Mateu 8:4 - Mukanda Wa Zambi 1970

⁴ Mba Yesu yamwamba ngwenyi: “Unevu? Kanda ukambulwila mutu niumwe. Alioze yako ukaliweze kuli hako wa Zambi. Mba lambula mulambu uze ambile Mose, ni kulweza eswe ngwe, hiwabema.”

MUKANDA USANDU WA ZAMBI 1975

⁴ Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Mateu 8:4 Iomraidhean Croise

Izaya 42:21

Mwene Zambi kanazange kulamwina, kashika yalemesa Shimbi jenyi ni longeso lienyi, yazanga atu jenyi ajilemese.

Alevi 13:49

nyi muyisoloka ngwe meya a matamba hanji yichinuka, kuyili mbundu yize yinatande, chatamba kumulweza cho hako.

Mateu 10:18

Maakanukunjika ku meso ja akwa lutwe ni mianangana mumu hali yami, ha kwashindakenya Sango Jibema ni waze hi Ayuda ko.

Mateu 16:20

Mba Yesu yaha tumbaji twenyi koki ngwenyi, kanda ambulwila mutu niumwe ngwo: iye mwe Chilamwina yoze Zambi alakenyene.

Mateu 17:9

Muze te anapalumuka ha mulundu, Yesu yaaha koki ngwenyi: “Kanda nwambulwila niumwe yize hinwamona ndoo Zambi makahindwisa Mwana Mutu ku kufwa.”

Mateu 3:15

Alioze Yesu ngwenyi: “Chitayize haliabwila. Mumu Chenacho chatutamba kumanununa ululi weswe.” Mba Yoano yamutayiza.

Mateu 5:17

“Kanda nunyonga ngwenu, hinguneza ni kwonona Shimbi ja Mose chibwe longeso lia akwa munanyi a Zambi. Chejile ni kujonona, alioze ni kujimanununa.

Mateu 6:1

“Kanyamenu, kanda nulinga yitanga yenu ya ululi ni mazangi ku meso ja atu. Nyi ka, kunuchi katambula nichimwe kuli Tatenu a mwilu.

Mateu 9:30

Meso jo yaalaula. Yesu yaaha koki chikolo ngwenyi: “Mutu niumwe kanda achinyingika!”

Marku 13:9

“Alioze kanyamenu yenwene, mumu atu maakanukunjika ku Mbunga ya Ngaji ja Ayuda, maakanulamba mu mazuwo a kuwayila ja Ayuda. Munukamana ku meso ja akwa kuyula ni ku meso ja mianangana, mumu hali yami, ha kushindakenya Sango Jibema.

Marku 3:12

Alioze Yesu yawaha koki chikolo ngwenyi: “Kanda ungusolola.”

Marku 5:43

Yesu yaaha koki chikolo ngwenyi: “Mutu niumwe kanda akachinyingika.” Mba yamba ngwenyi: “Mwehenu Chuma cha kulia.”

Marku 6:11

Nyi atu a kuma kuze keechi kanatambula hanji kunwivwa, katukenu ko ni kukukumuna fufuta ya ku molu jenu ha kwatoweza.”

Marku 7:36

Yesu yaaha koki chikolo ngwenyi: “Kanda nwambulwila niumwe.” Alioze chibwe waahele koki chikolo, hindu yaachinyingikisa kuhiana.

Marku 8:30

Yesu yaaha koki ngwenyi: “Kanda nwambulwila niumwe hakutwala kuli yami.”

Marku 9:9

Muze te anapalumuka ha mulundu, Yesu yaaha koki ngwenyi: “Kanda mwambulwila niumwe yize hinwamona ndoo Mwana Mutu makahinduka ku kufwa.”

Luka 17:14

Yesu yaamona, yaamba ngwenyi: “Yeenu nulilweze kuli mahako a Zambi.” Shimbu lize te anayi, yaabema.

Luka 21:13

Muchikabwa tangwa lienu lia shindakenyo ha chikuma cha yami.

Luka 4:41

Mwiku wa luchisa yiutuhwoka muli mieji anji ni kukololoka ngwo: “Mwe Mwana Zambi yena!” Alioze Yese yaukanjisa, yawaha koki, mumu yiunyingika ngwo kali Chilamwina yoze Zambi alakenyene.

Luka 5:14

Yesu yamwaha koki ngwenyi: “Kanda ukambulwila niumwe. Alioze yako ukalilweze kuli hako wa Zambi. Mba ukalambule mulambu uze ambile Mose wa kulweza eswe ngwe, hiwabema.”

Luka 8:56

Yisemi jenyi yaalishimwoka kuhiana, alioze Yesu yaaha koki ngwenyi: “Kanda nwambulwila niumwe.”

Luka 9:21

Yesu yaaha koki chikolo ngwenyi: “Kanda nwambulwila niumwe.”

Yoano 5:41

“Chishi kufupa lufuma wa atu,

Yoano 7:18

Mutu yoze wakuhanjika mu chiyulo chenyi mwene, kakufupa lufuma wenyi mwene. Alioze yoze Wakufupa lifuma wa yoze wamutumine, kakuhanjika umwenemwene, keshi kaliongelo.

Yoano 8:50

Chishi kufupa ulemu wa yami mwene. Kwali yoze wakungufupila wo, neye kakubatula kanawa.