Mateu 7:5 - Mukanda Wa Zambi 1970

⁵ Chilembekese! Chiza hatangu mukambo mu liso lie, mba muumona zwalala ha kuchiza koma mu liso lia mukwenu.

MUKANDA USANDU WA ZAMBI 1975

⁵ Chilembese, Uliange kuchiza mukambo mu liso lie; mba mumona kanawa kuchiza koma mu liso lia mukwenu.

Mateu 7:5 Iomraidhean Croise

Mateu 22:18

Alioze Yesu yanyingika manyonga jo abi, yaamba ngwenyi: “Yenu yilembekese! Kuchi kevwe nunangweseka?

Mateu 7:3

Kuchi unatale koma kaze kali mu liso lia mukwenu, alioze kuushi kwalula mukambo uze uli mu liso lie?

Mateu 7:4

Ngwe kuchi muuhasa kwambila mukwenu ngwe: ‘Ngweche nguchize koma mu liso lie,’ alioze yena mwene uli ni mukambo mu liso lie?

Mateu 7:6

“Kanda nuhana yize ya chijila kuli tuwa. Nyi ka, maanutewulukila, maanuzamwona ni mazo. Kanda numbila kakanga kenu ku meso ja ngulu. Nyi ka, maakaliata.”

Luka 12:56

Yilembekese! Nunahase kulumbununa kusoloka cha yuma ya mwilu ni hashi. Alioze kuchi kevwe kunwahashile kulumbununa yuma ya mwakono!”

Luka 13:15

Mwene yamukumbulula ngwenyi: “Mhmm! Yenu yilembekese! Mutu mweswe hakachi kenu kakujitula ngombe yenyi hanji chimbulu chenyi ku chililo nikumutwala ku meya ha tangwa lia kuhwima, hi chocho ko?

Luka 4:23

Yesu ngwenyi: “Chamwenemwene munungutela chishima chino ngwenu: ‘Mbuki, liwuke yena mwene.’ Munungwamba nawa ngwenu: ‘Linga nawa chizechene kuno ku limbo lie chize twevwile ngwo, walingile ku Kafarnaume.’ ”

Luka 6:42

Ngwe kuchi muuhasa kwambila mukwenu ngwe: ‘Mukwetu, ngutayize nguchize kachiba mu liso lie,’ alioze kuushi kumona mukambo uze uli mu liso lia yena mwene? Chilembekese! Hatangu chiza mukambo uze uli mu liso lie, mba muumona zwalala ha kuchiza kachiba mu liso lia mukwenu.”

Yilinga 19:15

We mwiku ubi yiukumbulula ngwenyi: “Yesu namunyingika, ni hingunevu hakutwala kuli Paulu, alioze yenu nuli aya?”