Nehemia 1:11 - Mukanda Wa Zambi 1970

¹¹ Haliabwila banjika kama kulemba chami ni cha tuvumbi twe akwo waze anazange kukulemesa. Musono nguwahise kama yami kavumbi ke, hanga mwanangana anguvwile kama keke.” Ha matangwa waze nabwile ni kutwalila mwanangana vinyu.

MUKANDA USANDU WA ZAMBI 1975

¹¹ Mwene, ngunalembe, twitwi lie Ukapanjike ku kulemba cha yami kavumbi ke ni ku kulemba cha tuvumbi twe waze akwivwa chiseke ha kulemesa jina lie. Wahisa kama yami kavumbi ke musono, ngunalembe, ukangwehe keke kumeso ja yono lunga. Mumu napwile mukwa kuhana musenge kuli mwanangana.

Nehemia 1:11 Iomraidhean Croise

Ubutukilo 24:42

“Musono, muze naheta ku shima lia meya, nalembanga Zambi ngwami: ‘Aa Mwene Zambi, Zambi ya mwata wami Abrahama, nalemba ngukwase kama ku chize ngunambe kulinga.

Ubutukilo 32:11

Nalemba ngulamwine kama ku moko ja yaya Esau. Ngunevu woma, hanji meza ni kungububa ni mapwo hamwe ni ana.

Ubutukilo 32:28

Mutu yoze ngwenyi: “Jina lie kulichi kubwa nawa Yakoba, mumu hiwalitachika ni Zambi ni atu, hiwakumba. Kashika maakuvuluka ngwo, Israele.”

Ubutukilo 40:1

Limwe tangwa mwata wa akwa kukela vinyu ni mwata wa akwa kwocha mbolo ya mwanangana wa mu chifuchi cha Egiptu, yaamuvulumuna.

Ubutukilo 40:2

Mwe mwanangana yaavutwokela,

Ubutukilo 40:21

Mba yahilwisa mwata wa akwa kukela vinyu ku mulimo wenyi utangu,

Ubutukilo 40:23

Alioze mwe mwata wa akwa kukela vinyu kewulukile ko Josefe, yamuvulama lume.

Ubutukilo 41:9

Mba mwata wa akwa kukela vinyu yalweza mwanangana ngwenyi: “Vulie mwanangana! Musono Changutamba kutayiza yibi yize nalingile.

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

2 Sango Ja Mianangana 6:40

“Aa Zambi yami, haliabwila, tutale kama, ubanjike ku kulemba chetu muma muno.

Ezra 1:1

Ha mwaka utangu wa kuyula cha Siruse mwanangana wa chifuchi cha Persia, Mwene Zambi yamanununa maliji waze ambilile mukwa munanyi Jeremia akalweze atu; yanyongesa Siruse ahane Shimbi ni kuyisoneka, ni kutwa mutambi mu chifuchi chenyi cheswe ngwenyi:

Ezra 7:6

Ezra te kali longeshi wa mana, yanyingika kanawa Shimbi jize Mwene Zambi, Zambi ya Aisraele ahanyine kuli kavumbi kenyi Mose. Mwanangana wa Persia yamwaha yuma yeswe yize echile, mumu Mwene Zambi, Zambi yenyi, wabwile hamwe nenyi. Ha mwaka wa muchishimbiali wa kuyula cha mwanangana Artasherke, Ezra yatuhuka mu chifuchi cha Babilone ni kuya ku limbo lia Yerusaleme hamwe ni mbunga ya Aisraele: mahako, ni Alevi, ni njimba ni tufunga twa zuwo lia Zambi, ni akwa milimo.

Nehemia 1:6

Mwene Zambi ngutale kama, ubanjike kama kulemba chami muze ngunalembela tuvumbi twe Aisraele mwalwa ni ufuku. Ngunanyingika ngwami, yetu Aisraele hitwavulumuna. Tushakulu twami ni yami hitwavulumuna.

Nehemia 2:1

Ha kakweji wa Nisane ha mwaka wa makumi aali wa kuyula cha mwanangana Artasherke, ha shimbu lize te akunwa vinyu, yami yingumutwalila lio. Nilimwe tangwa te kanda nguchisoloka kama ni chinyengo ku meso jenyi.

Nehemia 2:8

Yingumuhula nawa mukanda wa kuhana kuli Asafe, kafunga ka usaki wa wanangana, hanga angwehe mitondo mumu ha yajilo ya chipanga cha zuwo lia Zambi, ni chipanga cha limbo, ni zuwo lize te mungutwama. Mwanangana yangwaha yeswe yize namwichile, mumu Zambi wabwile hamwe ni yami.

Miaso (Masamu) 106:46

Yashinjika akwa kwabinjisa hanga eevwile keke.

Miaso (Masamu) 130:2

Aa Mwene Zambi, banjika kama kuteta chami, banjika kama kuliumba chami, ungukwase!

Miaso (Masamu) 61:5

Aa Zambi, hiunevu chize nalakenyene, hiwangwaha chifuchi cha atu waze akukuvwila woma.

Miaso (Masamu) 86:6

Mwene Zambi banjika kama ku kulemba chami, wivwe kama kuteta chami ungukwase.

Yishima 1:29

Yenu kunwazangile ko yinyingi nichimwe, matangwa eswe yinulituna kwononokena Mwene Zambi.

Yishima 21:1

Chili chashi kuli Mwene Zambi kuyula mbunge ya mwanangana, chili chashi kuli iye kusongwela yitwetwe ya meya.

Jeremia 42:12

Yami nguli mukwa keke, kashika mungumupwisa mukwa keke hanga anweche nuhiluke ku chifuchi chenu. Yami, Mwene Zambi, nachamba.’

Malaki 3:16

Hohene atu waze te akuvwila Mwene Zambi woma yaalihanjikisa. Mwene Zambi neye yabanjika ku yize anambe. Ku meso jenyi yasoneka majina ja atu waze te akumuvwila woma ni kumulemesa.

Hebreu 13:18

Nyongononenu ni kutulembela Zambi. Tunanyingika kanawa ngwetu, tuli ni manyonga waze keeshi uhiso, mumu tunazange kulinga kanawa matangwa eswe.