Nehemia 1:3 - Mukanda Wa Zambi 1970

³ Yaangulweza ngwo: “Masalila waze atuhukile mu undungo kaakumona lamba linji, yilambala waze akutwama hakachi ko kaakwasaula. Chikwo nawa, chipanga cha mawe cha Yerusaleme hichinabuzuka ni ye yajilo yacho hiyinaweme.”

MUKANDA USANDU WA ZAMBI 1975

³ Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Nehemia 1:3 Iomraidhean Croise

1 Yitanga Ya Mianangana 9:7

mba mungukanuhuma ku chifuchi chize nanuhele, ni zuwo lino hinakunjika kubwa muma mwa kunguwayila mungukaliehuka. Mba atu a kuma kweswe maakakekuna Aisraele, ni kwalelesa.

1 MIANANGANA 25:10

Tujita twenyi yaabuzula yipanga ya lie limbo.

2 Sango Ja Mianangana 36:19

Yocha zuwo lia Zambi ni lie limbo, ni mazuwo eswe ja mwanangana ni we ubite wamo, yabuzwola chipanga cha limbo.

Ezra 2:1

Atu anji waze abwile mu undungo mu chifuchi cha Babilone yaahiluka ku limbo lia Yerusaleme ni mu membo a mu Yuda, mutu mweswe ku limbo lienyi. Akwa majiko jo te kaatwama mu undungo ku Babilonia chize kuze mwanangana Nebukanezore waatwalile funge.

Ezra 5:8

“Mwanangana, tunanunyingikisa ngwetu, yetu tunakaya ku chifuchi cha Yuda, yituwana, kuma zuwo lia Zambi munene kaanalitungulula ni mawe anene ni mitondo ya kukolesa nayo mambango. Milimo kaanayilingi ni utotombo Wahiana, yinayi kulutwe nikawashi.

Nehemia 11:3

Mu membo akwo ni yihunda yikwo Aisraele ni mahako, ni Alevi, ni akwa milimo a ku zuwo lia Zambi, ni vungu lia tuvumbi twa Solomone yaatwama mu yihinga ni mu yihunda yo ene. Wano kaali majina ja atu alemu a mu chifuchi cha Yuda waze atwamine mu Yerusaleme.

Nehemia 2:13

Te kuchili ufuku muze natuhukile mu limbo ku chikolo cha chikulo ku chitokelo. Yinguya ku sude nikubalika shima lia Dragone ndoo ku chikolo cha Pinga. Muze te ngunayi yingutala chipanga cha limbo chize hichabuzuka ni ye yajilo yize yawemene.

Nehemia 2:17

Alioze mba yingwalweza ngwami: “Achinyongenu lamba libwa haha, mumu Yerusaleme hanabuzuka, ni yajilo yenyi hiyinaweme, tuyenu tutungulule chipanga cha Yerusaleme, kanda twivwa nawa sonyi.”

Nehemia 2:3

Yingukumbulula ngwami: “Vuliemwanangana! Ngwe kuchi chichi kwivwa chinyengo nyi limbo liami, kuze afunjile tushakulu twami, haalibuzula ni ye yajilo yalio haayocha yeswe upu?”

Nehemia 7:6

Anji waze abwile mu undungo yaakatuka mu chifuchi cha Babilonia, kuze aatwalile kuli mwanangana Nebukanezore, yaahiluka ku limbo lia Yerusaleme ni ku chifuchi cha Yuda, mutu mweswe ku limbo lienyi.

Estere 1:1

Mwanangana Ahashueru, ku Shushane, limbo lia wanangana mu chifuchi cha Persia, te kakuyula yifuchi 127, chize ku chifuchi cha India ndoo ni ku chifuchi cha Sudane.

Miaso (Masamu) 79:4

Mavungu waze anatujingilika, kaakutukekuna, kaakutuyenga.

Yishima 25:28

Nyi kuwahashile kulihumikiza mu ufwatulo we, yena uli ngwe limbo lize kulishi chipanga, chili chashi kulikumba.

Izaya 43:28

Akwa kuyula jenu yaajikila muma liami mwa chijila. Kashika nakunjikile Aisraele hanga oonone; natayijile atu jami kwasaula kuli akwa kole jo.”

Izaya 5:5

“Mungunulweza chize mungulinga munda wami wa vinyu. Munguchiza ko mitondo ya mingonga yize yajingilika we munda; mungubuzula chipanga chawo hanga auliateliate.

Jeremia 24:9

Mungwakokela lamba linji, mba mavungu eswe a hano hashi meevwa mwongo. Kumaakekuna, ni kwachoka ni kwalelesa, ni kwalumuna jina kubwa lia Shingo kweswako mungwamwangina.

Jeremia 29:18

Mungwakaula ni jita, ni zala, ni musongo. Mba mavungu eswe a hano hashi maakevwa mwongo ha chize maakamona. Kweswako namwanganyine, atu kumaakalishimwoka ni mwongo ha yuma yize hiyabwa hali ayo. Atu kumaakaakekuna ni kwalumuna jina lio kubwa Shingo.

Jeremia 39:8

Muze akwa Babilonia hoocha zuwo lia mwanangana ni mazuwo eswe ja atu, yaabuzula yipanga ya Yerusaleme.

Jeremia 42:18

“Mwene Zambi, Zambi ya Israele, kanambe ngwenyi: ‘Ngwe chize nevwilile akwa Yerusaleme ufwatulo ni utenu, Chenacho nawa mungunuvwila yenu nyi nwaya ku Egiptu. Munukevwa mwongo; atu maakanulelesa, maakashingana ni jina lienu. Chifuchi chino kunuchi kachimona nawa.’ ”

Jeremia 5:10

Mungutuma akwa kole akapakule mitondo ya vinyu ya atu jami, hindu kwoonona liakulu ka. Mungukaalweza akasalule mitondo yayo, mumu hi mitango ya yami ko.

Jeremia 52:14

tujita twenyi yaabuzwola yipanga ya lie limbo.

Lungungu 1:7

Ha matangwa wano a lamba lienyi, Yerusaleme kanewuluka uhenya wenyi utangu. Muze aholokela mu moko ja akwa kole, kukwabwile ko niumwe wakumukwasa; waze amukumbile yaamuseha ha kulimbuka chenyi.

Lungungu 2:9

Yajilo hiyanjila hashi, ni ye yikungo yayo hiyabatwoka. Mwanangana ni e alemu haliabwila kaali mu undungo. Hikeeshi kulongesa nawa Shimbi; akwa munanyi keeshi nawa ni Usolwelo wa kuli Mwene Zambi.

Lungungu 3:61

“Aa Mwene Zambi; hiwevwa chize ananguchoko, unanyingika punga jo jeswe.

Lungungu 5:1

Aa Mwene Zambi, iwuluka kama yuma yize yabwa hali yetu. Tutale kama, umone chize akutuvwisa sonyi.

Alevi 26:31

mungukapwisa membo jenu ahululu, ni kwonona yilumbilo yenu. Mungukalituna milambu yenu.

Alevi 26:33

Mungukanukokela jita, ni kunumwangina mu yifuchi ya yilambala. Chifuchi chenu muchikabwa puya, ni membo jenu maakalumuka yikulu.