Mateu 7:2 - Mukanda Wa Zambi 1970

² Mumu Zambi makanuhisa nikulita ni chize nwakuhasa akwenu. Makanwesekela yeseko yize nunesekela akwenu.

MUKANDA USANDU WA ZAMBI 1975

² Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

Mateu 7:2 Iomraidhean Croise

2 Samuel 21:5

No yaakumbulula ngwo: “Vulie mwanangana! Mwanangana Saulu wazangile kutwonona yetu eswe mu Israele, kuhichika ho niumwe ni mwono ka.

Miaso (Masamu) 109:17

Te kakushingana, neye amushinge kama! Te keshi kuzanga kuwahisa atu, neye kanda amuwahisa kama!

Kutuhuka 21:24

liso ni liso, lizo ni lizo, kwoko ni kwoko, kulu ni kulu,

Izaya 33:1

Akwa kole jetu lamba lio! Haanabubu yuma ya atu, haanakunjika akwo ni mafwefwe, chibwe niumwe kabubile yuma yo ni kaakunjikile ni mafwefwe. Alioze tangwa lio lia kububa ni kuhanjika mafwefwe mulikasula, ayo ene maakabwa akwa yitela ni no maakaabuba kuli atu akwo, maakaakunjika ni mafwefwe.

Jeremia 34:17

Kashika haliabwila, yami Mwene Zambi ngunanwambe ngwami, hinwangukolema. Kunwatuswile ko usoko wenu Aisraele. Nyi Chenacho, mba yami mungukanutusula: utuswilo wa kufwila mu jita, ni wa kufwa ni misongo, ni zala. Mavungu eswe a hashi mungukeevwisa mwongo ha yize mungukanulinga.

Jeremia 51:24

Mwene Zambi kanambe ngwenyi: “Kumunumona chize mungufwetesa Babilonia ni atu jenyi mumu ha ungulungulu weswe uze haanalingi mu limbo lia Zione.

Obadia 1:15

Mwene Zambi kanambe ngwenyi: “Tangwa hiliakundama, mungubatwila mavungu eswe. Yenu Aedome, yize nwalingile akwenu, ni yenu maanulinga yo. Maanuhilwishila yize nwahanyine.

Mateu 6:14

“Mumu, nyi munukonekena atu milonga yo, tatenu wa mwilu neye manukonekena.

Marku 4:24

Neye yaambila nawa ngwenyi: “Kanyamenu ku yuma yize nwakwivwa. Yeseko yize nwakwesekela akwenu, Zambi makanwesekela yo kumakanuwezela yikwo nawa.

Luka 6:38

Ahenu akwenu, Zambi neye makanwaha: njongo yibema, yakukona, yakunyikumuna hamwe, yakusupwoke mu yikashi yenu. Mumu ni cheseko chize nwakwesekela nacho, che Zambi neye makanwesekela.”

2 Korintu 9:6

Nyingikenu ngwenu, yoze matumba mbuto yikepe, makahela yikepe, yoze matumba yinji, makahela yinji.

Tiangu (Jake) 2:13

Mumu, muze Zambi makabatwila atu, mutu yoze kevwilile ko akwo keke, ni Zambi kechi kamuvwila keke. Alioze yoze te wakuvwila atu keke, Zambi neye makamuvwila keke muze makamubatwila.

Usolwelo 18:6

Mulingenu ngwe chize anulingile. Cheswe Chuma chize anulingile, mulingenu cho yisuho yaali. Weswe musenge uze anunwishine, ni yenu munwisenu wo yisuho yaali ya tachi kuhiana.

Akwa Kuyula 1:7

Adonibezeke yamba ngwenyi: “Mianangana makumi shimbiali nabatwile minwe yo ya shina ya ku moko ni ku molu, yaatongwona yifwenyufwenyu mushi lia mesa yami. Haliabwila ni yami nawa Zambi hangulinga cho.” Mba Ayuda ni Asimeone yaamutwala ku Yerusaleme. Kwenako afwilile.

Akwa Kuyula 5:27

Sisera yazondama ha makungunwa, yalimbuka, yabomba kuluu ku molu ja Jaele. Ku molu jenyi yazondama, yalimbuka; yalimbuka hashi, yafwa.

1 Samuel 15:33

Hohene Samuel yambila Agage ngwenyi: “Ngwe chize mukwale we hiwashiha ana ja amama anji, Chenacho nawa noko makufulwana.” Mba Samuel yabatwola Agage ku meso ja Mwene Zambi ku Gilgale.