Nehemia 1:5 - Mukanda Wa Zambi 1970

⁵ “Mwene Zambi, Zambi ya mwilu! Yena uli munene, twakukuvwila woma. Yena wakufunga Usendo ni waze akukuzanga ni kulinga chize unapale.

MUKANDA USANDU WA ZAMBI 1975

⁵ ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Nehemia 1:5 Iomraidhean Croise

1 Yitanga Ya Mianangana 8:23

yalemba ngwenyi: “Mwene Zambi, Zambi ya Aisraele, kukushi Zambi mukwo niumwe ngwe yena, chibwe mwilu chibwe hashi! Wakufunga Usendo ni atu je. Wakwalweza utu we muze akukwononokena ni mbunge jo jeswe.

1 Sango Ja Mianangana 17:21

Limwe vungu lili ko hano hashi lialifwa ni Israele, nyi? Hiunaalamwina ku undungo ni kwapwisa atu je. Yuma yinene ni ya kukwomwesa yize waalingilile hiyinafumanyisa jina lie hashi heswe. Hiunalamwina atu je ku chifuchi cha Egiptu, hiunahumu mavungu akwo kulutwe lio.

Ezra 1:2

“Yami Siruse, mwanangana wa Persia. Ngunahane Shimbi yino ngwami, Mwene Zambi, Zambi ya Mwilu, hanangupwisa mukwa kuyula chifuchi cheswe cha hashi, hanangwehe milimo ya kumutungila zuwo mu Yerusaleme mu chifuchi cha Yuda.

Nehemia 2:4

Mba mwanangana yanguhula ngwenyi: “Yika mba unazange?” Yingulemba kuli Zambi wa Mwilu,

Nehemia 4:14

Yingumona ngwami, atu haalekumuka, mba yingwalweza hamwe ni miata ni akwa lutwe jo ngwami: “Kanda nuvwila akwa kole jetu woma. Iwulukenu Mwene Zambi kali munene, kali kola woma. Asenu jita, nulamwine usoko wenu, ni ana jenu, ni mapwo jenu, ni majiko jenu.”

Nehemia 4:8

Mba yaatwama punga ya kwasa jita ni yetu akwa Yerusaleme hanga atubinjise.

Nehemia 9:32

“Aa Zambi, Zambi yetu, yena uli munene! Uli kola woma, mukwa ndundo! Wakufunga yilakenyo ya Usendo we. Chize ku matangwa waze te akutuhungumiona kuli mianangana ja Asuria ndoo ni musono uno, twakumona lamba linji, mianangana jetu, ni miata jetu, ni mahako jetu, ni akwa munanyi jetu, ni tushakulu twetu, ni atu jetu eswe. Iwuluka kama lamba lize hitwamona!

Miaso (Masamu) 47:2

Mwene Zambi Mukwa Mwilu Wahiana kanda Kola Woma, kali mwanangana munene, kakuyula akwa hashi eswe.

Miaso (Masamu) 76:8

Kuze kwilu, hiunalweze atu chize wakubatula milonga; akwa hashi yeevwa woma, yaahola kuluu,

Miaso (Masamu) 89:2

Ngunanyingika ngwami, zango kulishi kuhwa ndoo ku miaka yeswe, umwenemwene we muulinduluka ngwe lilu.

Miaso (Masamu) 89:3

Hiunambe ngwe: “Hingunakolesa Usendo ni mutu yoze natongwele; hingunalakenya kavumbi kami David ngwami:

Miaso (Masamu) 89:8

Mwene Zambi, Mukwa Ndundo Jeswe, iya uli ni ndundo ngwe, yena? Aa Mwene Zambi, yena uli mukwa kushishika mu yeswe yize wakulinga.

Kutuhuka 20:6

Alioze tununu twa yisemuko ya waze akunguzanga ni akufunga Shimbi jami, mungubwa ni kwalweza utu.

Shimbi 7:12

“Nyi nwabanjika ku Shimbi jino ni kujifunga kanawa, mba Mwene Zambi, Zambi yenu, makafunga Usendo uze akolesele ni yenu ni kunulweza zango lienyi hahiana, ngwe chize alakenyene tushakulu twenu.

Shimbi 7:21

Kashika kanda nuvwila atu wano woma. Mwene Zambi, Zambi yenu, kali hamwe ni yenu, kali Zambi munene, kola woma.

Shimbi 7:9

Kashika iwulukenu ngwenu, Mwene Zambi, Zambi yenu, kali Zambi wika, kali mukwa kushishika. Kumakafunga Usendo wenyi uze akolesele ni Aisraele ni kulweza zango lienyi kuli tununu twa yisemuko a kuli waze akumuzanga ni akufunga Shimbi jenyi.