliapwila, mwalwa ni ufuku, hali tuvumbi twe A-Izalele, shimbu ngunashikisa milonga ya A-Izalele yize hitwakuvulumuna; ewa, ni yami ni munyachi wa tata hitwavulumuna.

Nehemia 1:6 Iomraidhean Croise

1 Yitanga Ya Mianangana 8:30

Banjika ku kulemba chami ni cha atu je muze mututalikisa kuma kuno nikulemba. Yena muze mwilu watwama, hitubanjike, utukonekene kama.

1 Yitanga Ya Mianangana 8:47

hibanjika ku kulemba cha atu je. Nyi mu chifuchi chize maakalumuka ku mbunge ni kulemba kuli yena, ni kushikisa yibi yo ni ungulungulu wo, yena Mwene Zambi banjika kama kulemba cho.

2 Sango Ja Mianangana 28:10

Haliabwila yenu nunambe kupwisa malunga ni mapwo a mu Yerusaleme ni Yuda ndungo jenu. Kuma kunwanyingikine ngwenu, ni yenu nawa hinunavulumuna Mwene Zambi, Zambi yenu, nyi?

2 Sango Ja Mianangana 29:6

Tushakulu twetu avulumwine, yaalinga chize te Mwene Zambi, Zambi yetu, keshi kuzanga. Yaamwehuka, yoomba nyima kuma kuze te atwama Mwene Zambi.

2 Sango Ja Mianangana 6:40

“Aa Zambi yami, haliabwila, tutale kama, ubanjike ku kulemba chetu muma muno.

Ezra 10:1

Muze te Ezra anafulamana hashi nikulemba kulutwe lia zuwo lia Zambi, nikulila, nikushikisa milonga yino, mbunga yinene ya Aisraele, malunga, ni mapwo, ni ana, yaakunguluka kuli iye, yaalila kuhiana.

Ezra 10:11

Kashika haliabwila, shikisenu milonga yenu kuli Mwene Zambi, Zambi ya tushakulu twenu, nulinge yize yinamuwahila. Lihandununenu kuli yilambala waze atwama mu chifuchi chetu, nulakule mapwo jenu a yilambala.”

Nehemia 1:11

Haliabwila banjika kama kulemba chami ni cha tuvumbi twe akwo waze anazange kukulemesa. Musono nguwahise kama yami kavumbi ke, hanga mwanangana anguvwile kama keke.” Ha matangwa waze nabwile ni kutwalila mwanangana vinyu.

Miaso (Masamu) 102:17

Kumevwa atu jenyi waze ehukile, mabanjika kulemba cho.

Miaso (Masamu) 106:6

Twavulumwine ngwe chize alingile tushakulu twetu, tuli lume kwetu atu abi, yingulungulu.

Miaso (Masamu) 130:2

Aa Mwene Zambi, banjika kama kuteta chami, banjika kama kuliumba chami, ungukwase!

Miaso (Masamu) 32:5

Mba yingushikisa shili yami kuli yena; chakuswekelele ko uhenge wami. Nabatwile ngwami, munguyishikisa kuli yena, ni yena yiungukonekena yo yeswe.

Miaso (Masamu) 34:15

Mwene Zambi kakutala akwa ululi, kakubanjika miteto yo;

Miaso (Masamu) 55:17

Ha chichamene, ni ha mwalwa, ni ha ufuku mungulinyenga ni kutwa mikuma, neye kumevwa liji liami.

Miaso (Masamu) 88:1

Mwene Zambi, chilamwina chami, nakuteta kuli yena mwalwa ni ufuku.

Izaya 6:5

Yingwamba ngwami: “Lamba liami! Ngunafu! Mumu maliji jami eswe kaali abi, nakutwama mukachi ka atu waze akuhanjika maliji abi wika. Hindu hinamona ni meso jami mwe Mwanangana, Mwene Zambi Mukwa Ndundo Jeswe.”

Lungungu 5:7

Tushakulu twetu haanavulumuna, alioze haliabwila keeshi ko, hiyetu tunamono lamba mumu ha milonga yo.

Daniel 9:15

“Aa Mwene Zambi, Zambi yetu, wasolwele ndundo je muze watuhwishile atu je mu Egiptu, twakujiwuluka ndoo ni musono. Twavulumwine, twalingile yibi.

Daniel 9:20

Nanyongonona nikulemba, nikushikisa milonga yami ni ya atu jami Aisraele, nikuliumba kuli Mwene Zambi, Zambi yami, hanga atungulule zuwo lienyi lia chijila.

Daniel 9:4

Yingulemba kuli Mwene Zambi ni kushikisa milonga ya atu jami. Yingwamba ngwami: “Mwene Zambi, yena uli munene, twakukulemesa. Uli wamwenemwene hakutwala ku Usendo we. Wakulweza zango lie lize kulishi kuhwa kuli waze akukuzanga ni kufunga Shimbi je.

Daniel 9:5

“Yetu hitwavulumuna, hitwalinga yibi, hitwabwa yingulungulu, hitwakukatukila, hitwehuka Shimbi je ni yiyulo ye.

Daniel 9:8

Mianangana ni akwa kuyula jetu, ni tushakulu twetu hitunalingi yuma ya sonyi, hitunakuvulumuna yena Mwene Zambi.

Luka 18:7

Kuma Zambi kechi kakala waze atongwele iye mwene, waze akukololoka mwalwa ni ufuku, nyi? Kuma makashimbula ha kwakwasa, nyi?

Efesu 2:3

Yetu eswe twabwile nawa ngwe ayo, twendele nikulita ni usolo ubi wa uutu wetu, yitumanununa upale wa mijimba yetu ni manyonga jetu. Te Zambi kakututenukina ngwe atu akwo eswe.

1 Timoteu 5:5

Twamishi wamwenemwene, yoze hanafwisa lunga, nyi keshi chikwashi, kakusa mbunge yenyi kuli Zambi, keshi kulitwamina kulemba ni kuliumba kuli Zambi ufuku ni mwalwa ha kumukwasa.

2 Timoteu 1:3

Ngunasakwila Zambi, yoze nakulingila ni mbunge yibema, ngwe chize alingile tushakulu twami. Nakumusakwila muze nakunwiwuluka mu yilemba yami, ufuku ni mwalwa.

1 Yoano 1:9

Alioze, nyi twakushikisa milonga yetu, iye kali mukwa kushishika ni mukwa ululi ha kutukonekena milonga yetu, ni kutubemesa ku uhenge weswe.

1 Samuel 15:11

“Ngunevu chinyengo chize napwishile Saulu mwanangana, mumu hangumba nyima ni hakolema Shimbi jami.” Samuel yatenuka, yalila ku meso ja Mwene Zambi ufuku weswe.