Mateu 7:6 - Mukanda Wa Zambi 1970

⁶ “Kanda nuhana yize ya chijila kuli tuwa. Nyi ka, maanutewulukila, maanuzamwona ni mazo. Kanda numbila kakanga kenu ku meso ja ngulu. Nyi ka, maakaliata.”

MUKANDA USANDU WA ZAMBI 1975

⁶ Kanda nuhana yuma yisandu kuli tuwa, chipwe kanda numbila kakanga kenu kumeso ja ngulu kuchina hanji mamuliata ni sende jo, mba matewuluka anupapulule.

Mateu 7:6 Iomraidhean Croise

Yishima 11:22

Pwo mubema ku meso, yoze keshi mana, kali ngwe kazeya ka oru ku muhombo wa ngulu.

Yishima 23:9

Kanda weseka kuhanjika maliji a mana kuli chihepuke, keshi kwalula ngwe Chuma.

Yishima 26:11

Chihepuke yoze unalingi Chuma cha uhepuke chisuho cha muchaali, kali ngwe kawa yoze unahiluka ku yisajilo yenyi.

Yishima 26:4

Nyi muukumbulula ku chihula cha uhepuke, yena muulifwa ni chihepuke wachihulanga.

Mateu 15:26

Yesu ngwenyi: “Kuchalitele kwanda yakulia ya ana ni kuyimbilila tuwa.”

Mateu 24:10

Ha matangwa waze, anji maakalikala ufulielo wo, maakalikunjika amwe ni akwo, maakalivutwokela amwe ni akwo.

Mateu 7:5

Chilembekese! Chiza hatangu mukambo mu liso lie, mba muumona zwalala ha kuchiza koma mu liso lia mukwenu.

2 Korintu 11:26

Muze te nakwendangana, nabwile mu utoji ha kuzala cha njiji, ni utoji wa akwetu jami Ayuda ni wa yilambala. Nabwile ni utoji mukachi ka membo ni wa mu puya, ni utoji wa tulanga lwiji, ni utoji wa akwetu akwo akwa mahuza.

Filipu 3:2

Keyelenu atu waze ali ngwe tuwa, waze akulinga yibi. Waze akulilemeka ku mijimba.

Hebreu 10:29

Mutu yoze wakulelesa Mwana Zambi ni kupwisa manyinga a Usendo wa Zambi aze amubemesene ngwe Chuma chamokomoko, ni kushililika Mwiku wa Linanga wa utu, Zambi kuchi makamulinga? Nyingikenu ngwenu, makamumwesa lamba liahiana.

Hebreu 6:6

mba yaapianguka! Keechi kuhasa kwahilwisa nawa hanga alumuke ku mbunge. Mumu yuma yize akulinga yili ngwe kuhata Mwana Zambi ha kulusu chisuho cha muchaali, ni kumukolesa sonyi ku meso ja atu.

2 Petulu 2:22

Chize hichinaawane chinalweze umwenemwene wa chishima ngwo: “Kawa kakuhiluka ku yisaza yenyi,” ni ngwo: “Ngulu wakusanyisa kakuhiluka nawa ni kusandumioka mu malowa.”

Usolwelo 22:15

Alioze waze akulinga yuma ya sonyi, ni akwa kupanda wanga, ni yitanji, ni akwa kushiha atu ni akwa kukombelela mahamba, ni akwa mahuza mu maliji ni mu yitanga, ayo eswe keechi kabwa mu limbo lize, alioze haze!