Mateu 7:4 - Mukanda Wa Zambi 1970

⁴ Ngwe kuchi muuhasa kwambila mukwenu ngwe: ‘Ngweche nguchize koma mu liso lie,’ alioze yena mwene uli ni mukambo mu liso lie?

MUKANDA USANDU WA ZAMBI 1975

⁴ Hanji ngwe kuchi muwamba kuli mukwenu ngwe, Ngutayize, nguchize koma mu liso lie; kumanyi, mukambo uli mu liso lia yena mwene?

Mateu 7:4 Iomraidhean Croise

Yishima 26:7

Ngwe chize molu jenyi keeshi kukwasa Chilema, Chenacho yishima kuyahashile kukwasa chihepuke.

Mateu 23:24

Yenu tetekeli tupuputa! Nwakusaala kunwa chenu ni kuchiza mo kamwe, alioze nwakumina kashitu munene kamelu!

Mateu 7:3

Kuchi unatale koma kaze kali mu liso lia mukwenu, alioze kuushi kwalula mukambo uze uli mu liso lie?

Mateu 7:5

Chilembekese! Chiza hatangu mukambo mu liso lie, mba muumona zwalala ha kuchiza koma mu liso lia mukwenu.

Luka 6:42

Ngwe kuchi muuhasa kwambila mukwenu ngwe: ‘Mukwetu, ngutayize nguchize kachiba mu liso lie,’ alioze kuushi kumona mukambo uze uli mu liso lia yena mwene? Chilembekese! Hatangu chiza mukambo uze uli mu liso lie, mba muumona zwalala ha kuchiza kachiba mu liso lia mukwenu.”