Mateu 6:3 - Mukanda Wa Zambi 1970

³ Alioze yena, muze muuhana yawana kuli yiswale, Chilinge ni mana hanga chibwe sepa lie munene kanda achinyingika.

MUKANDA USANDU WA ZAMBI 1975

³ Alioze yena muze muhana yawana, kwoko lie lia chimeso kanda likanyingika chize kwoko lie lia chindume mulilinga:

Mateu 6:3 Iomraidhean Croise

Mateu 12:19

Kechi kalitachika ni mutu, chibwe kechi kakololoka. Mutu niumwe kechi kevwa liji lienyi mu majila.

Mateu 6:2

“Kashika, muze muuhana yawana kuli yiswale, kanda wimba chitavwi kulutwe lie ngwe chize akulinga yilembekese mu mazuwo a kuwayila ni mu majila. Kaakuchilinga hanga atu aalemese. Chamwenemwene ngunanwambulwila ngwami, haanatambula kulu fweto yo.

Mateu 6:4

Chenacho kuhana che chibwe ku tenga, ni Tatenu yoze Wakumona yize wakulinga ku tenga, makakukundulula.

Mateu 8:4

Mba Yesu yamwamba ngwenyi: “Unevu? Kanda ukambulwila mutu niumwe. Alioze yako ukaliweze kuli hako wa Zambi. Mba lambula mulambu uze ambile Mose, ni kulweza eswe ngwe, hiwabema.”

Mateu 9:30

Meso jo yaalaula. Yesu yaaha koki chikolo ngwenyi: “Mutu niumwe kanda achinyingika!”

Marku 1:44

“Unevu? Kanda ukambulwila niumwe, alioze yako ukalilweze kuli hako wa Zambi. Mba lambula mulambu uze ambile Mose ha kulweza eswe ngwe, hiwabema.”

Yoano 7:4

Niumwe masweka yize akulinga, nyi kanazange amunyingike. Yena wakulinga yitanga ngwe yize. Chinalite uye ukayilinge ku meso ja akwa hashi eswe, hanga akamone.”