Nehemia 1:2 - Mukanda Wa Zambi 1970

² Umwe mukwetu Hanani yakatuka ku chifuchi cha Yuda hamwe ni mbunga ya malunga akwo, yaanguheta. Mba yingwahula sango ja limbo lia Yerusaleme ni usoko wetu Ayuda waze atuhukile mu undungo nikuhiluka nawa ku Yerusaleme.

MUKANDA USANDU WA ZAMBI 1975

² umwe mukwetu Hanani wejile ni amwe akwo a ku Yunda. Naahulile ha kutwala kuli A-Yunda waze apulukile, asalile kuli akwa unjize, ni ha kutwala ku Yerusaleme.

Nehemia 1:2 Iomraidhean Croise

Ubutukilo 14:10

Mu chikulo chize cha Sidime mwabwile mena anji. Mena waze atu afulile ha kwanda usolososhi. Mba mianangana a membo ja Sodome ni Gomora yaaholokela mo muze te anachina jita. Waze asalile yaachinyina ku milundu.

1 MIANANGANA 24:14

Nebukanezore yatwala akwa Yerusaleme funge, akwa wanangana eswe, ni atu alemu eswe, kwoka cho te 10,000. Yatwala nawa akwa milimo eswe a mana, ni e fuli. Yahichika lume yiswale mu Yuda.

1 MIANANGANA 25:12

Alioze mu Yuda yahichika mo amwe yiswale waze te keeshi ni yuma ya ayo ene, yaaha milimo ya kulima minda ya vinyu ni ya mbuto.

Ezra 9:14

Ngwe kuchi mututangula Shimbi je nawa ni kulimbata ni yingulungulu waze? Nyi twachilinga yena muututenukina ni kutunongesa liakulu, kuuchi kuhichika umwe ni mwono.

Nehemia 7:2

Yingusa malunga aali ayule limbo lia Yerusaleme: mwanakwetu Hanani ni Hanania, mwata wa tujita a lie limbo, te mukwa ululi, kakuvwila Zambi woma kuhiana atu akwo.

Jeremia 44:14

Niumwe wa kuli Ayuda waze haasala ni waze heeza ni kutwama mu Egiptu makasala ni mwono. Niumwe wa kuli ayo makahiluka ku chifuchi cha Yuda, ngwe chize ananyongo shina amwe waze makachina.”

Ezekiel 6:9

Kwenako maakabwa mu undungo. Mba maakewuluka ngwo, yami naamwesa lamba ni kwakolesa sonyi, mumu haanangwehuka ni mbunge jo jikalu. Yazanga mahamba kuhiana yami. Maakalivutwokela ha ungulungulu wo ni yibi yo yeswe yize haanalingi.

Ezekiel 7:16

Amwe maachinyina ku milundu ngwe membe waze anevu woma a mu yikulo. Eswe maatwa mikuma mumu ha milonga yo.