Mateu 9:2 - Mukanda Wa Zambi 1970

² Kuma amwe yaamunehena mukwa kalepa, te kanabombo ha muhela. Muze hamona ufulielo wo, Yesu yambila mukwa kalepa ngwenyi: “Mwanami, hamuka, milonga ye hiyakonekenewa.”

MUKANDA USANDU WA ZAMBI 1975

² Kumanyi, anehene kuli iye mukwa kalepa, kanapombo ha muhela: Yesu ha kumona Ufulielo wo, wambile kuli mukwa kalepa ngwenyi, Mwanami, hamuka; kakukonekena milonga ye.

Mateu 9:2 Iomraidhean Croise

Longeshi 9:7

Likoleleze ulie yakulia ye, awahilile; nwako vinyu ye ni kuwahilila. Yino yeswe yinawaha ku meso ja Zambi.

Izaya 44:22

Utanguko we hingunautangumuna ngwe lelwa. Milonga ye hingunayitandulula ngwe mbundu. Hiluka kuli yami mumu yami nakukulile.”

Mateu 14:27

Hazehene Yesu yahanjika no ngwenyi: “Hamukenu! Yami mwene, kanda nwivwa woma!”

Mateu 4:24

Lufuma wenyi yafumana mu chifuchi cheswe cha Siria. Kashika, yaamunehena eswe waze ayijile misongo yeka ni yeka, ni waze amwene lamba lieka ni lieka, ni waze abwile ni mwiku wa luchisa, ni akwa chikonya, ni akwa kusosewa. Yesu yaawuka eswe.

Mateu 6:12

Tukonekene kama milonga yetu, ngwe chize yetu twakukonekena waze haanatulingi yibi.

Mateu 8:10

Ha kwivwa maliji wano, Yesu yalishimwoka, yambila waze te anamukaula ngwenyi: “Chamwenemwene ngunanwambe ngwami, kanda ngumono kama ufulielo ubwa haha, chibwe mu Israele ka.

Mateu 8:16

Muze te tangwa hiliatoka kulu, atu yaanehena Yesu mieji anji waze te akwete miku yibi. Yesu yatuhwisa miku yize yibi ni liji lienyi, yawuka mieji eswe.

Mateu 9:22

Yesu yatewuluka, yamumona, yamba ngwenyi: “Mwanami, hamuka! Ufulielo we hiwakuwuka.” Shimbu lizeliene mwe pwo yahinduka.

Mateu 9:5

Chashi chika, shina kwamba ngwami: ‘Milonga ye hiyakonekenewa,’ hanji kwamba ngwami: ‘Katuka, wende’?

Mateu 9:6

Alioze ngunazange nunyingike ngwenu, Mwana Mutu chiyulo akwete hano hashi cha kukonekena milonga.” Mba yambila mukwa kalepa ngwenyi: “Katuka, anda muhela we, yako ku mahie!”

Marku 1:32

Chingoloshi, muze tangwa hilianjila kulu, atu yaamunehena mieji eswe ni akwa mwiku wa luchisa.

Marku 10:49

Yesu yamana, yamba ngwenyi: “Mutambikenu.” No yaatambika mwe kapuputa ngwo: “Hamuka, katuka, kanakutambika.”

Marku 5:34

Yesu yamwamba ngwenyi: “Mwanami, ufulielo we hiwakuwuka. Yako kwe ni uhwimino. Musongo we uhwe lume.”

Marku 6:50

mumu eswe yeevwa woma muze te anamumono. Alioze hazehene Yesu yaamba ngwenyi: “Hamukenu! Yami mwene. Kanda nwivwa woma!”

Yoano 16:33

Hinanulweza yuma yino yeswe hanga nukabwe ni uhwimino ha kulinunga ni yami. Munukabwa ni lamba linji hano hashi, alioze hamukenu, hingunakumbu hashi.”

Yoano 2:25

Te kafupile niumwe kumulweza ndako ja atu, mumu yanyingika kanawa yize yili mu mbunge ja atu.

Yoano 21:5

Yesu yaahula ngwenyi: “Yenu akweze, kunushi nichimwe cha kwelela nacho, nyi?” Ayo ngwo: “Ewa.”

Yilinga 14:9

Yabanjika yize ahanjekele Paulu. Mwenawo yamuhulikila meso nee. Paulu yamumona ngwe kali ni ufulielo wa kubwa mungunu,

Yilinga 19:12

Atu yaanehena mieji mahina ni yitambala ya ku mujimba wa Paulu, mba mieji yaahindwoka, ni mwiku ubi yiutuhwoka.

Yilinga 23:11

Ha ufuku uze, Mwene Yesu yamana hehi ni Paulu, yamba ngwenyi: “Hamuka lume! Hiwangushindakenyena muno mu Yerusaleme. Chizechene nawa Chakutamba kushindakenya ku Roma.”

A-ROMA 5:11

Chikwo nawa, tunawahilila ha kuliendela ni Zambi mumu Mwene wetu Yesu Kristu hatuwanyisa nenyi.

Tiangu (Jake) 2:18

Alioze, nyi umwe mamba ngwenyi: “Yena ufulielo uli nawo, ni yami nguli ni yitanga yibema,” mungukumbulula ngwami: “Ngulweze chize ufulielo we muuhasa kubwa, nyi kuushi yitanga yibema, ni yami mungukulweza ufulielo wami ku yitanga yami yibema.”