Mateu 8:8 - Mukanda Wa Zambi 1970

⁸ Alioze mwe mwata yamukumbulula ngwenyi: “Mwene, yami chatelele nichimwe yena unjile mu zuwo liami, alioze amba liji wika mba kavumbi kami kumahinduka.

MUKANDA USANDU WA ZAMBI 1975

⁸ Kapitau wamukumbulwile ngwenyi, Mwene, yami chatelele unjile mu zuwo liami; alioze amba kama liji wika, ni mukweze wami kumahinduka.

Mateu 8:8 Iomraidhean Croise

Ubutukilo 32:10

Yami, kavumbi ke, ha kumona chize wangulwezele zango, ni chize wamanunwine yilakenyo yeswe yize wangulakenyene, kuyangutelele nihakepe. Nazaukile lwiji wa Yordau, te Chishi nichimwe ku moko, shina lukanda wami wika. Alioze haliabwila ngunahiluka ni mbunga jaali.

Miaso (Masamu) 10:17

Aa Mwene Zambi, muubanjika ku kuliumba cha alelu; yena muwaatakamisa.

Miaso (Masamu) 107:20

Yaawuka ni liji lienyi, yaalamwina ku kufwa.

Miaso (Masamu) 33:9

Mwene Zambi yamba ngwenyi: “Hashi ni yuma yaho yibwe.” Neyo yiibwa.

Kwalula 20:8

“Anda lukanda, yena ni Arone kungululenu akwa Chikungulwila eswe. Hanjika ku liwe lize lili ku meso jo, mba meya maatuhuka. Chenacho munubwa ni meya akuhana kuli atu, ni yimuna yo.”

Mateu 3:11

Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Mateu 3:14

Yoano yamukanda ngwenyi: “Chatamba yena ungupapachise yami, kuchi uneza kuli yami?”

Mateu 8:3

Yesu yolola kwoko, yamukwata nikwamba ngwenyi: “Ngunazange, bwako mubema!” Hazehene mwe mutu yabema ku musongo wenyi.

Mateu 8:7

Yesu yamwamba ngwenyi: “Nguneza ngumuwuke.”

Mateu 8:9

Yami mwene nguli mu chiyulo cha miata jami, ni tujita nguli no mu chiyulo chami. Mungwambila umuwika ngwami: ‘Yako!’ mba maya; ni mukwo ngwami: ‘Tweya!’ mba meza. Mungwambila kavumbi kami ngwami: ‘Linga chino!’ mba machilinga.”

Luka 15:19

Chatelele unguvuluke nawa ngwe mwane. Ngupwise kama ngwe umwe wa kuli ngamba je.’

Luka 15:21

Mwe mwana yamwamba ngwenyi: ‘Tata, hingunavulumuna kuli Zambi ni kuli yena. Chatelele nawa kunguvuluka ngwe mwane.’

Luka 5:8

Ha kuchimona, Simone Petulu yafulamana ku molu ja Yesu nikwamba ngwenyi; “Mwene ngukatuke mumu nguli Chivulumunyi!”

Yoano 1:27

Kaneza kunyima liami, alioze yami chatelele nichimwe kujitula sapato jenyi.”